Gálatas 4:18 - Kaqchiquel Bible

¹⁸ Jak'a wi k'o k'a jun ri nibanon utzil chiwe roma nrajo' chi utz ta yixk'oje', kan yalan-wi jebel, y beneq ta ruwech nuben keri' y man ta xaxe toq yin ink'o iwik'in.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Utz wi chi ndibꞌa ránima jun chiwij, pero chin ta kꞌo utz ndukꞌen pe chiwa, y kin ta jumul xtubꞌen keriꞌ rikꞌin nojel ránima, y ma xe ta atoq yinkꞌo riyin chiꞌikajal.

Kaqchikel Santa Maria de Jesus

¹⁸ Xa cꞌo jun ri nibꞌano favor chiva ruma nrajoꞌ chi otz ta nquixcꞌujieꞌ, can otz, y siempre quireꞌ ta nuꞌon y man joꞌc ta antok incꞌo iviqꞌuin.

Kaqchikel Central Guatemala

¹⁸ Y vi c'o c'a jun ri nibanon utzil chive roma nrajo' chi utz ta yixc'oje', yalan jebel, y benek ta ruvech nuben queri' y man ta xaxe tok inc'o iviq'uin.

Re C'ac'a Testamento pa Kach'abal

¹⁸ Y vo xa c'o jun re nibano utzil chiva roma nrajo' che otz yixc'ue', camas-ta otz, y nojel tiempo quire' tubana' y man-ta xaxe tak yinc'o iviq'uin quire' nuban.

Kaqchikel Western Solola

¹⁸ Yac'a riyin can ronojel tiempo ntij nuk'ij chi nben utzil chiwe y can riq'ui ronojel wánima nben ri utzil ri' ruma nwajo' chi utz ta yixc'oje', y ma xu (xe) ta wi tek yinc'o apo riyin iwuq'ui.

Gálatas 4:18 ပူးပေါင်းရင်းမြစ်များ

Filipenses 2:12

Roma ri', rix ri yalan yixinwajo', ninbij k'a chiwe chi jantape' tinimaj tzij, achi'el ibanon-pe toq xik'oje' iwik'in. Kan keri' chuqa' tibana' wakami, stape' man ink'o ta iwik'in. Rik'in qasanri'il, titija' iq'ij richin nisamajij ri ik'aslen rik'in ri Dios k'a toq xtitz'aqatisaj na.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

Gálatas 4:13

Rix jebel iwetaman, chi pa nabey xa roma jun yabil xichapo toq xik'oje' iwik'in y xintzijoj ri utzilej ch'abel richin kolotajik chiwe.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

Wuj Richin Bix Chire ri Dios 119:139

Ri woyowal kan yiruk'is yan qa, roma ri e etzelanel wichin, xa man nikiben ta achi'el nubij ri apixa'.

San Juan 2:17

Roma ri' ri rutijoxela', kan chi'anin k'a xoqaqa chikik'u'x ri jun tzij tz'ibatel chupan ri ruch'abel ri Dios, toq nubij:*f3* Roma kan janila ninwajo' ri awachoch y kan nupaxij wánima ri niban chire, nicha'.

Wuj Richin ri Isaías 59:17

Ri Dios xukusaj ri ruchojmilal y ri ruchuq'a' achi'el nikusex ri kamisabel richin yerukol ri choj kik'aslen y nuya' rutojbalil pa kiwi' ri man utz ta kik'aslen.

Wuj Richin Bix Chire ri Dios 69:9

roma kan janila ninwajo' ri awachoch y kan nupaxij wánima ri niban chire, y ri itzel taq ch'abel ri yekibila' chawe richin k'ix, kan chuwij k'a yin niqaqa-wi.

Gálatas 4:20

Y yin janila k'a ninwajo' chi ink'o ta apo iwik'in re wakami; richin keri' man ta yich'on iwik'in achi'el re ninben wakami. Kan man nich'obotej ta k'a chinuwech achike ruk'amon ninben iwik'in.

Gálatas 4:17

Y ek'o k'a ka'i-oxi' winaqi' chi'ikojol ri k'iy utzil nikiben chiwe. Jak'a rije' keri' nikiben roma nikajo' chi ye'itzeqelibej, y yinimalij ta kan yin.