Gálatas 4:1 - Kaqchiquel Bible

¹ Y ninwajo' k'a chuqa' ninchojmirisaj más chiwech ri rubanik ronojel re'. Achi'el ta jun ak'ual ri k'o nrichinaj kan chire ri rutata', jak'a roma xa k'a ko'ol ok, k'a man jani nuk'ul ta kan ri kan nrichinaj kan. Y stape' kan ja rija' rajaw ronojel, man jun rukojol re ak'ual re' rik'in jun loq'on samajel, roma k'a man ja jun k'o pa ruq'a'.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Ri niwojoꞌ nibꞌij chiwa, jareꞌ: Atoq jun akꞌual kꞌajani rujunaꞌ chin ndiyoꞌox ri ru-herencia chare, ma jun yan ruqꞌaꞌ chare ri herencia ri ndok kan richin. Ri akꞌual riꞌ xa achel achike na chi samajel chin pa rachoch ri maneq ruqꞌaꞌ chare ri herencia, maske ri akꞌual riꞌ ndok rajaw nojel.

Kaqchikel Santa Maria de Jesus

¹ Y nivajoꞌ jeꞌ niꞌej más chiva: Jun ri nichꞌaco ri herencia, xa cꞌa acꞌual, cꞌa majaꞌ tiyoꞌx ri herencia cha. Y mesque jajaꞌ rajaf nojiel, xa cꞌa junan riqꞌuin jun ru-esclavo ri rutataꞌ.

Kaqchikel Central Guatemala

¹ Y ninvajo' c'a chuka' ninchojmirisaj más chivech ri rubanic ronojel re'. C'o ta jun ac'ual ri c'o nrichinaj can chire ri rutata'. Pero tok re ac'ual re' c'a janíla co'ol, c'a man jani nuc'ul ta can ri rerencia. Y stape' can ja rija' rajaf ronojel, man jun rucojol re ac'ual re' riq'uin jun rusamajel ri rutata'; roma c'a man jun c'o ta pa ruk'a'.

Re C'ac'a Testamento pa Kach'abal

¹ Y ninjo' chuka' nimbij ba' más chiva chij re rubanic ronojel re'. C'o-ta jun ac'ual re c'o ru-herencia niya' can cha roma re rutota'. Pero tak re ac'ual c'a co'ol-oc, can c'amaje-na nuc'ul re ru-herencia. Astapa' can ja reja' rajaf ronojel, xa je junan riq'uin jun ru-mozo re rutota', roma c'amaje-na tic'ue' re herencia pa ruk'a'.

Kaqchikel Western Solola

¹ Y nbij chuka' chiwe: Jun alc'ualaxel tek xa c'a co'ol na, ma jane nijach ta ri herencia chare, xa junan c'a riq'ui jun mozo, astape' ri ac'al ri' ya riya' ri rajaf ca ronojel.

Gálatas 4:1 ပူးပေါင်းရင်းမြစ်များ

2 Rey 11:12

K'ari' ri Joiadá xrelesaj-pe ri Joás, y xuya' ri ru-corona y chuqa' xuya' ri wuj chire ri k'o ri pixa' chupan. K'ari' xuya' aceite pa ruwi' y xuq'alajirisaj chi ri Joás, ja rija' ri rey. Y konojel ri winaqi' xkipaq'apa' kiq'a' y xkibij: ¡Utz ruwa-ruq'ij ri rey, xecha'.

2 Rey 12:2

Ri Joás xuben k'a utz chuwech ri Jehová toq k'a ja ri sacerdote Joiadá ri uk'uayon richin.

Gálatas 3:29

Y roma ri' qonojel ri oj richin chik ri Cristo, xojok riy-rumam kan ri Abraham. Y niqichinaj k'a chuqa' ri utzil ri xusuj ri Dios chire rija' ri ojer kan.

Gálatas 4:2

Re ak'ual k'a re' e kanon chajiy y yuq'uy richin. Y ri ak'ual k'o chi nik'oje' chuxe' ri kitzij ri winaqi' ri', k'a toq napon na ri q'ij ri bin chire roma ri rutata' richin nuk'ul ri k'o chi nrichinaj.

Gálatas 4:23

Ri ruk'ajol ri xk'oje' rik'in ri raj-ik', xalex achi'el ye'alex konojel ak'uala'. Jak'a ri jun chik ruk'ajol xalex roma kan ja ri Dios ri xsuju-pe chire.

Gálatas 4:29

Chupan ri q'ij ri' ri ral ri Agar ri man sujun ta pe roma ri Dios, xa xretzelaj k'a ri Isaac, ri kan sujun-pe y xalex rik'in ri ruchuq'a' ri Loq'olej Espíritu. Kan keri' chuqa' nik'uluwachitej wakami qik'in roj ri xojalex yan rik'in ri ruchuq'a' ri Loq'olej Espíritu. Yojetzelex k'a koma ri winaqi' ri maneq ri Loq'olej Espíritu kik'in.

1 Juan 5:10

Roj ri qakuquban qak'u'x rik'in ri Ruk'ajol ri Dios, ja ri qánima ri nibin chiqe chi qitzij ri nubij ri Dios chirij ri Ruk'ajol. Jak'a ri winaqi' ri man kikuquban ta kik'u'x rik'in, xa nikiben chire chi man qitzij ta ri nubij ri Dios, roma man nikak'axaj ta ri nubij chirij ri Ruk'ajol.