Gálatas 4:26 - Kaqchiquel Bible

²⁶ Jak'a ri Sara nuk'exewachuj ri tinamit Jerusalem, ri richin ri chila' chikaj. Y roj kan oj ral k'a rija' y kan oj totajineq chik.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Pero ri teꞌej rubꞌiniꞌan Sara ri kin libre wi, ndiqajunumaj rikꞌin ri aj chikaj Jerusalén, y ja rijaꞌ ri kin achel jun teꞌej chaqe roj ri qataqin ri Jesús y roj libre chuwech ruchuqꞌaꞌ ri ley.

Kaqchikel Santa Maria de Jesus

²⁶ Pero ojreꞌ ri oj ral ri jun chic tanamet Jerusalén ri richin chicaj, can oj libre.

Kaqchikel Central Guatemala

²⁶ Pero man e que ta ri' ri e aj pa tinamit Jerusalem, ri richin chila' chicaj. Ri vinek ri richin ri tinamit ri' e libre. Y can jac'a roj ri kaniman chic ri Jesucristo ri oj richin ri tinamit ri'.

Re C'ac'a Testamento pa Kach'abal

²⁶ Pero re vinak chin re jun chic tenemit Jerusalén re c'o chila' chicaj, can je libre-va. Y yoj re kaniman chic re Jesucristo yoj richin re jun tenemit re'.

Kaqchikel Western Solola

²⁶ Yac'a riyoj ri yoj ral ri jun chic tinamit Jerusalem riche (rixin) chicaj, ma que ta ri' kabanon ruma yoj totajnek chic chuxe' rutzij ri ley.

Gálatas 4:26 ပူးပေါင်းရင်းမြစ်များ

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Filipenses 3:20

Jak'a roj kan oj richin chik ri chila' chikaj, ri akuchi k'o-wi ri kolonel y ajaw Jesucristo, y qoyoben chik ri q'ij toq xtipe.

Apocalipsis 21:2

Y xintz'et ri k'ak'a' Jerusalem ruchapon-pe qajen chila' chikaj rik'in ri Dios. Kan jebel k'a ruchojmirisan y ruwiqon-pe ri', achi'el jun xten ri nuwiq-ri' jebel royoben ri ala' ri nik'ule-wi-el.

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.

Wuj Richin ri Isaías 66:10

Roma ri' kixkikot k'a rik'in ri tinamit Jerusalem, janipe' chiwe rix yixajowan yixkikot rik'in. Kan kixnimaq'ijun k'a rix iwonojel ri ixk'o pa bis roma rija'.

Gálatas 4:22

Roma tz'ibatajineq kan chi ri Abraham xek'oje' e ka'i' ruk'ajol. Ri jun ruk'ajol xk'oje' rik'in ri Agar ri loq'on aj-ik'. Y ri jun chik ruk'ajol xk'oje' rik'in ri rixjayil ri kan totajineq chik.

Romanos 6:18

Ja k'a re wakami kan xixtotej pa ruq'a' ri mak; kan ix rusamajela' chik ri Dios y ik'uan chik jun k'aslen choj.

Romanos 6:14

Ruk'amon chi ri mak kan man jun ta chik ruq'a' chiqe. Pa ruk'exel re' ja ta ri rutzil ri Dios nitz'eton ri niqaben, y man ja ta ri pixa'.

San Juan 8:36

Roma ri' wi yin ri ruk'ajol ri Dios yixinkol, kan qitzij xkixtotej.

Joel 3:17

Y xtiwetamaj chi ja yin Jehová ri i-Dios y yin xkik'oje' chiri' pa juyu' Sión. Y ri tinamit Jerusalem kan ch'aron wichin yin. Y man jun bey chik xtich'akatej koma ch'aqa' chik winaqi' ri man e aj chiri' ta.

Wuj Richin ri Isaías 65:18

Kan jantape' k'a xkixkikot, y kan jantape' k'a kikoten xtik'oje' iwik'in roma ri xtinbenbana', roma yin kan xtinbenbana' jun k'ak'a' Jerusalem ri kan xtik'ases. Y xkenya' winaqi' ri chiri' ri janila xkekikot.

Os 4:5

Ri e sacerdote kan xketzaq k'a ri paq'ij, chikij rije' xketzaq k'a ri e q'alajirisanela', y ri ruwach'ulew kan xtink'is.

Os 2:5

Ri te'ej xa xutz'ilobisaj ri ruk'aslen, xa ruyon rija' xuqasaj ruq'ij roma xubij-qa: Kentzeqelibej na ri ye'ajowan wichin. Rije' kan xtikiya' k'a ri nukaxlan-way y ri nuya'. Kan xtikiya' k'a nutziaq ri e banon rik'in lana y lino. Kan xtikiya' k'a ri nu-aceite y ronojel ri xtinqum, xcha-qa.

Os 2:2

Ri Jehová xubij chik chuwe: ¡Kan tisujuj k'a ri Israel rik'in ri itzel rubanobal! Roma rija' xa man wixjayil ta chik y yin xa man in rachijil ta chik. Tik'utuj utzil chire chi titane' chire ri itzel taq rubanobal, chi kerumestaj jumul ri achi'a' ri ye'ajowan richin.

Wuj Richin ri Isaías 50:1

Kere' k'a nubij ri Jehová: Rix walk'ual, ¿akuchi kami k'o-wi ri wuj ri nubij chi yin xinya' kan ri ite', achi'el nuben kan jun achin chire ri rixjayil? ¿Xixink'ayij roma k'o ta nuk'as? Ni, jak'a xa roma imak y ri iyakatajinenri'il. Chuqa' roma ri rumak ri ite', kan xinteq-el nej.

1 Pedro 2:16

Kan kixk'ase' k'a achi'el ri winaqi' ri etotajineq chik. Jak'a man tikusaj ri solbelri'il ri' richin niben ri etzelal. Xa kan kixok k'a rusamajela' ri Dios.

Gálatas 5:1

Ri Cristo xojrukol chuwech ri pixa' richin chi roj xojtotej. Y roma ri' rix kan kow k'a kixk'oje' richin man chik tixim-iwi' jun bey.

Wuj Richin ri Isaías 52:9

Kan xkixsik'in roma ch'akonik rix aj-Jerusalem, stape' ri tinamit wuluwik rubanon kan, roma ri Jehová kan xtujoyowaj ruwech; kan xtukol ri itinamit.

Apocalipsis 17:5

Y nik'aj ruwech tz'ibatel-wi ri rubi'. Y man kan ta q'alaj achike nik'ulun chi tzij, y kere' ri nubij: Ri nimalej tinamit Babilonia, kite' ri ixoqi' ri itzel kik'aslen y kite' chuqa' ri winaqi' ri yebanon etzelal chuwech ri ruwach'ulew, nicha'.

Gálatas 4:25

Ri Agar, kan achi'el-wi ri jikibel-tzij ri xban pa ruwi' ri juyu' Sinaí, ri pa ruwach'ulew Arabia. Chuqa' nuk'exewachuj ri nuwinaq judío ri kitzeqeliben ri pixa' ri k'o pa Jerusalem. Y roma ri' ek'o pa ximonri'il richin ri pixa'.

Apocalipsis 12:1

K'ari' xintz'et chi ri chikaj xbeq'alajin-pe jun nimalej retal; xintz'et k'a jun ixoq ri rupison ri' chupan ri q'ij achi'el xa ta jari' ri rutziaq. Ri ik' k'o qa chuxe' ri raqen y pa rujolon k'o jun corona ri ek'o kablajuj ch'umila' chuwech.