Gálatas 5:12 - Kaqchiquel Bible

¹² Kan janila ninrayij chi ri achi'a' ri' kan ta k'a nikiqupij-el jumul ri kich'akul.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Pero ri wineq ri ndikisuqꞌ inoꞌoj rikꞌin ri kitijonik, ma xe ta kꞌa tikibꞌanaꞌ circuncidar kiꞌ, xa kin tikiqꞌataꞌ e nojel ri ki-parte.

Kaqchikel Santa Maria de Jesus

¹² ¡Ncaꞌan ta capar ri vinak ri niquicꞌax rubꞌixic ri ruchꞌabꞌal ri Dios!

Kaqchikel Central Guatemala

¹² Can janíla c'a ninrayij chi e elesan ta el ri vinek ri yeyojon (yeyujun) ri ruch'abel ri Dios chivech.

Re C'ac'a Testamento pa Kach'abal

¹² Camas c'a ninrayij che ye'el-ta-a re vinak re' chi'icojol re niquiyoj re ruch'abal re Dios chivach.

Kaqchikel Western Solola

¹² Can nrayij c'a chi ye elesan ta el ri winek ri yeyojo ruch'abel ri Dios chiwech.

Gálatas 5:12 ပူးပေါင်းရင်းမြစ်များ

Gálatas 5:10

Jak'a yin kan kuqul nuk'u'x rik'in ri ajaw Jesucristo, chi rix kan xaxe-wi ri qitzij ri xtinimaj. Y ri winaqi' ri nikiyoj ri ruch'abel ri Dios chiwech, kan k'o k'a chi xtiqaqa ruk'ayewal pa kiwi'. Y xabachike ta k'a winaqi' ri'.

1 Corintios 5:13

Ri winaqi' ri man kikuquban ta kik'u'x rik'in ri Cristo, ja ri Dios ri niq'aton-tzij pa kiwi'. Jak'a ri qach'alal ri k'o chi'ikojol y najin chubanik ri etzelal, nik'atzin chi tiwelesaj-el chi'ikojol.

Tito 3:10

Y wi k'o jun ri chaq jupalik nrajo' nuben oyowal, tapixabaj k'a ri nibanon keri'. Y wi abin chik chire jun bey y man yarunimaj ta, tabij chik jun bey chire. Y wi kan man niniman ta, man chik tak'en ruwech.

Wuj Richin ri Josúe 7:25

Y chiri' ri Josué xubij chire ri Acán: ¿Achike roma xaya' re ruk'ayewal re' pa qawi'? Ri Jehová xtuya' k'a ruk'ayewal pan awi' rat re q'ij re', xcha'. Keri' k'a konojel ri e rijatzul ri Israel xekik'eq chi abej, y toq xekikamisaj yan chi abej, xekiporoj.

Wuj Richin ri Chojmirisabelri'il 22:3

Chuqa' tabij chike rije': Xabachike chike ri iwijatzul ri ek'o wakami y ri xkepe chiwech-apo, wi xtijel-apo rik'in ri sipanik ri sujun chuwe yin Jehová, koma ri iwinaq, y ri sacerdote ri' xa man ch'ajch'oj ta, kan xtelesex k'a el chinuwech yin; yin Jehová ri yibin.

Ex 30:33

Roma ri' wi k'o jun ri nibanon aceite achi'el re wichin yin, o k'o ta jun ri niq'ejo pa ruwi' jun xabachike wineq, ri xtibanon keri' kan jumul k'a telesex-el chi'ikojol.

Ex 12:15

Wuqu' q'ij k'a xtitej kaxlan-wey ri maneq ch'amilej-q'or rik'in. Roma ri' kan ja yan ri pa nabey k'o chi niwelesaj-el ronojel ch'amilej-q'or ri k'o pan iwachoch. Roma xabachike ri xtitijo kaxlan-wey ri k'o ch'amilej-q'or rik'in chupan ri wuqu' q'ij, kan xtelesex k'a el chi'ikojol.

Wuj Richin ri Rutikeribel 17:14

Y ri achin ri man xtiya'ox ta re etal re' chire, re' kan xtelesex-el chupan ri rutinamit chi'ikojol rix, roma xuq'ej ruwi' ri nujikibel-tzij, xcha'.

Gálatas 2:4

Man rik'in ri', chikikojol ri qach'alal ek'o ri xa man e qitzij ta qach'alal. Y rije' kan xkajo' chi xban ta ri etal ri'. Rije' kiju'un-apo-ki' xaxe richin nikinachaj ri solberi'il richin ri k'aslen rik'in ri Cristo Jesús, roma rije' kan nikajo' chi k'a yojxime' na chuxe' ronojel ri nubij ri pixa'.

Hechos 15:24

Qak'axan k'a chi jujun chike ri qach'alal aj wawe' ri e apowineq iwik'in. Rije' xa jun wi chik ri xkibij chiwe y roma ri' xkisech ik'u'x, roma rije' nikibij chi rix k'o chi niban iwetal, y nitaqej ri pixa' ri richin kan ri Moisés. Jak'a man roj ta oj taqayon-el kichin.

Hechos 5:9

Jak'a ri Pedro xubij chire: ¿Achike roma rix kan xiben chi achi'el xa ta man yixrutz'et ta pe ri Loq'olej Espíritu richin ri Dios? Roma ri' ri awachijil jari' xbemuq kan. Y ri e beneq muquy richin, jari' ye'ok yan pe, richin keri' yatokik'ama' chik el rat, richin yatbekimuqu' kan chuqa', xcha'.

Hechos 5:5

Y ri Ananías kan xaxe k'a xrak'axaj ri ch'abel ri xerubij ri Pedro, xken y xtzaq-qa. Y konojel k'a ri xe'ak'axan ri xbanatej, xpe k'a janila xibinri'il chike.

San Juan 9:34

Jak'a ri fariseo ri' xkibij chire ri achin ri nitzu'un chik: Rat kan at aj-mak pe pan awalaxik, ¿y nawajo' yojatijoj roj?, xecha'. Kan jari' k'a xkoqotaj-pe chupan ri jay ri akuchi nikimol-ki' richin nikak'axaj ruch'abel ri Dios.

Wuj Richin ri Josúe 7:12

Roma ri' rix man chik xkixtikir ta xkixch'akon chikij ri e etzelanel iwichin. Xa xkixanimej k'a pe chikiwech rije', roma rix chuqa' ruk'amon richin yixk'is jumul. Yin man xkik'oje' ta chik iwik'in, wi man xtik'is ta el chi'ikojol ri ruk'amon richin nik'is jumul.

Deut 23:1

Ri achin ri xa paxin ri rukowil y ri tzak'in-el ri rutza'n ri rukowil, man utz ta chi nik'an ruwech chupan ri molojri'il richin ri Jehová.

Wuj Richin ri Rutikeribel 30:34

Y ri Labán xubij: Utz k'a, kan tabana' k'a achi'el ri nabij, xcha'.