Gálatas 2:12 - Kaqchiquel Bible

¹² Roma pa nabey, kan niwa-wi kik'in ri qach'alal ri man e qawinaq ta. Jak'a xa xe'apon rik'in chiri', achi'a' ri e rachibil ri Santiago ri e eleneq-el pa Jerusalem. Y ri Pedro jari' k'a xuchop chi man nibewa' ta chik kik'in ri qach'alal ri man e qawinaq ta. Keri' xuben roma xuxibij-ri' chikiwech ri achi'a' ri xe'apon rik'in, roma ja achi'a' ri' ri yebin chi ri nikik'ul ri ch'abel richin kolotajik, k'o chi yequpix na richin ri retal.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Porque pa nabꞌey ndiwaꞌ kikꞌin ri hermanos ma israelitas ta, pero atoq xebꞌeqaqa jujun israelitas ri etaqon e roma ri Santiago, ri Cefas xujekꞌ riꞌ y ma xwaꞌ chi ta kikꞌin ri hermanos ma israelitas ta, porque xuxibꞌij riꞌ chi ngebꞌan tzij chirij koma ri israelitas ri ndikibꞌij chi ndikꞌatzin ngebꞌan circuncidar konojel ri ndikitaqij ri Ajaw.

Kaqchikel Santa Maria de Jesus

¹² Ruma naꞌay, xvaꞌ quiqꞌuin ri hermanos ri man israelitas ta. Pero antok xaꞌlka nicꞌaj achiꞌaꞌ ri i-takuon-pa ruma ri Jacobo, jajaꞌ man xrajoꞌ ta chic xvaꞌ quiqꞌuin ri hermanos ri man israelitas ta, ruma xuxiꞌij-riꞌ chiquivach ri achiꞌaꞌ ri xaꞌlka, ri bꞌanun ri circuncisión chica.

Kaqchikel Central Guatemala

¹² Roma pa nabey, can niva-vi quiq'uin ri kach'alal ri man e israelitas ta. Jac'a tok ec'o achi'a' ri e rachibil ri Jacobo xe'apon riq'uin, jac'ari' tok ri Pedro xuchop man xbeva' ta chic quiq'uin ri kach'alal man e israelitas ta, roma xuxibij-ri' chiquivech ri achi'a' ri xe'apon riq'uin; roma ja rije' ri yebin chi c'o chi tiban ri circuncisión chique ri kach'alal, stape' man e israelitas ta.

Re C'ac'a Testamento pa Kach'abal

¹² Roma nabey, can niva-va quiq'uin re hermanos re man je israelitas-ta. Jac'a tak re achi'a' re je'rutakom-pa re Jacobo xe'bapon riq'uin, jare' tak re Pedro ju-va ba' xuna', roma rutaman che chiquivach reje' man otz-ta che reja' niva' quiq'uin re vinak re man banon-ta re circuncisión chique, roma ja reje' re ye'bin che tiban re circuncisión chique re hermanos, astapa' man je israelitas-ta. Mare' man chic xbeva-ta quiq'uin re hermanos re man je israelitas-ta.

Kaqchikel Western Solola

¹² Ruma pa nabey mul, can niwa' wi quiq'ui ri kach'alal ri ma ye israelitas ta. Yac'a tek yec'o achi'a' ri ye rachibil ri Jacobo xe'apon riq'ui, yac'ari' tek ri Pedro ma xbewa' ta chic quiq'ui ri kach'alal ri ma ye israelitas ta, ruma xuxibij ri' chiquiwech ri achi'a' ri xe'apon riq'ui; ruma ye riye' ri yebin chi c'o chi tiban ri circuncisión chique ri kach'alal ri ma ye israelitas ta.

Gálatas 2:12 ပူးပေါင်းရင်းမြစ်များ

Wuj Richin Etamabel-Tzij 29:25

Roma ri' ri xibinri'il ri nikiya' ri achi'a', xa jun tzaqibel richin ri wineq; jak'a ri wineq ri kan nukuquba' ruk'u'x rik'in ri Jehová, kan k'o uxlanen, pa ránima.

