Filipenses 4:19 - Kaqchiquel Bible

¹⁹ Ri qa-Dios ri kan k'o-wi ruq'ij-ruk'ojlen y janila rubeyomel, xtuya' k'a ronojel ri xtik'atzin chiwe roma jun ibanon rik'in ri Cristo Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Y ri nu-Dios ri kin nimalej rubꞌeyomal, kin xtuyaꞌ nojel ri ndikꞌatzin chiwa rix ri xe jun ibꞌanun rikꞌin ri Cristo Jesús.

Kaqchikel Santa Maria de Jesus

¹⁹ Ri Ka-Dios ri can cꞌo-ve rukꞌij y can cꞌo altíra rubꞌayomal, xtuyaꞌ cꞌa nojiel ri xticꞌatzin chiva ruma joꞌc jun ibꞌanun riqꞌuin ri Cristo Jesús.

Kaqchikel Central Guatemala

¹⁹ Ri ka-Dios ri can c'o-vi ruk'ij-ruc'ojlen y janíla rubeyomel, xtuya' c'a ronojel ri xtic'atzin chive roma jun ibanon riq'uin ri Cristo Jesáus.

Re C'ac'a Testamento pa Kach'abal

¹⁹ Re ka-Dios re c'o ruk'ij y camas rubiyomal, xtuya' c'a ronojel re xtoc chiva roma jun ibanon riq'uin re Cristo Jesús.

Kaqchikel Western Solola

¹⁹ Ri ka-Dios ri can c'o wi ruk'ij ruc'ojlen y sibilaj rubeyomal c'o, xtuya' c'a ronojel ri nic'atzin chiwe ruma xa jun chic ibanon riq'ui ri Cristo Jesús.

Filipenses 4:19 ပူးပေါင်းရင်းမြစ်များ

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

1 Pedro 5:10

Y toq ik'owisan chik el re tijoj-poqonal re', ri Dios xtuben chiwe chi xkixok tz'aqet, kow xkixk'oje', xtik'oje' iwuchuq'a' y kuqul-ik'u'x xkixk'ase'. Ri Dios rik'in rajowabal xixroyoj richin yixilon chuqa' rix chire ri ruq'ij-ruk'ojlen richin jantape', keri' xtuben iwik'in roma jun ibanon rik'in ri Cristo.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

Wuj Richin ri Miqueas 7:7

Jak'a yin Miqueas kan ja ri Jehová ri xtintzu' jantape'. Kan xtinwoyobej k'a ronojel pa ruq'a' ri Dios ri xtikolon wichin, Y ri nu-Dios yin kan xkirak'axaj ri nink'utuj chire.

Wuj Richin ri Malaquías 3:10

Tik'uaj k'a chupan ri wachoch ri jun chire ri lajuj chire ronojel ri k'o iwik'in, richin kan k'o xtik'oje' chupan ri yakonabel. Kinitejtobej na pe y yin xtinben chi achi'el xa ta xtijaqatej-pe ri kaj richin xtiq'ejej-pe ri urtisanik y kan pa ruk'iyal ri xtiqaqa pan iwi'.

Wuj Richin ri Nehemías 9:15

Xe'atzuq k'a rik'in ri wey ri xpe chila' chikaj toq rije' xenum. Xaya' k'a kiya' ri xel-pe chupan ri nimalej abej toq xchaqi'j kichi'. Xabij k'a chike chi nikichinaj ri ruwach'ulew, y rat kan xaya' k'a atzij chi ri ulew kan xok kichin.

2 Sam 22:7

Chupan k'a ri nimalej bis ri' xich'on rik'in ri Jehová. Xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi. Ri nuch'owen rik'in xapon k'a chuwech rija' y kan xrak'axaj.

Wuj Richin Bix Chire ri Dios 36:8

Kan nikuqer k'a kik'u'x chire ri ruk'iyal ri kiway ri naya-pe. Rat naya' pa ruk'iyal ri nikiqum, kan achi'el jun raqen-ya' ri janila ruki'il.

Colosenses 1:27

Rija' kan xrajo' k'a xuq'alajirisaj ri jun nimalej qitzijri'il ri kan ewatel-pe, y ri qitzijri'il ri' nubij chi ri Dios xuteq-pe ri Cristo richin nok'oje' chuqa' pa taq iwánima rix y richin chi kan iwoyoben ri q'ij toq yixbek'oje' rik'in rija', rik'in chik iq'ij-ik'ojlen.

Efesios 3:16

Y rija' kan k'o-wi nimalej ruq'ij-ruk'ojlen, ri kan achi'el jun nimalej beyomel. Y roma ri' yin nink'utuj utzil chire pan iwi' rix, chi ri Loq'olej Espíritu tuya' janila uchuq'a' pa taq iwánima.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

Romanos 8:18

Re ojk'o wawe' chuwech re ruwach'ulew niqatej poqon. Jak'a qetaman chi toq xqojbek'oje' rik'in ri Cristo, kan más k'a xtik'oje' qaq'ij.

Efesios 1:7

Ri ruk'ajol xken qoma roj y xbiyin rukik'el richin xojrukol roj chuwech ri mak. Y roma ri' xukuy ri qamak. ¡Jebel k'a niq'alajin ri nimalej rutzil ri Dios

2 Corintios 4:17

Roma ri tijoj-poqonal ri niqak'owisaj, xa ti juba' ok y xa q'axel. Jak'a re' kan nuben chiqe chi nik'oje' qaq'ij-qak'ojlen ri xa kan más wi nim y man jun bey xtik'is.

