Gálatas 1:14 - Kaqchiquel Bible

¹⁴ Kan xkuqer-wi nuk'u'x chupan ri nikinimaj ri nuwinaq; más ke chikiwech ch'aqa' wachibil ri junan qajuna' kik'in, roma yin xa kan xbe wánima rik'in ri kibin kan ri qati't-qamama'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Riyin más kꞌiy xinwetamaj pa ruwiꞌ ri ki-religión ri nuwinaqul ke chikiwech ekꞌiy ri junan xojkꞌiy pe kikꞌin, porque ja yin ri más xbꞌa wánima chirij nojel ri kibꞌiꞌin kan ri ojer teq qawinaqul riꞌ.

Kaqchikel Santa Maria de Jesus

¹⁴ Y chupan ri niquinimaj ri nuvanakil; inreꞌ más xinvatamaj y más xinꞌan chiquivach iqꞌuiy ri junan xojqꞌuiy-pa quiqꞌuin. Ruma inreꞌ can xꞌa vánima riqꞌuin ri qui-costumbre ri kateꞌt-kamamaꞌ.

Kaqchikel Central Guatemala

¹⁴ Can xcuker-vi nuc'u'x chupan ri niquinimaj ri nuvinak; más que chiquivech ch'aka' vachibil ri junan xojq'uiy-pe quiq'uin. Rije' man can ta xinquik'i' riq'uin ri xenben. Roma yin xa can xbe vánima riq'uin ri quibin can ri kati't-kamama'.

Re C'ac'a Testamento pa Kach'abal

¹⁴ Can xinc'usaj-va nuc'o'x chupan re niquinimaj re nuvinak, más que chiquivach re nic'aj chic vichibil re junan xojq'uiy-pa quiq'uin. Reje' man can-ta xquiban ancha'l xe'mban yen. Roma yen can xe'mban re quibin can re kavinak xe'c'ue' ajuer can.

Kaqchikel Western Solola

¹⁴ Y chupan ri quireligión ri wech aj Israel, yin c'a riyin ri más q'uiy xinwetamaj que chiquiwech ri nic'aj chic wachibil ri junan xojq'uiy pe quiq'ui. Ruma riyin can xinjech wánima chubanic ri quicostumbre ri kati't kamama'.

Gálatas 1:14 ပူးပေါင်းရင်းမြစ်များ

Wuj Richin ri Isaías 29:13

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.

Wuj Richin ri Isaías 57:12

Jak'a yin kan xtinq'alajirisaj ri ibanobal ri kan nich'ob rix chi kan jebel, roma re banobel re' kan man jun nik'atzin-wi.

Wuj Richin ri Jeremías 15:2

Y wi nikik'utuj akuchi yebe-wi, tabij chike: Ri kan k'o chi yeken roma ri nima-yabil, kan xkeken roma ri', ri k'o chi xkeken pa labal, kan xkeken roma ri', ri k'o chi xkeken roma wayjal, kan xkeken roma ri' y ri k'o chi xke'uk'uex-el pa ximonri'il, kan xkebe pa ximonri'il.

Wuj Richin ri Jeremías 9:14

Xa xkiben k'a ri itzel rurayibel ri kánima y pa ruwi' ri' xkiya' k'a kiq'ij ch'aqa' chik dios achi'el xkiben ri kati't-kimama'.

Wuj Richin ri Chojmirisabelri'il 13:16

Y wi ta ri ch'a'k ri' seq chik rubanon, ri yawa' k'o chuqa' chi nibe chik rik'in ri sacerdote

San Mateo 15:6

Y rik'in ri ibanobal keri' niq'alajin chi rix kan man niya' ta kiq'ij ri ite-itata' y kan iq'ajon ruwi' ri rupixa' ri Dios.

Hechos 21:20

Toq xkak'axaj ri xubij ri Pablo chike, rije' xkiya' k'a ruq'ij-ruk'ojlen ri Dios roma ri'. Jak'a rije' xkibij chire ri Pablo: Qach'alal, janila k'a nikikot ri qánima roma ri xatzijoj-qa chiqe, jak'a ek'o man keri' ta. Rat kan awetaman chik k'a chi e janila e k'iy judío ri kiniman chik, y ja rije' k'a ri yebin chi kan nik'atzin chi niban ri nubij chupan ri pixa' ri richin kan ri Moisés.

Hechos 22:3

Yin kan in jun judío. Xaxe k'a yin xinalex ri pa tinamit Tarso ri k'o pa ruwach'ulew Cilicia, jak'a kan ja re wawe' pa Jerusalem xik'iy-wi. Ja ri nimalej achin ri rubini'an Gamaliel ri xtijon wichin. Xirutijoj k'a rik'in ronojel ri nubij chupan ri pixa' ri ya'on kan chike ri ojer qati't-qamama'. Roma kan rurayibel k'a ri wánima, richin ninben rusamaj ri Dios, achi'el chuqa' ri irayibel chi'iwonojel rix chupan re q'ij re'.

Hechos 26:5

Rije' kan ketaman k'a chuqa' chi kan k'a in k'ajol na chiri' toq xik'oje' yan pe kik'in ri fariseo. Jak'a roj ri fariseo ri más yojniman ri nubij ri pixa' richin ri Moisés. Y wi ta re qawinaq re' nikajo' nikiq'alajirisaj, kan niq'alajin chi qitzij ri yinajin chubixik.

Hechos 26:9

Roma toq rubanon kan, yin xinch'ob k'a ri' chi kan k'o chi yenwetzelaj ri winaqi' ri kiniman ri Jesús aj-Nazaret, y chuqa' kan k'o chi ninben chike chi nikitej janila poqon pa nuq'a'.

Colosenses 2:8

Kan tichajij k'a iwi' richin chi man yixq'olotej pa kiq'a' winaqi' ri xa jun wi chik tijonik kik'uan, stape' jebel ok yeq'alajin. Xa kik'in winaqi' peteneq-wi; xa richin re ruwach'ulew y man rik'in ta ri Cristo peteneq-wi.

1 Pedro 1:8

Y stape' man jun bey itz'eton ri Jesucristo, kan janila niwajo'; stape' man nitz'et ta re wakami, ikuquban ik'u'x rik'in. Y roma ri' man niwil ta achike rubixik niben chire ri nimalej kikoten ri k'o pa taq iwánima.