Gálatas 4:15 - Kaqchiquel Bible

¹⁵ Y chiri' yalan xkikot ri iwánima woma yin. Kan xq'alajin k'a chi janila xiniwajo'. Y yin wetaman chi wi ta kan k'o xk'atzin chuwe, rix kan xiya' ta chuwe stape' ta ja ri runaq' taq iwech. Jak'a re wakami, ¿akuchi k'a xbe-wi ri kikoten ri xk'oje' iwik'in pa nabey?

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Pero, ¿achike kꞌa xbꞌanatej rikꞌin ri bendición xinaꞌ wikꞌin pa nabꞌey? Porque qetzij nibꞌij chiwa chi chupan teq ri qꞌij atoq xikꞌojeꞌ chiꞌikajal, si kin xkꞌatzin ta chi rix xiwelesaj e ri runaqꞌ teq iwech chin ta xiyaꞌ chuwa, kin xibꞌen ta.

Kaqchikel Santa Maria de Jesus

¹⁵ Y can jaꞌal xquicuot ivánima vuma inreꞌ. Y inreꞌ vataꞌn chi xa ta xcꞌatzin chi ixreꞌ xivalasaj-el ri inakꞌavach chi xiyaꞌ ta chuva, xiꞌan ta. ¿Pero karruma man chic nquixquicuot ta vacame incheꞌl xiꞌan naꞌay?

Kaqchikel Central Guatemala

¹⁵ Y chiri' yalan xquicot ri ivánima voma yin. Can xk'alajin c'a chi janíla xinivajo'. Y yin vetaman chi vi ta can c'o nic'atzin-vi richin xivelesaj ta ri runak' tak ivech, richin ta xiya' chuve yin, can ta xiben. ¿Pero acuchi c'a xbe-vi ri quicoten ri xc'oje' iviq'uin pa nabey?

Re C'ac'a Testamento pa Kach'abal

¹⁵ Y voma yen yex camas xqui'cot re ivánma. Can xk'alajin che camas xinijo'. Y yen ntaman che xe-ta can c'o modo xincusaj re inak'avach, xilisaj-ta-a chin xiya-ta chua. Y vocame ¿anche' c'a xbo-va ronojel re' re xiban viq'uin tak xinc'ue' iviq'uin?

Kaqchikel Western Solola

¹⁵ Y chiri' sibilaj xquicot ri iwánima wuma riyin. Can xk'alajin c'a chi sibilaj xiniwajo'. Y riyin wetaman chi wi xa ta can c'o xc'atzin wi riche (rixin) chi xiwelesaj ta ri runak' tak iwech, riche (rixin) chi xiya' ta chuwe riyin, riyix can ta xiben. ¿Y acuchi (achique) c'a xbe wi ri quicoten ri' ri xc'oje' iwuq'ui pa nabey mul?

Gálatas 4:15 ပူးပေါင်းရင်းမြစ်များ

Romanos 5:2

Roma ri Jesucristo y ri kuqubabel qak'u'x toq roj yojtikir yojkikot rik'in ri rutzil ri Dios y rik'in ri' oj jikil-wi. Kan yojkikot k'a roma qoyoben ri q'ij toq xqojok achi'el rija'.

Colosenses 4:13

Yin nintz'et k'a chi ri Epafras yalan yixruk'uxla'aj, roma ri nuben iwoma rix y koma chuqa' ri qach'alal ri ek'o pa tinamit Laodicea y ri ek'o pa tinamit Hierápolis.

1 Tesalonicenses 5:13

Roma ri' kan ke'ipoqonaj y ke'iwajowala' janila. Chuqa' jebel tik'uaj-iwi' y man ta jun oyowal ri chi'ikojolil.

1 Tesalonicenses 2:8

Janila yixqajo'. Roma ri' xqatzijoj chiwe ri utzilej ruch'abel ri Dios ri nik'amon-pe kolotajik. Y man xaxe ta ri'. Roma wi ta xk'atzin chi xojapon chuwech ri kamik chi'ito'ik, kan xqaben ta.

