Gálatas 1:15 - Kaqchiquel Bible

¹⁵ Xa kan k'a man jani kinalex,*f1* ja yan ri' xirucha' ri Dios, y rik'in ri rutzil xiroyoj.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Pero ri Dios ri yin ruchaꞌon pe xe jampeꞌ atoq kꞌajani kinalex, xiroyoj chin xinok ralkꞌuaꞌl roma xujoyowaj nuwech. Pero atoq xril ri tiempo ri xrajoꞌ rijaꞌ,

Kaqchikel Santa Maria de Jesus

¹⁵ Pero ri Dios, antok cꞌa majaꞌ quinalax, xiruchaꞌ y xirayuoj ruma ri ru-favor.

Kaqchikel Central Guatemala

¹⁵ Pero ri Dios, xa can ja tok c'a man jani quinalex, can ja yan ri' tok xirucha'. Pero xa c'are' can tok xiroyoj riq'uin ri rutzil.

Re C'ac'a Testamento pa Kach'abal

¹⁵ Pero re Dios xinrucha' ja tak c'amaje-na quinalax chach re ruch'ulef. Pero xa c'a ba-oc tiempo can tak xinrayoj roma reja' camas yinrajo'.

Kaqchikel Western Solola

¹⁵ Yac'a ri Dios, xa can c'a ma jane quinalex tek xirucha'. Xa yac'a chi c'a ma janej ta ca tek xirusiq'uij (xiroyoj) ruma ri rutzil ránima.

Gálatas 1:15 ပူးပေါင်းရင်းမြစ်များ

Wuj Richin ri Jeremías 1:5

Toq k'a man jani katintz'uk rik'in ri ate'; yin kan wetaman chik awech. Kan k'a man jani k'a katalex, toq yin at nucha'on chik. Xatincha' richin naq'alajirisaj ri nuch'abel chikikojol konojel tzobaj winaqi' richin re ruwach'ulew, xcha'.

Wuj Richin ri Isaías 49:5

Ri Jehová ja rija' ri xbanon qichin richin xojok rusamajela' toq k'a man jani qojalex. Xojruben richin xeruk'en-pe ri juba' chike ri qawinaq ri ek'o na kan. Y rija' kan ruya'on ruwaqaq'ij, y janila quchuq'a', yecha'.

Wuj Richin ri Isaías 49:1

Ri israelita nikibij: Qojiwak'axaj k'a rix winaqi' ri ixk'o pa taq'aj ruwach'ulew, chuqa' rix ri ixk'o nej chire ri ruwach'ulew. Ri Jehová xojroyoj k'a ja toq man jani qojalex. Kan xunataj yan ri qabi' toq k'a man jani ojk'o.

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Efesios 1:5

Xojrucha' richin xojok ralk'ual roma ri Jesucristo. Kan jari' wi k'a ri rurayibel y ri ruch'obonik.

1 Corintios 1:9

Y kan xkixruto-wi, roma ri Dios kan nuben-wi ronojel ri e rubin, roma ja rija' ri xoyon qichin richin chi junan qawech nuben rik'in ri qajaw Jesucristo.

Romanos 1:1

Yin Pablo, rusamajel ri Jesucristo. Ri Dios ri xiroyoj richin xinok jun taqon roma ri Cristo, y xiruch'er richin nintzijoj ri utzilej ch'abel ri nik'amon-pe kolotajik,

Hechos 13:2

Jun q'ij, rokik nikiya' ruq'ij ri Dios y yemewayin, ri Loq'olej Espíritu xubij k'a chike: Ri Bernabé y ri Saulo kan k'o jun kisamaj nuchojmirisan chik yin. Roma ri' ke'ich'ara' kan richin ri samaj ri', xcha'.

Hechos 9:15

Y ri ajaw xubij chire: Tabekanoj k'a ri Saulo, roma ja yin ri xicha'on richin, richin nibe chuq'alajirisaxik ri nubi' chikiwech ri winaqi' ri xa man e judío ta, chuwech ri ki-rey, y chuqa' ri winaqi' judío.

Romanos 8:30

Y roj ri xojrucha' ri Dios, kan xojroyoj. Y toq oj royon chik, xuben k'a chiqe chi kan man jun chik qamak chuwech. Y toq rubanon chik k'a chiqe chi man jun qamak, xuben chiqe chi xojok achi'el rija'.

