Gálatas 2:19 - Kaqchiquel Bible

¹⁹ Yin man chik ink'o ta chuxe' ri nubij ri pixa', roma xa achi'el in kamineq chik. Y re ink'es wakami, kan roma k'a ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Riyin rikꞌin ri ndubꞌij chupan ri ley xinkꞌoxomaj chi ri ley ma nditiker ta ngirukal, romariꞌ ma xinkuqubꞌaꞌ chi ta nukꞌuꞌx rikꞌin, porque xinkꞌoxomaj chi ndikꞌatzin nitaqij ri Cristo chin nibꞌen pa nukꞌaslen ri ndirajoꞌ ri Dios. Riyin kin achel ta xikamisex junan rikꞌin ri Cristo cho cruz.

Kaqchikel Santa Maria de Jesus

¹⁹ Ruma inreꞌ can incheꞌl xicon choch ri ley, rumareꞌ ri ley man chic nicꞌatzin ta chi niꞌan. Vacame incꞌas chi niꞌan ri nrajoꞌ ri Dios.

Kaqchikel Central Guatemala

¹⁹ Y roma xk'ax chinuvech chi man yitiquir ta yicolotej riq'uin ri ley, romari' man chic xincukuba' ta nuc'u'x riq'uin. Queri' nuc'ulvachin tok xinvil ri c'aslen riq'uin ri Dios.

Re C'ac'a Testamento pa Kach'abal

¹⁹ Y roma xk'ax chinoch che re ley man nitiquir-ta yinrucol chach re numac, mare' man chic ximban-ta confiar-vi' riq'uin, chin quire' xinvel re c'aslen re c'o riq'uin re Dios.

Kaqchikel Western Solola

¹⁹ Ruma riyin chare ri ley xicom yan, rumari' ri ley ma nic'atzin ta chic chi nben. Wacami ri nic'atzin chi nben ya ri nrajo' ri Dios.

Gálatas 2:19 ပူးပေါင်းရင်းမြစ်များ

Romanos 7:4

Wach'alal, kan keri' chuqa' nibanatej qik'in roj. Achi'el ta kan xojken rik'in ri Cristo, toq rija' xken. Y roma ri' man ojk'o ta chik chuxe' ri pixa'; xa kan oj richin chik ri Cristo, ri xk'astej-pe. Y roma oj richin chik ri Cristo, yojtikir yojk'ase' achi'el nrajo' ri Dios.

Romanos 6:2

¡Man keri' ta! Roma roj man niqak'axaj ta toq ri mak yojroyoj, roj xa oj achi'el kaminaqi' chire ri mak. Wi keri', ¿achike k'a roma k'a ojk'o na chupan ri mak?

1 Tesalonicenses 5:10

Rija' xken qoma roj, richin keri', wi k'a oj k'es na wawe' chuwech re ruwach'ulew, niqak'ul qak'aslen rik'in rija'. Y wi oj kaminaqi' chik el, k'o chuqa' qak'aslen rik'in rija'.

2 Corintios 5:15

Rija' kan qoma wi k'a qonojel toq xken, richin chi man xaxe ta oj k'es qoma roj, xa kan richin yojk'ase' roma ri xken y xk'astej qoma roj.

Romanos 6:11

Y roj kan man k'a tiqamestaj chi achi'el ta kan xojken junan rik'in ri Cristo, y roma ri' ri mak man jun chik ruq'a' chiqe. Y chuqa' achi'el ta kan xojk'astej-pe junan rik'in richin niqaben ri rurayibel ri Dios.

Romanos 8:2

Xa kan ja toq xojok chuxe' ri rupixa' ri Loq'olej Espíritu ri niya'on k'aslen roma ri Cristo Jesús, jari' toq xojkolotej chuwech ri rupixa' ri mak y ri kamik.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.

Romanos 6:14

Ruk'amon chi ri mak kan man jun ta chik ruq'a' chiqe. Pa ruk'exel re' ja ta ri rutzil ri Dios nitz'eton ri niqaben, y man ja ta ri pixa'.

