Filipenses 4:10 - Kaqchiquel Bible

¹⁰ Janila k'a nikikot wánima y yimatioxin chire ri ajaw roma kan xinoqaqa chik chi'ik'u'x. Man roma ta k'a xinimestaj yan, xa roma man ix tikirineq ta iq'alajirisan-pe chuwe.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Tzꞌan ngikikot rikꞌin ri Ajaw, porque xinikꞌuxlaꞌaj chi pe rikꞌin ri ndikꞌatzin chuwa. Ma nibꞌij ta chiwa chi yin imestan. Ma ke ta riꞌ. Porque riyin wetaman chi ma yin itoꞌon ta pe, roma maneq modo itaqon pe nutoꞌik.

Kaqchikel Santa Maria de Jesus

¹⁰ Altíra niquicuot vánima y niyaꞌ tiox bꞌaꞌ cha ri Ajaf ivuma. Ruma xinataj chic pa chiva chi nquinitoꞌ chic pa jun bꞌay. Pero reꞌ man ruma ta chi xinimastaj can, man quireꞌ ta, xa ruma man ix-tiquirnak ta.

Kaqchikel Central Guatemala

¹⁰ Janíla c'a niquicot vánima y yimatioxin chire ri Ajaf ivoma. Quela' chic can ri', ri man jun chic to'onic ri itakon-pe chuve y xa c'are' chic can ri xininataj-pe. Y ri' man roma ta c'a ri xinimestaj yan, man que ta ri', xa roma ri man jani ix tiquirinek ta.

Re C'ac'a Testamento pa Kach'abal

¹⁰ Camas niqui'cot vánma y nintioxij cha re Ajaf ivoma yex. C'o-yan chic ba' tiempo, man jun andex itakom-pa chua chin yinito', xa c'aja xininataj chic-pa. Y re' man roma-ta che xinimistaj-yan, xa roma man yixtiquirnak-ta.

Kaqchikel Western Solola

¹⁰ Sibilaj c'a niquicot ri wánima y yimatioxin chare ri Ajaf iwuma, chi xinatej chic pe chiwe riche (rixin) chi yinito', astape' c'o chic juba' k'ij ri majun chic achique ta ri itakon pe chuwe. Pero ri' ma ruma ta chi xinimestaj, ma que ta ri', xa ruma chi ma yix cowinek ta.

Filipenses 4:10 ပူးပေါင်းရင်းမြစ်များ

2 Crón 31:8

Y toq ri Ezequías y ri e tata'al xkitz'et chi xmolotej k'iy, kan xkiya' ruq'ij ri Jehová y xkimatioxij chike ri kiwinaq.

Wuj Richin Bix Chire ri Dios 85:6

¿Kan man naya' ta chik kami ri qak'aslen, richin chi roj ri oj atinamit yojkikot chik awik'in?

Os 14:7

Ri tinamit Israel kan xtik'oje' chik k'a chuxe' ri wutzil yin. Kan xkek'iy chik k'a achi'el ri trigo, kan xkesijan chik k'a achi'el nisijan ri juwi-uva. Kan xtel chik k'a kitzijol chi rije' kan e achi'el ri jebelej vino ri nipe pa Líbano.

2 Corintios 11:9

Y toq yin k'o xk'atzin chuwe ri chila' chi'ikojol, man jun chiwe rix ri xinya' ta ejqa'n chirij y xink'utuj ta chire ri nik'atzin chuwe. Xa ja ri qach'alal aj-Macedonia ri xe'apon wik'in chila' ri xeto'on kan wichin. Xintej k'a nuq'ij chi man xinya' ta ejqa'n chiwij, y k'a ke na ri' ninch'ob ninben re chinuwech-apo.

2 Corintios 6:7

qik'in k'a roj k'o ri qitzij ch'abel, y k'o chuqa' ri ruchuq'a' ri Dios. Kan ja wi ri ruch'ajch'ojil ri qak'aslen ri niqakusaj richin niqato-qi' toq ek'o yeyakatej-pe chiqij, y richin chi niqachojmirisaj ri man utz ta.

Gálatas 6:10

Y toq niqatz'et xabachike wineq ri k'o nik'atzin chire, kan tiqato' k'a. Jak'a kan nik'atzin chi yeqato' más ri e qach'alal chik.

Gálatas 6:6

Y rix ri yixtijox chire ri ruch'abel ri Dios, kan ke'ito' k'a ri yetijon iwichin. Ronojel ri utz ri k'o iwik'in rix kan tiya' chuqa' juba' chike rije'.

Filipenses 1:1

Yin Pablo, wachibilan ri qach'alal Timoteo ri oj rusamajela' ri Jesucristo, nintz'ibaj k'a el re wuj re' chiwe rix qach'alal ri ixk'o pa tinamit Filipos, rix ri xa jun ibanon rik'in ri Cristo Jesús. Keri' chuqa' chiwe rix qach'alal ri ix uk'uey kichin ri qach'alal, y ri ch'aqa' chik to'onela'.

Filipenses 1:3

Kan yixoqaqa-wi chinuk'u'x, y yimatioxin chire ri Dios iwoma.

Filipenses 2:30

roma rija' xa kan jubama k'a xken chubanik ri rusamaj ri Cristo. Kan xuya' k'a ri' chuwikamik richin xiruto' rik'in ri samaj ri man yixtikir ta rix richin yinito' chubanik.