Gálatas 6:4

chiqajujunal tiqatzu-qa ri qabanobal, wi utz o xa man utz ta. Y wi ri qabanobal kan utz, ruk'amon k'a chi nikikot ri qánima. Y man ruk'amon ta chi niqajunamaj na qi' rik'in jun chik,

Gálatas 5:22

Jak'a wi kan niya' q'ij chi ja ri Loq'olej Espíritu nuk'uan iwichin, ri ik'aslen xtiwachin jebel: Xkixajowan, xtikikot ri iwánima, xtik'oje' uxlanibel-k'u'x iwik'in, xkixkoch'on, nim iwánima xtiben, xtibanala' utzil, kan xtiben ri xtibij,

Gálatas 4:19

Toq rix man jani tikuquba' ik'u'x rik'in ri Cristo, yin kan janila q'axo'n xink'owisaj, achi'el ruq'axo'n jun ixoq ri nibe'alex yan ti ral. Y wakami jun bey chik ja q'axo'n ri' ninna' pa wánima. Ri q'axo'n ri' jantape' xtink'uaj, k'a toq rix xtiya' q'ij chi ri Cristo xtiq'alajin chi utz chupan ri ik'aslen.

Gálatas 3:14

Jak'a ri Cristo Jesús xken qoma qonojel roj winaqi', richin keri' ri winaqi' ri man e judío ta nikik'ul chuqa' ri urtisanik ri xusuj ri Dios ojer kan chire ri Abraham. Y ri Jesucristo xken chuqa' richin keri' qonojel ri niqakuquba' qak'u'x rik'in, xtik'oje' ri Loq'olej Espíritu qik'in, roma kan keri' rubin kan ri Dios.

2 Corintios 8:3

Kan qitzij wi chi rije' xkiya' ri janipe' ri yetikir nikiya', y kan xkiya' más chire ri janipe' k'o kik'in. Y kan kik'in k'a rije' xpe-wi chi keri' xkiben.

Romanos 15:13

Ri Dios nuben k'a chiwe chi jantape' kuqul-apo ik'u'x rik'in. Y ri nurayibel yin chiwe rix, chi rija' nunojisaj ta ri iwánima rik'in ronojel kikoten y uxlanen roma ri kuqubabel-ik'u'x. Richin keri' xkixruto' ta rik'in ri ruchuq'a' ri Loq'olej Espíritu, richin chi kan kuqul ik'u'x niwoyobej ri rutzil ri Dios.

Romanos 10:2

Yin wetaman chi rije' nikitej kiq'ij richin nikitzeqelibej ri Dios, jak'a xa man ketaman ta ri achike rubanik nikiben.

Romanos 9:3

Yin kan ninya-wi' richin yinelesex-el rik'in ri Cristo y niqa' ruk'ayewal pa nuwi' richin ta yento'.

San Lucas 8:13

Ri ija'tz ri xqaqa kan kojol taq abej, kan nich'on-wi k'a chikij ch'aqa' chik winaqi' ri ye'ak'axan ri ruch'abel ri Dios. Rije' kan janila k'a yekikot toq nikik'ul ri ruch'abel ri Dios pa taq kánima. Jak'a man nuk'en ta qa jebel ri ruxe', kan man niyaloj ta k'a ri kikoten kik'in, xa jun ka'i-oxi' ok q'ij kuqul kik'u'x rik'in ri Dios. Y toq yetejtobex, man k'ayew ta richin nikiya' kan ri Dios.

Gálatas 4:14

Y rix janila k'iy tijoj-poqonal xik'owisaj wik'in roma ri yabil ri'. Y man rik'in ri in yawa', rix man itzel ta xinitz'et, ni man xinimalij ta. Xa kan jebel nuk'ulik xiben. Kan achi'el xa ta jun ángel richin ri Dios, o achi'el xa ta kan ja yin ri Cristo Jesús, ri xiben chuwe toq xinik'ul.

Gálatas 4:16

¿Nich'ob rix chi yin xinok etzelanel iwichin roma toq xinbij ri qitzij chiwe?