Romanos 1:5

Ri Jesucristo xuya' rutzil pa nuwi', richin chi xinok taqon roma rija', chi pa rubi' nintzijoj ri ruch'abel pa taq ronojel ruwach'ulew, richin ri winaqi' xtikikuquba' ta kik'u'x rik'in y xtikinimaj ta chuqa' rutzij.

San Mateo 11:26

Kan keri' wi k'a nata', roma jari' ri arayibel rat, xcha' ri Jesús.

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.

1 Pedro 5:10

Y toq ik'owisan chik el re tijoj-poqonal re', ri Dios xtuben chiwe chi xkixok tz'aqet, kow xkixk'oje', xtik'oje' iwuchuq'a' y kuqul-ik'u'x xkixk'ase'. Ri Dios rik'in rajowabal xixroyoj richin yixilon chuqa' rix chire ri ruq'ij-ruk'ojlen richin jantape', keri' xtuben iwik'in roma jun ibanon rik'in ri Cristo.

Efesios 3:11

Ri Dios kan ruch'obon-wi-pe chi keri' nibanatej. Y ronojel re' xbanatej roma ri utzil ri xuk'en-pe ri qajaw Jesucristo.

Efesios 1:9

Kan xuq'alajirisaj-wi k'a chiqawech ri ruch'obon chi nuben ri kan rewan-pe. Rija' rubanon chi ronojel ri' nibanatej roma ri Cristo.

Gálatas 1:6

Yin kan xinmey-qa toq xinwak'axaj chi rix xijech'ej kan iwi' rik'in ri Dios, roma rix xa xitzeqelibej yan el ri jun wi chik ch'abel richin kolotajik, y man nitzeqelibej ta ri Dios ri xoyon iwichin richin xuya' ri rutzil ri Cristo pan iwi'.

1 Corintios 15:10

Jak'a ri Dios xuya' ri rutzil chuwe, y ri' xuben chuwe chi xjalatej ri nuk'aslen. Yin más yan chik k'a in samajineq-pe ke chikiwech ri ch'aqa' chik ri e taqon roma ri Cristo. Jak'a man ninbij ta chi ja yin xibanon ri samaj, man keri' ta; xa kan ja ri rutzil ri Dios ri xbanon.

1 Corintios 1:24

Jak'a roj ri xojoyox roma ri Dios richin xojrukol, chi judío y man judío ta, kan qetaman chi rik'in ri Cristo niq'alajin ri uchuq'a' y ri na'oj richin ri Dios.

1 Corintios 1:1

Yin Pablo, xinoyox k'a richin xinok jun taqon roma ri Cristo Jesús, roma keri' ri rurayibel ri Dios. Yin wachibilan ri qach'alal Sóstenes,

San Lucas 10:21

Chupan k'a ri ramaj ri', ri Loq'olej Espíritu janila kikoten xuya' pa ránima ri Jesús. Y xubij: Matiox ninya' chawe nata' Dios, rat ri rajaw ri kaj y re ruwach'ulew, roma man xaq'alajirisaj ta ronojel re' chikiwech ri winaqi' ri kan nikina' chi janila k'iy ketaman. Xa ja ri chikiwech ri winaqi' ri maneq ketamabal, xa chikiwech rije' xaq'alajirisaj-wi re'. Kan keri' wi k'a nata' Dios, roma jari' ri arayibel rat, xcha' ri Jesús.

Romanos 9:24

Man xaxe ta roj judío ri oj royon-pe; xa kan keri' chuqa' ri e royon-pe chikikojol ri man e judío ta.

Romanos 8:28

Qetaman chi ronojel ri niqak'owisaj utz nuben chiqe roj ri niqajo' ri Dios, roma xojroyoj rija' richin xojok ralk'ual.

1 Corintios 1:21

Ri Dios rik'in ri na'oj ri k'o rik'in, roma ri' man xucha' ta ri etamabel richin re ruwach'ulew richin chi rik'in ri' ri winaqi' niketamaj ta ruwech rija'. Ri Dios xuch'ob nukusaj ri rutzijol, ri nich'on chirij ri rukamik ri Cristo richin yerukol ri winaqi' ri nikikuquba' kik'u'x rik'in, stape' re rutzijol re' xa kan ch'ujerik chikiwech ri ch'aqa' chik.

Gálatas 1:1

Yin Pablo, in jun taqon roma ri Cristo, y man winaqi' ta k'a xecha'on, ni xetaqon wichin. Ri taqayon-pe wichin ja ri Jesucristo y ri Dios ri Tata'ixel; ri xbanon chire ri Jesucristo chi xk'astej chik pe.