Gálatas 3:12 - Kaqchiquel Bible

¹² Ri ruk'uaxik ri pixa' man junan ta rik'in ri kuqubabel-k'u'x rik'in ri Dios, roma ri pixa' nubij*f8* chi k'o k'aslen xaxe chire ri wineq ri kan nutaqej ronojel ri tz'ibatel chupan.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Jun wi ri ndabꞌen ri ndubꞌij chupan ri ley xyoꞌox chare ri Moisés, y jun wi ri kuqul akꞌuꞌx rikꞌin ri Dios. Porque ri ley xaxe ndubꞌij: Ri ndibꞌanun nojel ri ndubꞌij re ley reꞌ, kin ndiril ri qetzij kꞌaslen nduyaꞌ ri Dios. Keriꞌ ri ndubꞌij.

Kaqchikel Santa Maria de Jesus

¹² Ri niniman ri ley man incheꞌl ta ri cukbꞌal cꞌuꞌx riqꞌuin ri Dios. Ruma ri ley nuꞌej: Ri nibꞌano nojiel ri nuꞌej ri ley, can xtiril rucꞌaslien riqꞌuin ri Dios. Quireꞌ nuꞌej ri ley.

Kaqchikel Central Guatemala

¹² Ri ruc'uaxic ri ley, man achi'el ta ri nanimaj ri Dios. Man que ta ri'. Xa can c'o-vi chi naben ronojel ri nubij chupan. Y romari' tok ri ley nubij: Ri nibanon ronojel ri nubij re ley re', can xtril-vi ruc'aslen riq'uin ri Dios. Quere' ri nubij ri ley.

Re C'ac'a Testamento pa Kach'abal

¹² Re ruc'uaxic re ley chin re Moisés man junan-ta riq'uin tak nanimaj re Dios. Roma re ley chin re Moisés man xe-ta nanimaj, xa can tiene que naban cumplir ronojel re nubij. Roma re ley nubij: Re nibano ronojel re nubij re ley re', can xtuvel-va ruc'aslen re man niq'uis-ta. Ja quire' nubij re tz'iban can chij re ley.

Kaqchikel Western Solola

¹² Ri ruc'uaxic ri ley, man achi'el ta nacukuba' ac'u'x riq'ui ri Dios. Ma que ta ri'. Xa can c'o wi chi naben na ronojel ri nubij chupan. Y rumari' tek ri ley nubij: Ri nibano ronojel ri nubij chupan re ley re', can xtril wi ri ruc'aslen riq'ui ri Dios.

Gálatas 3:12 ပူးပေါင်းရင်းမြစ်များ

Wuj Richin ri Chojmirisabelri'il 18:5

Roma ri' kan tiyaka' pan iwánima ri pixa' ri nuya'on chiwe rix ri ix nutinamit. Roma achike k'a ri xtitaqen, kan xtik'ase'. Ja yin Jehová ri yibin.

Wuj Richin ri Nehemías 9:29

Rat xabij k'a chike richin tikitaqej jun bey chik ri apixa'. Jak'a rije' xa janila k'a xkinimirisaj-ki' y man xeniman ta. Y xkiq'ej k'a ruwi' ri ruchojmilal ri nuya' k'aslen, chike ri yetaqen. Y rije' xa xatkimalij kan, xkikowirisaj-ki' y man xeniman ta chawe.

Romanos 4:14

Roma wi xaxe ri winaqi' ri yebanon ri nubij ri pixa' ri yek'ulun ri sujun kan roma ri Dios, man jun ta nik'atzin-wi chi kuqul qak'u'x rik'in ri Dios, roma man ta jun nuk'en-pe chiqe ri rusujun kan.

Romanos 4:16

Ri Dios kan xujikiba' rutzij rik'in ri Abraham roma xukuquba' ruk'u'x rik'in. Xuben keri', roma xrajo' chi ri xusuj chike ri e rijatzul, kan jun sipanik chike rije'. Ri xusuj nuya' chuqa' chiqe qonojel ri yojniman, stape' oj judío ri k'o ri pixa' qik'in, o ni; ri nik'atzin xaxe tiqakuquba' qak'u'x, achi'el xukuquba' ruk'u'x ri Abraham. Roma ri' ja rija' ri qatata' qonojel roj ri qakuquban qak'u'x rik'in ri Dios.

Ez 20:11

Y chiri' xinya-wi chike ri ruchojmilal y ri pixa', roma ri' ri wineq ri xtutaqej kan xtik'ase' k'iy juna'.

Romanos 11:6

Roj ri oj cha'on roma ri Dios, man oj cha'on ta roma ri jebel qabanobal. Roma wi ta keri', man ta nibix chi oj cha'on roma ri rutzil ri Dios.

San Mateo 19:17

Rija' xubij chire: ¿Achike k'a roma toq nabij utz chuwe yin? Roma man jun wineq ri utz ta, xa kan xaxe k'a ri Dios ri utz. Jak'a wi rat kan nawajo' yatapon chupan ri k'aslen richin q'asen, kan ke'ataqej k'a ri pixa', xcha' chire.

Ez 20:13

Yin kan xinya' ri ruchojmilal chike richin chi wi nikitaqej kan xkek'ase'. Man rik'in ri', xa xeyakatej chuwij chiri' pa tz'iran ruwach'ulew y man xkinimaj ta ri nupixa', jak'a xa xkixowaj, y chuqa' man xkiya' ta rejqalen ri q'ij richin uxlanen. Roma ri' xinch'ob chi ninwelesaj woyowal chikij y yenk'is kan chiri' pa tz'iran ruwach'ulew.

Romanos 7:10

y k'ari' xinnabej chi maneq nuk'aslen rik'in ri Dios. Ja ta ri pixa' ri xk'amon-pe ri k'aslen. Jak'a pa ruk'exel ri', xa ja ri kamik ri xuk'en-pe.