Gálatas 3:17 - Kaqchiquel Bible

¹⁷ Y ninwajo' ninchojmirisaj chiwech ri rubanik ronojel re'. Pa nabey, ri Dios k'o jun rusujun chire ri Abraham. Y toq q'axineq chik 430 juna', ri Dios xuya' ri pixa' chire ri Moisés. Jak'a roma ri Dios kan k'o rusujun chire ri Abraham, ri pixa' ri xuya' ri Dios man xuyoj ta ri rusujun chire pa nabey.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Y ri niwojoꞌ nibꞌij chiwa jareꞌ: Ri Dios xubꞌen jun pacto rikꞌin ri Abraham, y xuyaꞌ rutzij chare chi kin nduyaꞌ wi ri ndusuj. Y ri ley ri xyoꞌox chare ri Moisés 430 junaꞌ más kereꞌ pe, ma xujel ta ri pacto riꞌ, nixta xuyuj ri achike rusujun.

Kaqchikel Santa Maria de Jesus

¹⁷ Ri tzij ri xaꞌnꞌej, cava rubꞌixic: Naꞌay ri Dios xuꞌon jun pacto riqꞌuin ri Abraham. Y antok kꞌaxnak chic cuatrocientos treinta junaꞌ chi tiꞌan ri pacto riqꞌuin ri Abraham, ri Dios xuyaꞌ ri ley cha ri Moisés. Pero ruma ri Dios can rubꞌanun chic ri pacto riqꞌuin ri Abraham naꞌay, ri ley man xutur ta ri pacto ri rubꞌanun naꞌay, ni man xtiquir ta xuꞌon cha ri Dios chi man ta xuyaꞌ ri ranun prometer cha ri Abraham chi nuyaꞌ. Y ri ranun prometer chi nuyaꞌ, ja ri Cristo.

Kaqchikel Central Guatemala

¹⁷ Y ninvajo' ninchojmirisaj chivech ri rubanic ronojel re'. Pa nabey ri Dios rubanon jun trato riq'uin ri Abraham. Y tok k'axinek chic cuatro cientos treinta juna' c'achojinek can ri trato riq'uin ri Abraham, ri Dios xuya' ri ley chire ri Moisés. Pero roma c'a ri Dios can rubanon-vi chic ri trato riq'uin ri Abraham nabey, ri ley ri xuya' ri Dios chire ri Moisés man xuyoj ta (xuyuj ta) ri trato ri rubanon pa nabey. Ni ri ley man xtiquir ta chuka' xuben chi ri Dios man ta xuya' ri utzil ri rusujun can chire ri Abraham. Y ri utzil ri' ja ri Cristo.

Re C'ac'a Testamento pa Kach'abal

¹⁷ Y ninjo' ninchojmersaj chivach re rubanic ronojel re'. Nabey, re Dios rubanon jun trato riq'uin re Abraham. Y tak k'axnak chic cuatro cientos treinta juna' tic'achoj-va can re trato re', jare' tak re Dios xuya' re ley cha re Moisés. Pero re Dios can rubanon-va re trato re' riq'uin re Abraham nabey, y re ley re xuya' re Dios cha re Moisés man xuyoj-ta re trato re banon nabey. Ni xe-ta re ley man xtiquir-ta chuka' xuban cha re Dios che man-ta xuya' re bendición re rusujun can cha re Abraham. Y re bendición re' ja re Cristo.

Kaqchikel Western Solola

¹⁷ Y nwajo' nchojmirisaj chiwech ri rubanic ronojel re'. Pa nabey mul ri Dios rubanon jun trato riq'ui ri Abraham. Y tek k'axnek chic caji' ciento riq'ui juwinek lajuj juna' ri ruchojmirisan wi ca ri trato riq'ui ri Abraham, yari' tek ri Dios xuya' ri ley chare ri Moisés. Y ri ley ri' ma xuyoj ta ri trato ri rubanon pa nabey mul ni ma xuben ta chuka' chi ri Dios man ta chic xuya' ri rutzil ri rutzujun (rusujun) ca chare ri Abraham. Y ri utzil ri' ya chi nipe ri Cristo.

