Filipenses 4:14 - Kaqchiquel Bible

¹⁴ Man rik'in ri', rix utz ri xiben chi xijoyowaj-pe nuwech y xina' chuqa' rix ri tijoj-poqonal ri ink'o-wi.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Pero kin utz ri xibꞌen chi xinitoꞌ pe rikꞌin ri ndikꞌatzin chuwa, porque riꞌ ndubꞌij tzij chi junan iwánima ibꞌanun wikꞌin chupan ri kꞌayew niqꞌasaj.

Kaqchikel Santa Maria de Jesus

¹⁴ Mesque quireꞌ nubꞌanun, ixreꞌ otz ri xiꞌan, chi xijoyovaj-pa noch y xinaꞌ ri sufrimiento ri pacheꞌ incꞌo-ve.

Kaqchikel Central Guatemala

¹⁴ Man riq'uin ri', rix utz ri xiben chi xijoyovaj-pe nuvech y xina' ri ruc'ayeval inc'o-vi.

Re C'ac'a Testamento pa Kach'abal

¹⁴ Man riq'uin re' re ximbij, yex can otz-va re xiban che xijoyovaj-pa noch roma c'ayef nbanon.

Kaqchikel Western Solola

¹⁴ Y re' ma ntel ta chi tzij chi riyix man ta utz ri xiben chi xitek pe jun ofrenda chuwe, ruma xijoyowaj pe nuwech y xina' chuka' riyix ri tijoj pokonal ri yinc'o wi.

Filipenses 4:14 ပူးပေါင်းရင်းမြစ်များ

Hebreos 13:16

Y man k'a tiqamestaj niqaben ri utz y man tiqamalij kito'ik ri k'o nik'atzin chike. Roma jari' ri sipanik ri niqa' chuwech ri Dios.

Filipenses 1:7

Kan pa ruchojmilal ninben chi kan janila yixinwajo', stape' ink'o pa cárcel o nintzijoj ri utzilej ch'abel richin kolotajik roma kan ibanon-wi utzil chuwe richin in ito'on chupan ri nusamaj.

Hebreos 10:34

Xijoyowala' kiwech ri ek'o pa cárcel. Y toq xelesex kan ronojel ri ek'o iwik'in man xipoqonaj ta xiya-el. Xa kan rik'in kikoten xiya-el roma iwetaman chi chila' chikaj k'o ri kan iwichin rix, y ri' más utz chuwech ri beyomel richin re ruwach'ulew, roma re' kan richin jantape'.

Gálatas 6:6

Y rix ri yixtijox chire ri ruch'abel ri Dios, kan ke'ito' k'a ri yetijon iwichin. Ronojel ri utz ri k'o iwik'in rix kan tiya' chuqa' juba' chike rije'.

1 Rey 8:18

Jak'a ri Jehová xa kere' k'a ri xubij chire ri nata': Rat kan k'o k'a pan awánima richin napaba-q'anej jun wachoch. Re ch'obonik re' kan janila wi utz.

1 Timoteo 6:18

Tabij chike chi kekibanala' k'iy utzil, y e beyoma' ta chubanik ri utzilej taq banobel kik'in ri ch'aqa' chik, y man tikik'ek'ej ri nikiya' chike ri beyomel ri k'o kik'in.

Filipenses 4:18

Yin kan nuk'ulun k'a ronojel ri xiteq-pe rix toq xpe ri qach'alal Epafrodito, y jare' ri retal chi yin xink'ul. Kan pa ruk'iyal chik k'a k'o wik'in, kan man jun chik k'a xtinwajo'. Re sipanik re' kan nijubulin k'a napon chuwech ri Dios, y kan jun sipanik ri kan xk'ul roma ri Dios roma kan xqa' chuwech.

San Mateo 25:21

Y ri rajaw xubij chire: Rat, at utzilej nusamajel ri kan naben ri nibix chawe. Stape' xa ti juba' ok xaben ri xinbij chawe, kan k'iy k'a xtak'ul. Roma re' katanpe k'a, katok y kakikot k'a wik'in, xcha'.

Romanos 15:27

Y kan yalan k'a ruk'amon richin nikiben keri', roma rije' achi'el xa ta k'o kik'as qik'in roj ri judío. Roma ja roj ri xojtzijon ri ruch'abel ri Dios chike, y roma ri' ruk'amon chi rije' yekito' juba' ri qawinaq ri man jun k'o kik'in.

2 Crón 6:8

Jak'a ri Jehová xubij chire rija' chi janila utz ri xuben richin xk'oje' ri rayibel ri' pa ránima richin xupaba' ta q'anej ri rachoch.

Apocalipsis 1:9

Yin Juan, ri in iwach'alal, ri kan in iwachibil chupan ri tijoj-poqonal, y ri rajawaren ri Dios y jantape' nutzeqeliben ri Cristo rik'in koch'onik. Yin xik'oje' k'a pa ti ruwach'ulew Patmos ri k'o chukojol ya', roma nintzijoj ri ruch'abel ri Dios y roma chuqa' ri xuq'alajirisaj ri Jesucristo chinuwech.

Hebreos 10:33

Jujun chiwe rix kan k'o chi xikoch' ronojel ri itzel ri xban y ri xbix chiwe, chikiwech ri winaqi'. Chuqa' xitej-poqon roma xijoyowaj kiwech ri ch'aqa' chik iwachibil ri yek'owisan tijoj-poqonal.