Gálatas 4:13 - Kaqchiquel Bible

¹³ Rix jebel iwetaman, chi pa nabey xa roma jun yabil xichapo toq xik'oje' iwik'in y xintzijoj ri utzilej ch'abel richin kolotajik chiwe.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ atoq roma jun yabꞌil xibꞌeqaqa pa itinamit, y xintzijoj nabꞌey mul ri utzulej teq tzij chin kolotajik chiwa. Rix jabꞌel iwetaman chi keriꞌ.

Kaqchikel Santa Maria de Jesus

¹³ Y ixreꞌ jaꞌal ivataꞌn, ri naꞌay mul xa ruma xiyavaj, rumareꞌ xicꞌujieꞌ iviqꞌuin y xintzijuoj ri evangelio chiva.

Kaqchikel Central Guatemala

¹³ Y jebel c'a ivetaman, chi pa nabey xa roma jun nuyabil tok xic'oje' iviq'uin y xintzijoj ri utzilej ch'abel richin colotajic chive.

Re C'ac'a Testamento pa Kach'abal

¹³ Y yex itaman, tak xinc'ue' iviq'uin nabey, xa roma yinyavaj y jare' tak xintzijoj chiva re utzulaj ch'abal chin re Dios re nibex evangelio cha.

Kaqchikel Western Solola

¹³ Y riyix jabel c'a iwetaman, chi pa nabey mul xa ruma jun nuyabil tek xic'oje' iwuq'ui y xintzijoj ri lok'olaj ch'abel ri niya'o colotajic chiwe.

Gálatas 4:13 ပူးပေါင်းရင်းမြစ်များ

1 Corintios 2:3

Roma ri' toq xik'oje' iwik'in, xinna' chi ri pa nuyonil-qa yin man jun yitikir ninben. Xa janila xinxibij-wi' y xibaybot.

Gálatas 1:6

Yin kan xinmey-qa toq xinwak'axaj chi rix xijech'ej kan iwi' rik'in ri Dios, roma rix xa xitzeqelibej yan el ri jun wi chik ch'abel richin kolotajik, y man nitzeqelibej ta ri Dios ri xoyon iwichin richin xuya' ri rutzil ri Cristo pan iwi'.

2 Corintios 11:30

Rix nich'ob chi nik'atzin chi yin ninya-qa nuq'ij, y kan xtinben-wi k'a. Jak'a xaxe xtinbij ri nuk'ut chi yin xa maneq wuchuq'a'.

2 Corintios 11:6

Roma stape' ta ri nuch'abel man kan ta janipe' rubanik toq yich'on, jak'a kan wetaman-wi ri qitzij. Y re' kan iwetaman chuqa' rix, roma xabachike y xabakuchi keri' qabanon, kan qabin-wi ri ruch'abel ri Dios.

2 Corintios 10:10

Roma ek'o chiwe rix ri yetzijon chi yin toq k'o wuj yenteq-el chiwe, chupan ri' ruyon kow y poqon taq ch'abel ri yentz'ibaj-el, jak'a toq yinapon iwik'in xa maneq wuchuq'a' y maneq rejqalen ri yenbij.

2 Corintios 13:4

Ri Cristo xuya' ri' chuwech ri cruz, achi'el xa ta maneq ruchuq'a', jak'a wakami k'es roma ri nimalej ruchuq'a' ri Dios. Y keri' roj, kan maneq-wi quchuq'a' achi'el ri Cristo toq xken. Jak'a chuqa' kan xqojk'ase' rik'in ri Cristo, roma ri ruchuq'a' ri Dios richin xkixqasamajij rix.

Hechos 16:6

Ri chiri' ri Loq'olej Espíritu man xuya' ta q'ij chike ri Pablo y ri e rachibil, richin xebe pa ruwach'ulew Asia richin nibekitzijoj ri ruch'abel ri Dios chiri'. Roma ri' rije' xeq'ax pa ruwach'ulew Galacia y pa ruwach'ulew Frigia.

San Mateo 4:23

Ri Jesús kan pa ronojel k'a tinamit richin ri Galilea xapowiyaj-wi, yerutijoj k'a ri winaqi' rik'in ri ruch'abel ri Dios ri pa taq jay richin molojri'il, akuchi nikak'axaj ri ruch'abel ri Dios. Y chuqa' nutzijoj ri utzilej ruch'abel ri Dios ri nich'on chirij ri ajawaren. Yeruk'achojirisala' k'a yawa'i' ri jalajoj chi yabilal y q'axo'n nok chike.

Gálatas 4:12

Yin xinel yan pe chuxe' rutzij ri pixa'. Roma ri' wach'alal, nink'utuj utzil chiwe chi tibana' achi'el xinben yin. Toq xik'oje' iwik'in, rix yalan utz xiben wik'in, jak'a re wakami kan xiniya' pa q'axo'n.

Gálatas 4:14

Y rix janila k'iy tijoj-poqonal xik'owisaj wik'in roma ri yabil ri'. Y man rik'in ri in yawa', rix man itzel ta xinitz'et, ni man xinimalij ta. Xa kan jebel nuk'ulik xiben. Kan achi'el xa ta jun ángel richin ri Dios, o achi'el xa ta kan ja yin ri Cristo Jesús, ri xiben chuwe toq xinik'ul.

Gálatas 4:18

Jak'a wi k'o k'a jun ri nibanon utzil chiwe roma nrajo' chi utz ta yixk'oje', kan yalan-wi jebel, y beneq ta ruwech nuben keri' y man ta xaxe toq yin ink'o iwik'in.

Wuj Richin ri Chojmirisabelri'il 13:40

Wi k'o ta jun wineq ri nuchop nitzaq-el ri rusumal-ruwi' pa rusut, o wi nuchop chuqa' nitzaq-el ri rusumal-ruwi' ri pa ruwi-q'anej ri nik'aj-ruwech, re' kan ch'ajch'oj.