Gálatas 4:14 - Kaqchiquel Bible

¹⁴ Y rix janila k'iy tijoj-poqonal xik'owisaj wik'in roma ri yabil ri'. Y man rik'in ri in yawa', rix man itzel ta xinitz'et, ni man xinimalij ta. Xa kan jebel nuk'ulik xiben. Kan achi'el xa ta jun ángel richin ri Dios, o achi'el xa ta kan ja yin ri Cristo Jesús, ri xiben chuwe toq xinik'ul.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Y kꞌo ta cheꞌel itzel xinitzꞌet o xinixutuj roma ri yabꞌil riꞌ, pero rix kin xikꞌen apu nuwech, achel kin ta yin jun ángel chin ri Dios, o yin ta ri Cristo Jesús keriꞌ.

Kaqchikel Santa Maria de Jesus

¹⁴ Y mesque altíra xinꞌan sufrir ruma ri yabꞌil, ixreꞌ man itziel ta xinitzꞌat, ni man xiniyaꞌ ta can, xa can jaꞌal xiniꞌan recibir. Incheꞌl jun ángel richin ri Dios, o incheꞌl xa can ja inreꞌ ri Cristo Jesús xiꞌan chuva antok xiniꞌan recibir.

Kaqchikel Central Guatemala

¹⁴ Y janíla q'uiy ri tijoj-pokonal xinc'ovisaj roma ri yabil. Man riq'uin ri in yava', rix man itzel ta xinitz'et, ni man xinivetzelaj ta. Xa can jebel nuc'ulic xiben. Achi'el xa ta jun ángel richin ri Dios, o achi'el xa ta can ja yin ri Cristo Jesús, ri xiben chuve tok xinic'ul.

Re C'ac'a Testamento pa Kach'abal

¹⁴ Y camas tijoj-pokonal xink'asaj roma re nuyabil. Astapa' yen yinyavaj, yex can otz xinitz'at. Y camas otz nuc'ulic xiban. Ancha'l xa jun ángel chin re Dios, o ancha'l xa can ja yen re Cristo Jesús, re xiban chua tak xinic'ul.

Kaqchikel Western Solola

¹⁴ Y sibilaj q'uiy ri tijoj pokonal ri xink'axaj ruma ri yabil. Pero ma riq'ui ta chi yin yawa', riyix ma itzel ta xinitz'et, ni ma xiniwetzelaj ta. Xa can jabel nuc'ulic xiben. Achi'el xa ta jun ángel riche (rixin) ri Dios, o achi'el xa ta can yin c'a riyin ri Cristo Jesús ri xiben chuwe tek xinic'ul.

Gálatas 4:14 ပူးပေါင်းရင်းမြစ်များ

San Mateo 10:40

Ri jun k'a ri kan yixruk'ul rix, kan jak'a chuqa' yin ri yiruk'ul; y ri nik'ulu k'a wichin yin, kan nuk'ul k'a chuqa' ri taqayon-pe wichin.

1 Tesalonicenses 2:13

Roj jantape' niqamatioxij chire ri Dios, roma toq xqatzijoj ri ruch'abel ri Dios chiwe, kan xik'ul-wi. Y man xibij ta qa chi ruch'abel wineq, xa kan xibij chi kan ruch'abel-wi ri Dios. Y wakami k'a, ja ch'abel ri' ri nisamej pan iwánima rix ri ikuquban chik ik'u'x rik'in ri Jesucristo.

Hebreos 13:2

Toq ek'o ye'apon chi'iwachoch, man k'a tipoqonaj ye'ik'ul. Roma banatajineq chi roma ri samaj ri' ek'o ángel ri e apowineq pa taq jay, y ri xek'ulun kichin man xkinabej ta.

2 Corintios 5:20

Roma ri' roj kan yojch'on pa rubi' ri Cristo, y kan achi'el ja ta ri Dios ri nich'on iwik'in qoma roj. Niqak'utuj k'a utzil chiwe pa rubi' ri Cristo chi tijunamatej-iwech rik'in ri Dios.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

Wuj Richin ri Zacarías 12:8

Chupan ri q'ij ri' kan xkento' ri aj-Jerusalem ri maneq kuchuq'a', richin xtik'oje' kuchuq'a' achi'el xk'oje' rik'in ri David ojer kan. Y ri rajawaren kan xtik'oje' k'a uchuq'a' rik'in achi'el k'o wik'in yin, y achi'el xa ta ri nu-ángel.

2 Sam 19:27

Man xaxe ta k'a xiruq'ol kan, xa kan xutz'uk chuqa' tzij chuwij chawech rat wajaw. Jak'a rat kan janila na'oj k'o awik'in achi'el jun ángel richin ri Dios. Y roma ri' kan tabana' k'a ri utz nuben chawech rat.

