Filipenses 4:17 - Kaqchiquel Bible

¹⁷ Y ri xininataj chik pe re wakami kan nikikot k'a ri wánima, jak'a man roma ta k'a chi k'o ri xiteq-pe chuwe. Ri wánima kan nikikot roma wetaman chi ri to'onik ri' kan k'o chuqa' nuk'en-pe chiwe rix.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Pero riyin ma nitzꞌibꞌaj ta e reꞌ chiwa chin ta nditeq pe más nutoꞌik. Ri niwojoꞌ riyin, ja ta chi ndikꞌiyer ruwech ri jarupeꞌ rajel-rukꞌexel nduyaꞌ ri Dios chiwa.

Kaqchikel Santa Maria de Jesus

¹⁷ Y ruma xinataj chic pa chiva, can niquicuot ri vánima, pero man ruma ta ri xitak-pa chuva. Inreꞌ nquiquicuot ruma vataꞌn chi xtiyoꞌx jun utzulaj rucꞌaxiel chiva.

Kaqchikel Central Guatemala

¹⁷ Y ri xininataj-pe, can niquicot vi ri vánima romari', pero man roma ta c'a chi c'o ri xitek-pe chuve, man que ta ri'. Ri vánima niquicot roma vetaman chi ri to'onic ri' c'o c'a chuka' nuq'uen-pe chive rix.

Re C'ac'a Testamento pa Kach'abal

¹⁷ Y roma xininataj-pa, can niqui'cot-va re vánma, pero man roma-ta re xitak-pa chua. Re vánma niqui'cot roma ntaman che re ofrenda re' c'o rajal-ruq'uixel nuc'am-pa chiva yex.

Kaqchikel Western Solola

¹⁷ Can niquicot wi ri wánima ruma xininataj chic pe, pero ma ruma ta c'a ri ofrenda ri xitek pe chuwe, ma que ta ri'. Ri wánima niquicot ruma wetaman chi ri ofrenda ri' c'o c'a chuka' utz ri nuc'om pe chiwe riyix.

Filipenses 4:17 ပူးပေါင်းရင်းမြစ်များ

Tito 3:14

Ri qach'alal k'o chi niketamaj nikiben ri utz, y yekito' k'a konojel ri k'o nik'atzin chike, richin ri qach'alal ri' jebel ta niwachin ri kik'aslen.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

San Juan 15:8

Wi kan niwachin jebel ri ik'aslen, kan niq'alajin-wi chi ix tzeqelibey wichin. Roma ri' kan xtiq'alajin-wi ri ruq'ij-ruk'ojlen ri nata'.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

Tito 1:7

Roma ri uk'uey kichin ri qach'alal, kan rusamajel ri Dios, y roma ri' kan nik'atzin chi ruk'uan ta jun k'aslen utz, richin man jun nilitej chirij. Nik'atzin chi man nunimirisaj ta ri', man chi'anin ta noyower, man niq'aber ta, man nuben ta oyowal, ni man nuben ta ri man utz ta chuch'akik ruméro.

Filipenses 4:11

Y re' man ninbij ta k'a roma ta ri k'o nik'atzin chuwe. Roma yin xa xuk'uluj yan chuwe chi yikikot stape' k'o o maneq ninkusaj.

1 Tesalonicenses 2:5

Rix iwetaman chi toq xqabij ri ruch'abel chiwe, man richin ta xqach'ek méro. Y chuqa' iwetaman chi man xqakanoj ta ch'abel ri yalan ta xqa' chiwech richin keri' xixqaq'ol ta.

2 Corintios 9:5

Roma ri' yin xinch'ob chi yenteq nabey ri qach'alal ri' richin tibekik'isa' rumolik ri to'onik, richin keri' toq xkinapon yin, man tiq'alajin chi rik'in uchuq'a' niqelesaj chiwe, xa niq'alajin ta k'a jebel chi iwik'in rix xalex-wi-pe.

Romanos 15:28

Y toq nujachon chik k'a kan ri sipanik ri', k'ari' xkibe pan España, y jari' toq xkiq'ax-el iwik'in rix.

San Juan 15:16

Ri xcha'on iwichin rix, ja yin, y xa man ja ta rix ri xixcha'on wichin yin. Y yin xixincha' richin chi niwachin jebel ri ik'aslen. Y re' kan richin ta k'a jantape' richin keri' ri achike k'a ri xtik'utuj chire ri nata' pa nubi' yin, rija' kan xtuya-pe chiwe.

2 Corintios 11:16

Y yin ninbij chik k'a jun bey, chi man jun k'a chiwe rix tich'obon chi yin xa in ch'ujerineq. O wi xa keri' ta ri nich'ob rix, kan keri' k'a kinik'ulu', richin yin chuqa' yitikir ninya' juba' nuq'ij chupan ri nuch'ujerik.

Wuj Richin ri Malaquías 1:10

K'ate' ta k'o jun chiwe rix ri xtutz'apej ta ri ruchi' ri wachoch, richin man chaq ye'iporoj ri xa man e utz ta pa ruwi' ri nuporobal. Roma kan man yixqa' ta k'a chinuwech, y ni ta k'a ri sipanik ri ye'isuj chinuwech.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

1 Timoteo 3:3

man niq'aber ta, man nuben ta oyowal, man nubanala' ta ri itzel chuch'akik ruméro. Kan nik'atzin k'a chi jun achin ch'uch'uj, y utz runa'oj kik'in konojel winaqi'.

Filipenses 1:11

Y richin niq'i' re', ri Jesucristo kan xkixruto' k'a richin chi kan choj ri ik'aslen xtik'uaj, y niwachin ta jebel. Y keri', ri Dios xtuk'ul ta ruq'ij-ruk'ojlen.

Wuj Richin ri Miqueas 7:1

Kan maneq chik winaqi' chuwach'ulew ri kan choj ta kik'aslen; maneq chik ri kuqul ta kik'u'x rik'in ri Dios. Kan toq'ex k'a nuwech yin roma yenkanoj y man yenwil ta. Yin in achi'el jun ri nukanoj uva toq xa xk'ol yan el ronojel. Yin kan xinrayij ta k'a xintej ri nabey taq ruwech ri wíkix, jak'a xa maneq. Konojel k'a ri winaqi' xa kan xaxe ri kamik nikajo' nikiben. Chi kach'alal-ki' nikiyala' tzaqibel pa taq kibey.

2 Pedro 2:15

Y kiya'on chik k'a kan rubanik ri k'aslen choj. Kan e sachineq-wi kan. Y kan kik'uan k'a ri k'aslen achi'el ri xuk'uaj ri Balaam, ruk'ajol ri Beor. Rija' kan janila xurayij ri méro, stape' richin itzel ch'akoj beneq-wi.

1 Timoteo 6:10

Roma, ri ruxe' ronojel ruwech etzelal ja ri nibe awánima chirij ri méro. Y kan ek'o k'a qach'alal ri xkiya' kan ri Dios roma xbe kan kánima chirij ri méro, y ri' xa k'o q'axo'n xuk'en-pe chike.