Wuj Richin ri Isaías 57:11

¿Achike k'a dios ri' ri achoq chuwech más nixibij-iwi' richin niya' ruq'ij? Roma ri' kan xinimalij kan yin jumul. Xinimestaj kan yin, y man yinoqaqa ta chik chi'ik'u'x. Toq rix man niya' ta nuq'ij, yin kan man jun ninbij, y ninben chi man yixintz'et ta.

Wuj Richin ri Isaías 65:5

Y nikibij chike ch'aqa' chik kiwinaq: Kixk'oje' chiri' ri akuchi ixk'o-wi. Man kixjel-pe qik'in, roma roj kan más oj loq'olej chiwech rix, yecha'. Re winaqi' re' kan e achi'el q'aq' ri chijun q'ij yebuqun; y kan man utz ta nuben chuwe, roma xa e achi'el sib.

San Lucas 15:2

Ri fariseo y ri etamanela' chirij ri pixa' janila k'a nikibij chirij ri Jesús. Y nikibila': Ri Jesús jebel kik'ulik nuben chike ri winaqi' ri man nikitzeqelibej ta ri pixa', y niwa' junan kik'in, yecha'.

San Lucas 5:38

Jak'a chupan jun k'ak'a' k'ojelibel, utz niyake' k'ak'a' vino, keri' ri vino kan niyake' jebel chupan.

Hechos 10:28

Rija' xubij k'a chike ri winaqi' ri': Rix kan jebel wi iwetaman chi roj judío man k'a ya'on ta q'ij chiqe chi junan qawech iwik'in y yojok ta pa taq iwachoch rix ri xa man ix judío ta. Jak'a ri Dios xuk'ut k'a chinuwech chi man ruk'amon ta chi ninbij chire jun wineq, xa roma man judío ta, chi man ch'ajch'oj ta.

Hechos 12:17

Jak'a rija' xuben k'a retal rik'in ri ruq'a' richin man kewolol. Y xuchop rutzijoxik chike ri xuben ri ajaw Dios richin xrelesaj-pe ri pa cárcel, y xubij chuqa' chike chi tikiya' rutzijol chire ri jun chik Jacobo y ri ch'aqa' chik qach'alal. Chirij ri' rija' xel k'a el richin xbe pa jun chik tinamit.

Gálatas 2:14

Y roma k'a ri nikiben xa man ruk'uan ta ri' rik'in ri qitzij ri nubij chupan ri utzilej ch'abel richin kolotajik, chikiwech k'a konojel xinbij chire ri Pedro: Rat kan at judío-wi, jak'a xa man ataqen ta chik ri nubij ri pixa'. ¿Achike roma nawajo' chi ri man e qawinaq ta nikiben achi'el nubij chupan ri pixa'?, xicha' chire.

Gálatas 2:9

Roma ri' toq ri Santiago ri chuqa' nibix Jacobo chire, ri Pedro y ri Juan, ri k'o kiq'ij chikikojol ri qach'alal, xq'ax chikiwech chi ja ri Dios chilabeyon-pe ri samaj ri' chuwe. Y richin niq'alajin chi junan qawech chi qachibil-qi', xkichop qaq'a', yin y ri Bernabé. Xaxe k'a roj yojbesamej chikikojol ri man e qawinaq ta, y rije' yebesamej chikikojol ri qawinaq judío.

Efesios 2:15

Rik'in ri rukamik xuyoj ri qapixa', richin chi stape' ka'i' tinamit xa jun xuben chiqe. Y re wakami junan chik qawech y xa jun chik qabanon rik'in ri Cristo.

Efesios 3:6

K'a ja re wakami xuq'alajirisaj chi rix ri man ix judío ta junan xkixichinan qik'in roj judío. Junan chik k'a qawech iwik'in; roma qichin qonojel ri utzil ri rusujun-pe ri Dios chiqe roma ri Cristo Jesús.

1 Tesalonicenses 5:22

Jak'a chire ronojel ruwech etzelal, kan tijech'ej-iwi' rik'in.