Gálatas 5:17 - Kaqchiquel Bible

¹⁷ Roma ri rayibel ri' kan man yeqa' ta chuwech ri Loq'olej Espíritu. Y ri nrajo' ri Loq'olej Espíritu, man niqa' ta chikiwech ri itzel taq rayibel ri ek'o iwik'in rix. Roma ri' man kan ta yixtikir niben ri nirayij.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Porque ri itzel teq rayinik chin ri cuerpo, ma ndikajoꞌ ta ndikiyaꞌ qꞌij chare ri Espíritu Santo chi ndukꞌuaj ri ikꞌaslen y ri Espíritu Santo ma ndirajoꞌ ta nduyaꞌ qꞌij chare ri itzel teq rayinik chi ndikikꞌuaj ri ikꞌaslen. Ri ekaꞌiꞌ riꞌ ma ndikikꞌuaj ta kiꞌ, y romariꞌ rix ma ngixtiker ta ndibꞌen nojel ri ndirayij ndibꞌen.

Kaqchikel Santa Maria de Jesus

¹⁷ Ruma ri itziel tak kax ri nrajoꞌ ri i-cuerpo man nika ta choch ri Espíritu Santo. Y ri nrajoꞌ ri Espíritu Santo man nika ta choch ri i-cuerpo. Can man jun bꞌay xtiquicꞌuaj-quiꞌ. Chi quireꞌ man ntiꞌan ta ri ntivajoꞌ ixreꞌ.

Kaqchikel Central Guatemala

¹⁷ Roma vi xa ja ri irayibel rix ri nivajo' niben, re' can man utz ta c'a nuna' chire ri nrajo' ri Lok'olej Espíritu. Y ri Lok'olej Espíritu man nrajo' ta chi ja ri itzel tak rayibel nic'oje' pa tak ic'aslen. Can man jun bey c'a xtiquic'uaj ta qui'. Romari' man can ta xquixtiquir niben ri nirayij rix.

Re C'ac'a Testamento pa Kach'abal

¹⁷ Roma vo xa ja re nirayij yex jare' re niban, re' man nika-ta chach re Espíritu Santo. Y re nuban re Espíritu Santo man nika-ta chiquivach re itzel tak rayibal. Can man jun bey xtiquic'uaj-ta-qui'. Mare' tak yex nijo' niban re nrajo' re Espíritu Santo, re itzel tak rayibal man niquijo-ta, y tak yex nijo' niban re itzel tak rayibal, re Espíritu Santo man nrajo-ta.

Kaqchikel Western Solola

¹⁷ Ruma ri raybel riche (rixin) ri ch'aculaj ma nika ta chuwech ri Lok'olaj Espíritu, y ri raybel riche (rixin) ri Lok'olaj Espíritu ma nika ta chuwech ri ch'aculaj. Chi ye ca'i' man c'a xtiquic'uaj ta qui'. Y rumari' ma yixcowin ta niben ri niwajo' chi niben.

Gálatas 5:17 ပူးပေါင်းရင်းမြစ်များ

Romanos 8:13

Roma wi xqojkik'uaj ri itzel taq rayibel ri', xa kamik nikik'en-pe chiqe. Jak'a wi yojuk'uex roma ri Loq'olej Espíritu richin nukamisaj ri itzel taq rayibel ri'; xtiqil k'aslen.

San Juan 3:6

Ri wineq k'a ri ruk'uan xaxe ri alaxik richin re ruwach'ulew, kan aj-ruwach'ulew wi. Jak'a ri wineq ri ruk'uan chuqa' ri alaxik richin ri Loq'olej Espíritu, kan richin wi ri Loq'olej Espíritu.

San Mateo 26:41

Man k'a kixwer-qa, xkich'on rik'in ri Dios richin chi toq yixtejtobex, man kixtzaq pa mak. Kan wetaman-wi chi ri rurayibel ri iwánima ja ri niben ri nrajo' ri Dios. Jak'a iyon xa kan man yixtikir ta, xcha' chike.

Wuj Richin Bix Chire ri Dios 119:20

Ri wánima janila niq'axon roma jantape' nurayij nretamaj ri apixa'.

Wuj Richin ri Molojri'il 7:20

Kan keri', chuwech re ruwach'ulew man jun ri kan choj ruk'aslen, ri kan xaxe ta ri utz nuben y man ta nimakun.

