Gálatas 3:19 - Kaqchiquel Bible

¹⁹ ¿Y achike k'a nik'atzin-wi ri pixa'? Re' xya'ox k'a xaxe richin keq'alajin-pe ri mak, y richin nukusex toq k'a oyoben na ri rijatzul kan ri Abraham, ri achoq chire xsuj-wi chi nuya' urtisanik pa ruwi' ri ruwach'ulew. Y toq ri Dios xuya' ri pixa', xuya' chike ri ángel, y re ángel re' xkiya' chire ri Moisés. Y ja k'a rija' xok q'axey-tzij. Y pa ruk'isibel, ri Moisés xuya' chike ri winaqi'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Si keriꞌ, ¿achike xkꞌatzin chi ri Dios xuyaꞌ ri ley chare ri Moisés? Ri ley xyoꞌox chin ndiqꞌalajin chi ri wineq kin eꞌaj mak wi, y ri ley riꞌ kin kꞌo wi reqalen hasta kꞌa xuqaqa na ri jun riy-rumam ri Abraham ri sujun chare chi nduqaqa. Atoq ri Dios xuyaꞌ ri ley, nabꞌey xuyaꞌ pe chake ri ángeles, ri ángeles xkiyaꞌ pe chare ri Moisés, y ri Moisés xuqꞌasaj rubꞌeyal ri ndubꞌij chake ri wineq.

Kaqchikel Santa Maria de Jesus

¹⁹ ¿Y chica nicꞌatzin-ve ri ru-ley ri Moisés? Ri Dios xuyaꞌ ri ley reꞌ chi caꞌkꞌalajin-pa ri pecado y chi ticusas antok cꞌa majaꞌ talka ri Cristo, rumáma ri Abraham; ruma ja ri Cristo ri bendición ri ranun prometer ri Dios chi nuyaꞌ. Y antok ri Dios xuyaꞌ ri ley, naꞌay xuyaꞌ chica ángeles, y ri ángeles reꞌ xquiyaꞌ cha ri Moisés. Y pa ruqꞌuisbꞌal ri Moisés xuyaꞌ chica ri vinak.

Kaqchikel Central Guatemala

¹⁹ ¿Y achique cami nic'atzin-vi ri ley richin ri Moisés? Ri Dios xuya' ri ley ri' richin quek'alajin-pe ri mac, y richin nucusex tok c'a oyoben na ri riy-rumam ri Abraham, ri riy-rumam ri sujun ri utzil chire roma ri Dios. Y tok ri Dios xuya' ri ley, xerucusaj k'asey tak tzij (k'axey tak tzij). Nabey, xuya' chique ángeles, y re ángeles re' xquiya' chire ri Moisés. Y pa ruq'uisibel ri Moisés xuya' chique ri vinek.

Re C'ac'a Testamento pa Kach'abal

¹⁹ ¿Y andex como ndoc-va re ley chin re Moisés? Re Dios xuya' re ley re' chin che nicusas y ye'k'alajin re mac, roma c'amaje-na te'ka re rusujun re Dios, pero tak xte'ka re rey-rumam re Abraham re sujun cha roma re Dios, man chic nicusas-ta re ley. Y tak re Dios xuya' re ley, nabey xuya' chique re ángeles, y re ángeles re' xquiya' cha re Moisés. Y pa ruq'uisibal re Moisés xuya' chique re vinak.

Kaqchikel Western Solola

¹⁹ ¿Y achique cami nic'atzin wi ri ley riche (rixin) ri Moisés? Ri Dios xuya' ri ley ri' xaxu (xaxe wi) riche (rixin) chi nuk'alajsaj janipe' chi mac niquiben ri winek y xaxu (xaxe wi) xucusex tek c'a oyoben na ri Cristo ri riy rumam ri Abraham, ri tzujun (sujun) chare ri Abraham ruma rutzil ri Dios. Y tek ri Dios xuya' ri ley, xerucusaj k'axey tak tzij. Nabey mul, xuya' chique ángeles, y ri ángeles ri' xquiya' chare ri Moisés. Y pa ruq'uisbel, ri Moisés xuya' chique ri winek.