1 Pedro 4:6

Roma ri' ri utzilej ch'abel richin kolotajik kan xtzijox-wi chuqa' chike ri kaminaqi', richin keri' xkil ta k'a ri k'aslen rik'in ri Dios, stape' xq'atatej-el-tzij pa ruwi' ri kich'akul.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Colosenses 2:20

Rix kan achi'el xixken rik'in ri Cristo toq rija' xken, y roma ri' ix kaminaqi' chik chuwech ri tijonik ri e richin re ruwach'ulew ri xa man e qitzij ta. Wi keri' ibanon, ¿achike roma k'a ninimaj kitzij, achi'el xa ta k'a ix richin na re ruwach'ulew?

Gálatas 3:24

Ja ri pixa' k'a ri xbin chiqe ri k'o chi xqaben k'a toq xpe ri Cristo. Y toq xpe rija', kan xuben k'a chiqe chi man jun qamak xojk'ulun chuwech ri Dios roma xqakuquba' qak'u'x rik'in.

Gálatas 2:20

Roma toq ri Cristo xkamisex, yin achi'el ta kan xiken rik'in. Y roma ri' re nuk'aslen re k'o wakami, man wichin ta yin, xa kan richin ri Cristo ri k'o pa wánima. Y ronojel k'a ri ninben-el chuwech re ruwach'ulew, xtinben k'a roma kan rik'in ri Cristo ri ruk'ajol ri Dios nukuquban-wi nuk'u'x; ri Cristo ri najowan wichin, y xuya' chuqa' ri' richin xkamisex woma.

Colosenses 3:3

Keri' ninbij chiwe roma rix achi'el xixken yan chuwech ri ch'obonik richin re ruwach'ulew, y ri ik'aslen jikil rik'in ri Cristo, y jun ibanon rik'in ri Dios.

Gálatas 3:10

Jak'a wi niqajo' niqakol-qi' roma ri pixa', xa kan xtiqaqa-wi k'a ruk'ayewal pa qawi', roma xa man yojtikir ta niqaben ronojel ri nubij ri pixa' ri', roma ri ruch'abel ri Dios nubij*f6* chi ri man nuben ta ronojel ri nubij chupan ri wuj richin ri pixa', kan niqaqa ruk'ayewal pa ruwi'.

1 Corintios 10:31

Roma ri' yin ninbij chiwe chi toq yixwa-yixuk'ya' o xabachike chik ri niben, kan tibana' k'a richin niya' ruq'ij-ruk'ojlen ri Dios.

Romanos 7:14

Qetaman chi ri pixa' rik'in ri Dios peteneq-wi. Jak'a yin xa in jun wineq ri in ximil pa ruq'a' ri mak.

Romanos 5:20

Toq ri Dios xuya-pe ri pixa', roj winaqi' kan más k'a xojmakun chuwech. Stape' janila xojmakun, más xq'alajin ri rutzil ri Dios.

Romanos 4:15

Ri Dios nipe royowal toq nikiq'ej ruwi' ri pixa'. Wi maneq ta ri pixa', man jun ta ri nikiq'ej ruwi'.

1 Corintios 9:20

Ri nuwinaq judío k'a ek'o na chuxe' ri pixa' richin ri Moisés, jak'a yin man ink'o ta chik chuxe' ri pixa' ri'. Man rik'in ri', toq yik'oje' chikikojol ninnimaj ri pixa', roma kan nurayibel chi rije' chuqa' nikikuquba' ta kik'u'x rik'in ri Cristo.

Gálatas 6:14

Y nej k'a k'o-wi chuwe yin, chi ninben ta achi'el ri nikiben rije', roma yin man ninkanoj ta nuq'ij. Yin xa kan xaxe-wi ri qajaw Jesucristo ri xken ri ninya' ruq'ij. Y jak'a chuqa' rija' ri banayon chuwe chi xiken yan chikiwech ri ch'obonik aj-ruwach'ulew. Y re ch'obonik re' xeken yan chuqa' chinuwech yin.