Gálatas 2:21 - Kaqchiquel Bible

²¹ Yin man xtinwixowaj ta ri rutzil ri Dios, roma wi xaxe rik'in ri pixa' man jun qamak yojk'ulun chuwech ri Dios, ri Cristo man jun ta xk'atzin-wi chi xken.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Y ma nibꞌen ta chare ri favor nduyaꞌ ri Dios chi maneq reqalen, porque si jun wineq roma ta ndubꞌen ri ndubꞌij ri ley nixta jun rumak ndireqalej chuwech ri Dios, riꞌ ndubꞌij tzij chi ma jun xkꞌatzin chi ri Cristo xken cho cruz.

Kaqchikel Santa Maria de Jesus

²¹ Inreꞌ manak xtinꞌej chi ri ru-favor ri Dios man jun rakalien. Ruma xa ta riqꞌuin ri ley ntiel chi man jun chic ka-pecado choch ri Dios, ri Cristo man jun ta xcꞌatzin chi xcon.

Kaqchikel Central Guatemala

²¹ Yin man ninben ta c'a chi ninvetzelaj ri rutzil ri Dios. Pero vi ta riq'uin ri ley man jun kamac yojc'ulun chuvech ri Dios, ri Cristo man jun ta xc'atzin-vi chi xquen (xcom).

Re C'ac'a Testamento pa Kach'abal

²¹ Y riq'uin re ch'abal re ye'mbij, man chin-ta nintzelaj re utzil re nuya' re Dios. Pero xe-ta roma re ley man jun kamac ndel chach re Dios, manak-ta ndoc-va che xcom re Jesucristo.

Kaqchikel Western Solola

²¹ Riyin ma nwetzelaj ta ri rutzil ránima ri Dios chi xutek pe ri Cristo riche (rixin) chi xcom kuma. Ruma xa ta riq'ui chi nikaben ri nubij ri ley tek majun kamac yojtz'etetej ruma ri Dios, ri Cristo man ta c'a jun xc'atzin wi chi xcom.

Gálatas 2:21 ပူးပေါင်းရင်းမြစ်များ

Romanos 11:6

Roj ri oj cha'on roma ri Dios, man oj cha'on ta roma ri jebel qabanobal. Roma wi ta keri', man ta nibix chi oj cha'on roma ri rutzil ri Dios.

Gálatas 3:21

¿Y yojtikir kami niqabij chi ri Dios xuya' ri pixa' richin xuyoj ta ri rusujun kan? Man keri' ta. Jak'a wi ta ri pixa' xtikir ta xuya' k'aslen, ja ta ri pixa' ri' ri nibanon chiqe chi man jun qamak yojk'ulun chuwech ri Dios.

Hebreos 7:11

Stape' ri pixa' richin ri Moisés nubij chi ri sacerdote k'o chi e riy-rumam kan ri Leví, man rik'in wi ri' rije' man xetikir ta xkiben chi ri winaqi' man jun ta kimak xek'ulun chuwech ri Dios, y roma ri' k'atzinel chi xpe jun chik nimalej sacerdote achi'el ri Melquisedec, y man achi'el ta ri Aarón.

1 Corintios 15:14

Y wi xa man xk'astej ta ri Cristo, kan man jun k'a nik'atzin-wi ri niqatzijoj, y man jun chuqa' nik'atzin-wi ri ikuqubabel-k'u'x.

Gálatas 2:16

Man rik'in ri' qetaman chi ri wineq kan nik'ulun chi man jun rumak chuwech ri Dios*f3* xaxe toq nukuquba' ruk'u'x rik'in ri Jesucristo, y man roma ta chi nutaqej ri pixa'. Roma ri' roj judío chuqa' qakuquban qak'u'x rik'in ri Jesucristo richin chi man jun qamak yojk'ulun chuwech ri Dios, y man roma ta chi qataqen ri pixa'. Roma man jun nik'ulun chuwech ri Dios chi maneq ta rumak xaxe roma nutaqej ri pixa'.

Romanos 10:3

Rije' man ketaman ta k'a ri rubanik chi ja ri Dios nibanon choj chike ri winaqi'. Rije' xa kiyon nikiben-qa chi choj ri kik'aslen, y keri' xa man kiya'on ta ki' pa ruq'a' ri Dios.

Wuj Richin ri Isaías 49:4

Jak'a roj xqabij chi man jun nuq'ajuj oj samajineq, xa man jun nuq'ajuj, y xa xk'is quchuq'a'. Man rik'in ri', ri xtuya' rija' chiqe, kan k'o pa ruq'a', y ri rajel ruk'exel k'o rik'in ri qa-Dios.

1 Corintios 15:2

Y roma ri' xixkolotej. Jak'a nik'atzin chi rix man niya' ta kan, wi kan qitzij chi xinimaj, y wi man keri' ta, ri ikuqubabel-k'u'x man ta k'o rejqalen.

Gálatas 2:18

Y wi ta ninbenchapa' chik pe richin nintaqej ri pixa', kan nibeq'alajin k'a pe ri' chi man utz ta ri xinben toq xinya' kan.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Marcos 7:9

Rix richin niben ri achike ok e kibilon kan ri ojer taq winaqi', kan iq'ajon k'a ri ruwi' ri pixa' ri ruya'on kan ri Dios.

Wuj Richin Bix Chire ri Dios 33:10

Ri Jehová kan nuben chi man jun rejqalen ri kich'obonik ri ajawaren. Rija' nuben chi nibe pa xulan ri kich'obonik ri winaqi' ri man nikitzeqelibej ta rija'.

1 Corintios 15:17

Y wi ri Cristo man ta xk'astej, xa man jun ta nik'atzin-wi chi rix ikuquban ik'u'x rik'in, y xa k'a ixk'o ta na chupan ri imak.

Wuj Richin ri Jeremías 8:8

¿Achi'el toq yixtikir nibij chi ix aj-na'oj taq winaqi' roma k'o ri nupixa' iwik'in? Kan qitzij wi chi ri tijonela' xkik'ut ri man qitzij ta chiwech.

Romanos 4:25

Y rija' kan roma k'a qamak roj toq xjach pa kamik, y k'ari' ri Dios xuk'asoj-pe richin xuben chiqe chi kan man jun qamak xojk'ulun chuwech.