Gálatas 3:19 ပူးပေါင်းရင်းမြစ်များ

Hechos 7:53

Kan pa kiq'a' k'a ri ángel xik'ul ri pixa', jak'a rix man ninimaj ta, xcha' ri Esteban.

Hebreos 2:2

Wi ri ruch'abel ri Dios ri xya'ox chike ri winaqi' koma ri ángel kan qitzij, y wi ri ruk'ayewal xqaqa pa kiwi' roma man xkinimaj ta,

Gálatas 3:16

Keri' chuqa' toq ri Dios k'o xusuj chire ri Abraham ri ojer kan, y chire jun chike ri e rijatzul. Y niq'alajin k'a chi ri Dios man xch'on ta chikij konojel ri e rijatzul ri Abraham ri xkek'oje'. Xaxe chirij jun xch'on-wi. Y ri' ja ri Cristo.*f10*

Romanos 4:15

Ri Dios nipe royowal toq nikiq'ej ruwi' ri pixa'. Wi maneq ta ri pixa', man jun ta ri nikiq'ej ruwi'.

Romanos 2:13

Ri Dios man nuben ta chi ri winaqi' man jun kimak yek'ulun chuwech xaxe roma rije' nikak'axaj ri nubij ri pixa'. Jak'a nuben chi man jun kimak yek'ulun chuwech wi kibanon ronojel ri nubij.

Hechos 7:38

Rija' xk'oje' k'a chikikojol ri e cha'on roma ri Dios, ri pa tz'iran ruwach'ulew. Y ja chuqa' rija' ri xbin chike ri qati't-qamama' ri tzij ri xubij ri ángel richin ri Dios ri xk'oje' pa ruwi' ri juyu' Sinaí. Kan chire wi k'a rija' xjach-wi ri ch'abel richin k'aslen y rija' tuya' chiqe roj.

San Juan 15:22

Wi man ta xipe yin chuwech re ruwach'ulew chuq'alajirisaxik ri nuch'abel, man ta niq'alajin chi e aj-maki'. Jak'a re wakami, roma yin kan xipe yan chuwech re ruwach'ulew, roma ri' rije' kan man xketikir ta xtikibij chi man jun kimak.

Deut 5:5

Y roma ri qate-qatata' xa xkixibij-ki' chuwech ri q'aq', xa man xejote' ta el pa ruwi' ri juyu'. Xa ja chik yin ri xik'oje' chikikojol richin chi xinq'axaj ri ruch'abel ri Jehová chike rije'. Y ri Jehová xubij k'a:

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

Hebreos 2:5

Ri Dios man rubin ta chi re ruwach'ulew chiqawech-apo, pa kiq'a' ta ángel nuya-wi richin nikiq'et tzij pa ruwi'.

San Lucas 16:31

Jak'a ri Abraham xubij chire: Wi man nikinimaj ta ri ruch'abel ri Dios ri rutz'iban kan ri Moisés, y ri kitz'iban kan ri q'alajirisanela' ri xek'oje' ojer kan, xa man xtikinimaj ta chuqa' jun ri nik'astej-el chikikojol ri kaminaqi', xcha'.

Wuj Richin Bix Chire ri Dios 106:23

Ri Jehová kan xrajo' chi xeruk'is ta konojel ri qati't-qamama'. Jak'a ri Moisés ri rucha'on rija', kan xch'on k'a pa kiwi' rije', richin chi xuqasaj ruwi' ri royowal, richin man xerukamisaj ta.

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Wuj Richin ri Chojmirisabelri'il 15:32

Ja ronojel re' ri ruchojmilal ri niban rik'in ri achin ri nel-pe achi'el ya' chupan ri rukowil, ri nibanon chire chi man ch'ajch'oj ta,