2 Sam 14:17

Ri xabij wakami kan xuben chuwe richin xkuqer-el nuk'u'x, roma rat rey kan awetaman naya' rukojol ri utz y ri man utz ta achi'el nuben jun ángel richin ri Dios. Ri Jehová ri qa-Dios xkato'on k'a richin naben ri k'atzinel chi naben, xcha' ri ixoq.

1 Tesalonicenses 4:8

Y wi k'o jun ri chi'ikojol ri xa man nrak'axaj ta ronojel ri xqabij yan qa chiwe, man ja ta roj o jun ta chik wineq ri nretzelaj ri ruch'abel. Xa kan nretzelaj ri ruch'abel ri Dios, ri xya'on-pe ri Loq'olej Espíritu qik'in.

Gálatas 4:13

Rix jebel iwetaman, chi pa nabey xa roma jun yabil xichapo toq xik'oje' iwik'in y xintzijoj ri utzilej ch'abel richin kolotajik chiwe.

1 Corintios 4:10

Chikiwech ri winaqi' richin ri ruwach'ulew, roj xa oj nakaneq chupan ri rusamaj ri Cristo. Jak'a rix kan ix nowineq-wi rik'in ri Cristo. Chikiwech rije', roj xa maneq quchuq'a'. Jak'a rix kan janila wi iwuchuq'a'. Chikiwech rije', roj xa man jun qaq'ij. jak'a rix janila iq'ij.

1 Corintios 1:28

Ri Dios xixrucha' rix ri maneq iq'ij y yixetzelex koma ri winaqi' ri k'a kikuquban na kik'u'x rik'in re ruwach'ulew. Keri' xuben richin chi ri k'o janila kiq'ij wawe' chuwech re ruwach'ulew, xa man jun kejqalen nuben.

San Juan 13:20

Kan qitzij wi k'a ninbij chiwe, chi ri xtik'ulu k'a richin ri ninteq-el yin, kan ja yin ri yiruk'ul. Y ri xkik'ulu k'a yin, xa kan xtuk'ul k'a chuqa' ri taqayon-pe wichin, xcha'.

San Lucas 10:16

Jak'a rix nutijoxela', achike k'a wineq ri xkixruk'ul jebel richin nrak'axaj ri ich'abel, kan ja chuqa' yin ri yiruk'ul. Y ri achike k'a chuqa' ri xkixetzelan kan, ja chuqa' yin ri yiretzelaj. Y ri netzelan wichin yin, kan ja chuqa' ri Dios ri taqayon-pe wichin ri nretzelaj, xcha' el ri Jesús.

San Mateo 25:40

Y yin ri in rey xtinbij k'a: Kan qitzij wi k'a ri ninbij chiwe chi roma keri' xiben kik'in ri wach'alal ri maneq kiq'ij, xa kan chuwe k'a yin xiben-wi ri utzil xiben chike, xkicha'.

San Mateo 18:5

Xabachike k'a chiwe rix ri xtuk'ul jun ak'ual pa nubi' yin, kan achi'el ja ta yin ri xkiruk'ul, xcha' ri Jesús.

Wuj Richin ri Molojri'il 9:16

Roma ri' yin ninbij: Ja ri na'oj ri más utz ke chuwech ri uchuq'a'. Jak'a ri na'oj ri k'o rik'in jun wineq ri xa man jun k'o rik'in, man jun bey niq'alajirisex ta. Y chuqa' ri wineq kan man nikajo' ta nikak'axaj ruch'abel jun wineq ri keri' rubanik.

Wuj Richin Bix Chire ri Dios 119:141

Yin xa in ko'ol ok y banon chuwe chi maneq wejqalen, man rik'in ri', man numestan ta kan ri apixa'.

Wuj Richin ri Achin Job 12:5

Ri kan utz ek'o man nikajo' ta jun ri xa k'ayew rubanon, y kan man jun nuben chike chi nikitzeq ri xa nijilil beneq richin nibetzaq.

Gálatas 3:26

Y qonojel ri qakuquban chik qak'u'x rik'in ri Jesucristo, xojok ralk'ual ri Dios.

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Gálatas 4:15

Y chiri' yalan xkikot ri iwánima woma yin. Kan xq'alajin k'a chi janila xiniwajo'. Y yin wetaman chi wi ta kan k'o xk'atzin chuwe, rix kan xiya' ta chuwe stape' ta ja ri runaq' taq iwech. Jak'a re wakami, ¿akuchi k'a xbe-wi ri kikoten ri xk'oje' iwik'in pa nabey?