Wuj Richin Bix Chire ri Dios 119:32

Kan rik'in ronojel wánima xkibiyin chupan ri bey ri nuk'ut ri apixa'. roma kan in anojisan rik'in kikoten,

Santiago 3:2

Qonojel k'iy bey xa man ja ta ri yeqaben. Y wi ta k'o jun ri man jun bey nimakun rik'in ri ruch'abel, ri wineq ri' kan tz'aqet ri ruk'aslen. Roma wi nitikir nuq'et ri ruch'abel, kan nitikir chuqa' nuben keri' rik'in chijun ri ruch'akul.

San Mateo 16:23

Jak'a ri Jesús xubij chire: Katel-el chinuwech, rat Itzel-Wineq, roma rat xa xatok pajk'ibel chupan ri nubey. Roma ri ach'obonik rat xa kan junan rik'in ri nikich'ob ri winaqi', y man nach'ob ta juba' achike k'a ri nrajo' ri Dios, xcha'.

San Lucas 22:46

Y xubij chike: ¿Achike roma xa yixwer? Kixyakatej, y kixch'on rik'in ri Dios y tik'utuj chire chi toq yixtejtobex, man kixtzaq pa mak, xcha' chike.

San Mateo 12:30

Wi rix man ixk'o ta wik'in, xa ix yakatajineq chuwij. Y achike ri man nito'on ta wichin richin nink'ol ri tiko'n, xa jari' ri nitalun ronojel.

Gálatas 3:21

¿Y yojtikir kami niqabij chi ri Dios xuya' ri pixa' richin xuyoj ta ri rusujun kan? Man keri' ta. Jak'a wi ta ri pixa' xtikir ta xuya' k'aslen, ja ta ri pixa' ri' ri nibanon chiqe chi man jun qamak yojk'ulun chuwech ri Dios.

San Lucas 22:33

Y ri Simón xubij: Wajaw, wi rat xkatuk'uex pa cárcel, yibe awik'in. Yibe chuqa' awik'in, wi rat xkatapon chuwech ri kamik, xcha'.

San Mateo 16:17

K'ari' ri Jesús xubij: Utz ruwa-aq'ij rat Simón Pedro ruk'ajol ri Jonás. Ri xabij, man wineq ta k'a ri xq'alajirisan chawech, xa kan jak'a ri nata' Dios ri k'o chila' chikaj.

San Mateo 5:6

Jebel ruwa-kiq'ij ri kan nik'at kánima chirij ri ruchojmilal; ri Dios xtuben chike chi xtich'uch'u' ri kánima.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Wuj Richin Bix Chire ri Dios 130:3

Jehová, wi ta rat atz'iban ta ronojel ri qamak, ¿achike ta k'a xtitikir xtipa'e' chawech?

Wuj Richin Bix Chire ri Dios 119:176

Yin kan xibiyin k'a achi'el jun karne'l ri sachineq. Jak'a rat Jehová kan kinakanoj yin ri in samajel, roma kan man numestan ta ri apixa'.

Wuj Richin Bix Chire ri Dios 119:159

Jehová, tatz'eta' chi yin kan ninwajo' ri apixa'. Roma ri awajowabal pa nuwi', tabana' utzil taya' ri nuk'aslen.

Wuj Richin Bix Chire ri Dios 119:133

Tabana' chuwe chi xkibiyin ta achi'el nubij ri ach'abel, y man taya' q'ij chi ri etzelal nich'akon chuwij.

Wuj Richin Bix Chire ri Dios 119:40

Yin kan jantape' k'a nurayiben-pe nintaqej ri apixa'. Tabana' utzil taya' nuk'aslen, roma rat kan at choj-wi.

Wuj Richin Bix Chire ri Dios 119:35

Kinayuqej chupan ri bey richin ri ruchojmilal, roma kan rik'in ri' k'o-wi ri nukikoten.

Wuj Richin Bix Chire ri Dios 65:3

Ri itzel taq qabanobal kan yojruch'ek, jak'a rat kan nakuy ronojel ri yakatajinenri'il ri yeqaben.

Wuj Richin ri Rutikeribel 6:3

Y ri Jehová xubij: Man richin ta jantape' xtik'oje' ri k'aslen rik'in ri wineq ri xinya' chire pa nabey, roma ja ri rurayibel ri ch'akulaj ri uk'uayon kichin. Xaxe chik 120 juna' xke'apon-wi chuwech re ruwach'ulew, xcha'.