Gálatas 3:17 ပူးပေါင်းရင်းမြစ်များ

Wuj Richin ri Rutikeribel 15:13

K'ari' ri Jehová xubij chire: Kan tawetamaj chi ri awijatzul xkebe'ok q'axel chupan jun chik ruwach'ulew ri man kichin ta rije'. Chiri' xkebexime-wi pa samaj, janila xketz'ilox y xtibekitija' poqon 400 juna'.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

Wuj Richin ri Rutikeribel 17:19

Y ri Dios xubij chire ri Abraham: Kan qitzij na wi chi rik'in ri Sara ri awixjayil xtibek'oje' jun ak'ajol y xtiberubini'aj Isaac y rik'in rija' xtinjikiba' kan ri nutzij y xtibek'oje' kik'in ri rijatzul richin q'asen.

Wuj Richin ri Achin Job 40:8

¿Achike roma toq rat nabij chi ri nuq'atbel-tzij yin xa man utz ta ri nuk'en-pe, y xaxe richin chi niq'alajin chi rat xa man at aj-mak ta?

Wuj Richin Bix Chire ri Dios 105:9

Re', jare' ri jikibel-tzij ri xuben rik'in ri Abraham, ri ya'on tzij ri xuben rik'in ri Isaac.

Wuj Richin Bix Chire ri Dios 33:10

Ri Jehová kan nuben chi man jun rejqalen ri kich'obonik ri ajawaren. Rija' nuben chi nibe pa xulan ri kich'obonik ri winaqi' ri man nikitzeqelibej ta rija'.

Wuj Richin ri Isaías 14:27

Roma re' kan ja ri Jehová ri k'iytisanel richin ronojel ri xbin, y kan man jun chik ri xtiq'aton richin. Ri ruq'a' rutzeqen richin nuya' rutojbalil pa kiwi'. y kan man jun k'o ruchuq'a' richin nutzolij ta ri ruq'a' rija'.

Wuj Richin ri Isaías 28:18

Y kan xtinyoj k'a ri jikibel-tzij ri ibanon rik'in ri kamik; kan xtiyojtej ri itzij ri xiya' rik'in ri jul richin muqbel. Y toq xtipe ri nimalej ruk'ayewal, rix kan xkixruk'is, achi'el ri q'eqel-job nuqirirej-el ronojel.

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

Wuj Richin ri Q'axanri'il 30:8

Jak'a wi ri rachijil xa man xqa' ta chuwech ri rubin rija', man k'a tuben, y ri Jehová man xtuch'ojij ta chire.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

Hechos 7:6

Xbix k'a chuqa' chire roma ri Dios, chi ri riy-rumam rija' xkebek'oje' k'a pa jun chik ruwach'ulew kik'in jun wi chik kiwech winaqi'. Y ri winaqi' ri' xkekiya' pa samaj y xtikiben chike chi xtikitej poqon 400 juna'.

Romanos 3:25

Ri Dios xuteq-pe ri Cristo richin xken, y rija' xok jun kamelabel. Keri' ri Jesús xusuj ri rukik'el. Y xabachike ri kan nukuquba' ruk'u'x rik'in ri Cristo kan nikuyutej-wi rumak y niqa' chuwech ri Dios. Ri ojer kan rija' janila xkoch'on, y man xuya' ta ri rutojbalil ri kimak ri winaqi'. Jak'a re wakami niq'alajin chi kan choj. Y roma kan choj wi, roma ri' nuben chiqe chi man jun qamak yojk'ulun chuwech roma qakuquban qak'u'x rik'in.

Romanos 3:3

Y roma e janila qawinaq ri man xkinimaj ta, ¿roma ta kami ri' ri Dios man ta xtuben ri rubin?

1 Corintios 1:12

Rije' xkitzijoj k'a chuwe chi rix ich'aralon-iwi'; chi ek'o ri kan kibanon chi ja yin ri nikajo' yinkitzeqelibej, ek'o ja ri qach'alal Apolos, ek'o ja ri qach'alal Pedro, y ek'o ja ri Cristo ri nikajo' nikitzeqelibej.

1 Corintios 1:17

Keri', ri Cristo xiruya' pa rusamaj richin nintzijoj ri utzilej ch'abel richin kolotajik, y man richin ta ninqasaj ya' pan iwi'. Man ninkusaj ta k'a nima'q taq ch'abel richin chi ri rutzijoxik ri rukamik ri Cristo chuwech ri cruz k'o ruchuq'a', y man ja ta ri nuch'abel yin.