Romanos 9:23

Chuqa' xrajo' xuq'alajirisaj chi yalan utz runa'oj qik'in roj ri qak'ulun chik ri rutzil. Rija' xojrucha' yan pe richin yojok achi'el rija'.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Wuj Richin Bix Chire ri Dios 130:7

Keri' rix nuwinaq israelita, tiwoyobej ri Jehová, roma ri rajowabal man k'isel ta, y rija' kan jantape' nikuyun mak.

Wuj Richin Bix Chire ri Dios 104:24

Nimalej Jehová, ri asamaj rat kan man ajlatel ta k'a. Chikijujunal xe'aben k'a rik'in na'oj. Kan chijun ruwach'ulew nojineq rik'in ronojel ri xaben.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

Efesios 2:7

Keri' xuben roma nrajo' nuk'ut chi janila nim ri rutzil. Y yalan utz nuben qik'in roj ri qakuquban qak'u'x rik'in ri Cristo Jesús. Nrajo' nuk'ut ri utzil ri' chupan ri q'ij ri peteneq chiqawech-apo.

Romanos 2:4

Rix iwetaman chi ri Dios yalan utz iwik'in y nikoch'on. Chuqa' iwetaman chi rija' keri' rubanon-pe iwik'in rix roma nrajo' chi niya' kan ri itzel taq banobel, man rik'in ri' xa man niwajo' ta nitzolej pe ik'u'x.

2 Crón 18:13

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

Wuj Richin ri Rutikeribel 48:15

Y k'ari' xrurtisaj ri José rik'in re ch'abel re': Chuwech k'a ri Dios, ri achoq chuwech ri xebiyin-wi ri numama' Abraham y ri nata' Isaac, y ri Dios ri in chajiyon-pe yin, kan ja ri chupan pe ri q'ij toq xinalex, k'a re q'ij wakami,

Dn 6:22

Ri nu-Dios xuteq k'a pe jun ru-ángel richin xutz'apej ri kichi' ri koj, richin chi man jun xkiben chuwe. Roma yin xa kan man jun k'a numak chuwech rija'. Keri' chuqa' chawech rat rey kan man jun numakun, xcha'.

Romanos 11:33

Ri Dios kan janila wi na'oj, beyomel y etamabel k'o rik'in. Roj kan man niq'ax ta chiqawech ri ruch'obonik, y man niq'ax ta chuqa' chiqawech ri rubey.

1 Pedro 5:1

Wakami ninwajo' k'a ninbij ka'i-oxi' ch'abel chiwe rix uk'uey kichin ri qach'alal. Yin, jun chuqa' in uk'uey kichin ri qach'alal. Xaxe yin kan xintz'et ri Cristo toq xutej poqon. Y toq xtapon ri q'ij chi xtibeq'alajin ri ruq'ij-ruk'ojlen, yin xkik'oje' rik'in.

Romanos 1:8

Nabey ninmatioxij chire ri Dios pa rubi' ri Jesucristo iwoma rix, roma nitzijox chuwech chijun ruwach'ulew chi kan kuqul-wi-ik'u'x rik'in ri Cristo.

San Juan 20:27

Kan jari' k'a xubij chire ri Tomás: Taju-pe ri ruwi-aq'a' wawe' y ke'atzu' re nuq'a' e sokotajineq. Taya-pe la aq'a' pa nuk'alk'a'x y taju-pe chupan re sokotajik ri xuben ri kum. Kan tanimaj k'a, y man taben chi man nanimaj ta, xcha'.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

Filemón 1:4

Yin jantape' k'a yich'on rik'in ri Dios, y jantape' yimatioxin chire awoma rat,

2 Corintios 12:21

Ri ninpoqonaj k'a yin chupan re jun chik bey re yinapon iwik'in, ja wi rik'in juba' ri Dios nuqasaj nuq'ij chiwech rix y nuben chuwe chi yinoq' roma ri ibanobal rix; roma rik'in juba' xtinbenwila' chi k'a e k'iy qach'alal ri k'a ek'o na pa mak y man tzolejineq ta pe kik'u'x. Ri achi'a' y ri ixoqi' xa k'a nikikanola' na ki' richin yemakun.

Wuj Richin ri Nehemías 5:19

Roma ri' yin xich'on rik'in ri nu-Dios y kere' xinbij chire: Nata' Dios, kinoqaqa k'a chi'ak'u'x, roma ronojel ri xinben pa ruwi' re tinamit re' kan utz ta k'a xuben chawech rat, xicha'.

San Mateo 6:32

Ri winaqi' ri man ketaman ta ruwech ri Dios xa nikiben ronojel re'. Jak'a roj k'o ri qatata' chila' chikaj ri kan retaman chik chi jare' ri nik'atzin chiqe.

Filipenses 4:7

Wi keri' xtiben, ri uxlanen ri nipe rik'in ri Dios kan xtik'oje' pan iwánima. Y ri uxlanen ri' janila nim richin niq'ax chikiwech ri winaqi'. Y roma rix kan jun iwech ibanon rik'in ri Cristo, roma ri' kan xtuchajij ri iwánima y xkixruto' chuwech ri ch'obonik ri yepe iwik'in.

2 Crón 31:8

Y toq ri Ezequías y ri e tata'al xkitz'et chi xmolotej k'iy, kan xkiya' ruq'ij ri Jehová y xkimatioxij chike ri kiwinaq.