Gálatas 4:25 - Kaqchiquel Bible

²⁵ Ri Agar, kan achi'el-wi ri jikibel-tzij ri xban pa ruwi' ri juyu' Sinaí, ri pa ruwach'ulew Arabia. Chuqa' nuk'exewachuj ri nuwinaq judío ri kitzeqeliben ri pixa' ri k'o pa Jerusalem. Y roma ri' ek'o pa ximonri'il richin ri pixa'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Y ndiqajunumaj chuqaꞌ ri Agar rikꞌin ri juyuꞌ rubꞌiniꞌan Sinaí ri kꞌo pa rochꞌulew Arabia, y ri rukꞌaslen ri Agar kꞌo ndukꞌut chiqawech pa ruwiꞌ ri achike rubꞌanun kikꞌaslen ri wineq pa tinamit Jerusalén wokami. Porque achel ri teꞌej rubꞌiniꞌan Agar ma libre ta, ri israelitas ri ekꞌo chuxeꞌ ruchuqꞌaꞌ ri ley, kin eꞌachel ri Agar y ri ral keriꞌ, porque ma e-libre ta chuqaꞌ.

Kaqchikel Santa Maria de Jesus

²⁵ Ri ixok Agar, can incheꞌl ri pacto ri xꞌan paroꞌ ri juyuꞌ Sinaí, ri cꞌo chupan ri lugar rubꞌinan Arabia. Ri Agar man libre ta. Y ri nuvanakil israelitas ri icꞌo vacame Jerusalén, can icꞌo chuxieꞌ ri ru-ley ri Moisés, ijejeꞌ jeꞌ man i-libre ta. Xa can incheꞌl ri ixok Agar ri esclava.

Kaqchikel Central Guatemala

²⁵ Ri ixok Agar, can achi'el vi ri trato ri xban pa ruvi' ri juyu' rubini'an Sinaí, ri pa ruvach'ulef Arabia. Ri Agar can man libre ta. Y ri nuvinak israelitas ri e aj-Jerusalem, ri can ec'o-vi chuxe' ri ley richin ri Moisés, rije' chuka' man e libre ta. Xa can e achi'el ri ixok Agar ri aj-ic' lok'on.

Re C'ac'a Testamento pa Kach'abal

²⁵ Re xuban re ixok Agar, can ancha'l re trato re xban pa rue' re loma rubini'an Sinaí, re pa nación rubini'an Arabia. Re Agar can man libre-ta. Y re nuvinak israelitas re aj-Jerusalén, re can jec'o-va chuxe' re ley chin re Moisés, reje' chuka' man je libre-ta. Xa can je ancha'l re ixok Agar re aj-ic' lak'on.

Kaqchikel Western Solola

²⁵ Ri ixok Agar, can ruq'uexewach wi c'a ri trato ri xban acuchi (achique) c'o wi ri juyu' Sinaí, ri c'o pan Arabia. Ri Agar can ximil wi pa samaj. Y re' junan riq'ui ri ye wech aj Israel ri yec'o pa Jerusalem wacami, can ye ximil chuxe' rutzij ri ley riche (rixin) ri Moisés. Xa can ye achi'el ri ixok aj ic' ri Agar rubi'.

Gálatas 4:25 ပူးပေါင်းရင်းမြစ်များ

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.

Gálatas 1:17

Ni man xibe ta chuqa' kik'in ri ch'aqa' chik ri e taqon roma ri Cristo ri ek'o pa Jerusalem, stape' rije' kan e cha'on-pe nabey chinuwech yin. Jak'a xa pa ruwach'ulew Arabia xibe-wi. Y toq xitzolin-pe, pa tinamit Damasco xik'oje-wi.

Hechos 1:11

Y ri ka'i' achi'a' ri' xkibij k'a chike: Rix ri yixpe pa Galilea, ¿achike roma toq yixtzu'un chikaj? Re Jesús re xitz'et chi xbe chikaj re wakami, kan xtipe chik k'a jun bey. Y kan achi'el re xuben-el re xbe, kan keri' chuqa' xtuben ri pa ruka'n bey toq xtiqaqa-pe chila' chikaj, xecha' chike.

San Lucas 19:44

Xtikiqasaj k'a pan ulew ri itinamit junan iwik'in rix. Chire ri itinamit man jun k'a jay, ni man jun tz'aq ri xtipa'e' kan. Roma kan man nitzu' ta chi ri Dios xoqaqa yan iwik'in, richin yixrukol, xcha'.

San Lucas 13:34

K'ari' ri Jesús xch'on chik, y xubij: Aj-Jerusalem, aj-Jerusalem, ¿achike k'a roma toq ye'ikamisala' ri achi'a' ri yeq'alajirisan ruch'abel ri Dios, y ye'ikamisala' chi abej ri yeruteq-pe ri Dios chi'ikojol? Yin kan janila k'a bey ri xinwajo' chi xixinmol ta wik'in, achi'el nuben ri kite-ek' chike ri taq ral, yerumol chuxe' ri ruxik'. Jak'a rix kan man jun bey xiwajo' ta.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

Wuj Richin Bix Chire ri Dios 68:17

Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Wuj Richin Bix Chire ri Dios 68:8

ri ruwach'ulew kan xsilon y kan xqaqa k'a pe ri job chila' chikaj; roma rat atk'o chiri', ri juyu' Sinaí kan xsilon, xsilon k'a chawech rat ri at qa-Dios roj israelita.

Wuj Kichin ri To'onela' 5:5

Ri juyu' kan xesilon chawech rat Jehová ri at qa-Dios, Kan achi'el k'a xsilon ri juyu' Sinaí.

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Gálatas 4:24

Re tzij re' jun k'ambel-na'oj, roma re ka'i' ixoqi' re', nuk'exewachuj ri ka'i' jikibel-tzij ri xuben ri Dios. Ri Agar, achi'el ri jikibel-tzij ri xban pa ruwi' ri juyu' Sinaí. Y konojel k'a ri ye'alex keri', ye'alex chupan ri ximonri'il.

Gálatas 4:26

Jak'a ri Sara nuk'exewachuj ri tinamit Jerusalem, ri richin ri chila' chikaj. Y roj kan oj ral k'a rija' y kan oj totajineq chik.