1 Corintios 10:19

¿Kan keri' kami chuqa' nibanatej kik'in ri wachibel? ¿Kan nich'ob rix chi jun wachibel k'o ruq'ij, y roma ri' ri ti'ij ri nisuj chuwech k'o rejqalen chiwech rix?

1 Corintios 7:29

Jak'a man timestaj wach'alal, chi xa man k'iy ta chik q'ij xqojk'oje' wawe' chuwech re ruwach'ulew. Roma ri' ri qach'alal ri k'o kixjayilal man tikiya' q'ij chi roma ri e k'ulan chik, roma ri' man nikiben ta chik ri achike nrajo' ri Dios.

2 Corintios 1:20

Roma kan ronojel k'a ri rusujun ri Dios, kan rik'in k'a ri Cristo nibanatej-wi. Roma ri' kan pa rubi' k'a ri Jesucristo niqabij chi kan keri' wi toq niqaya' ruq'ij-ruk'ojlen ri Dios.

2 Corintios 9:6

Yin ninwajo' k'a ninnataj chiwe: Chi jun tikonel ri xa juba' ok nutik-qa, xa juba' ok chuqa' nrelesaj. Jak'a ri tikonel ri k'iy nutik-qa, kan k'iy k'a nrelesaj.

Gálatas 3:15

Y tiwak'axaj na pe, wach'alal, re jun k'ambel-tzij re': Toq roj k'o jun niqaya' chiqawech y toq k'achojineq chik kan, kan man jun k'a nitikir niyojon. Ni man jun k'a chuqa' nitikir ta niya'on-q'anej ruwi'.

Gálatas 3:21

¿Y yojtikir kami niqabij chi ri Dios xuya' ri pixa' richin xuyoj ta ri rusujun kan? Man keri' ta. Jak'a wi ta ri pixa' xtikir ta xuya' k'aslen, ja ta ri pixa' ri' ri nibanon chiqe chi man jun qamak yojk'ulun chuwech ri Dios.

Gálatas 5:16

Y ninbij k'a chiwe chi tiya' q'ij chi ja ri Loq'olej Espíritu nuk'uan iwichin, y man tiben ri itzel taq rayibel ri ek'o iwik'in rix.

Gálatas 5:4

Y rix ri kan niwajo' chi rik'in ri pixa' man jun imak yixk'ulun chuwech ri Dios, kan xich'er-iwi' rik'in ri Cristo, y chuqa' xa xiwetzelaj ri rutzil ri Dios.

Efesios 2:12

Toqaqa chi'ik'u'x chi chupan ri ruq'ijul ri' rix ich'aron-iwi' rik'in ri Cristo. Man ix qawinaq ta y maneq iq'a' chike ri jikibel-tzij ri epeteneq rik'in ri rusujun-pe ri Dios. Man jun oyonbenri'il iwik'in y maneq Dios chiwech ri ixk'es chuwech re ruwach'ulew.

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

Colosenses 2:4

Y ronojel re' ninbij chiwe roma yin ninwajo' chi man yixq'olotej pa kiq'a' ri ye'ukusan jebel taq ch'abel xaxe richin yixkitzeq.

Hebreos 11:13

Konojel k'a rije' xkikuquba-el kik'u'x rik'in ri Dios y keri' xeken-el. Y stape' man xkik'ul ta el ri rusujun ri Dios chike, jak'a roma ri kikuqubabel-k'u'x k'anej xkitzu-wi-apo y xekikot rik'in; rije' kan xkiq'alajirisaj k'a chi xa e q'axel chuwech re ruwach'ulew.

Hebreos 7:18

Y xkanej k'a kan ri nubij chupan ri pixa', roma maneq ruchuq'a' y man xtikir ta xerukol ri winaqi' chupan ri kimak.

1 Pedro 1:20

Ri Cristo kan cha'on-pe richin ri' roma ri Dios toq k'a man jani k'o ta re ruwach'ulew, jak'a xa k'a juba' toqa ri q'ij richin xpe chuwech re ruwach'ulew richin xuk'en-pe utzil chiwe.