Filipenses 3:9 - Kaqchiquel Bible

⁹ y richin jun xinben rik'in rija'. Wakami man jun numak yik'ulun chuwech ri Dios. Jak'a man roma ta xintaqej ri pixa' richin kan ri Moisés, xa kan roma k'a xinkuquba' nuk'u'x rik'in ri Cristo.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Riyin niwojoꞌ nginilitej chi xe jun nubꞌanun rikꞌin rijaꞌ. Niwojoꞌ chuqaꞌ chi nixta jun mak weqalen chuwech ri Dios, pero ma roma ta nibꞌen ri ndubꞌij ri ley xyoꞌox chare ri Moisés, xa kin roma nutaqin ri Cristo. Porque roma ndiqataqij ri Cristo nixta jun qamak ndiqeqalej chuwech ri Dios.

Kaqchikel Santa Maria de Jesus

⁹ y ruma nivajoꞌ chi joꞌc jun niꞌan riqꞌuin jajaꞌ. Nivajoꞌ chi ntiel chi man jun chic nu-pecado choch ri Dios. Ri ru-ley ri Moisés man niyaꞌ ta chic vánima riqꞌuin, ruma vataꞌn chi man nquitiquir ta niꞌan nojiel ri nuꞌej. Can xincukubꞌaꞌ nucꞌuꞌx riqꞌuin ri Cristo; rumareꞌ ri Dios xuꞌon chuva chi man jun chic nu-pecado choch jajaꞌ. Y quireꞌ nuꞌon chica quinojiel ri niquicukubꞌaꞌ quicꞌuꞌx riqꞌuin ri Cristo.

Kaqchikel Central Guatemala

⁹ Queri' xinben roma can ninvajo' chi jun ninben riq'uin rija'. Ninvajo' chi man jun ta numac yic'ulun chuvech ri Dios. Ri ley richin ri Moisáes man nincukuba' ta chic nuc'u'x riq'uin. Vetaman chi man yitiquir ta ninben ronojel ri nubij chupan ri ley ri'. Vacami xinnimaj c'a ri Cristo; y romari' ri Dios xuben chuve chi can man jun numac yic'ulun chuvech rija'. Y queri' nuben chique conojel ri yeniman ri Cristo.

Re C'ac'a Testamento pa Kach'abal

⁹ Quire' ximban roma can ninjo' che jun nimban riq'uin reja'. Ninjo' che manak-ta numac ndel chach re Dios. Man nimban-ta chic confiar-vi' riq'uin re ley chin re Moisés. Ntaman che man yintiquir-ta nimban cumplir ronojel re nubij chupan re ley re'. Vocame xinimaj re Jesucristo, y mare' re Dios xuban chua che man jun numac ndel chach reja'. Y quire' nuban chique conojel re ye'niman re Cristo Jesús.

Kaqchikel Western Solola

⁹ Y nwajo' chi xa jun nben riq'ui ri Cristo. Ruma ri utzilaj tak banobel ri nuchilabej ri ley, ri janipe' ri nbanon pe, ma ncukuba' ta chic nuc'u'x riq'ui. Ruma ma ya ta ri' ri nibano chuwe riche (rixin) chi yitz'etetej ruma ri Dios chi majun numac. Riyin riche (rixin) chi yitz'etetej ruma ri Dios chi majun numac, ya ri ncukuba' nuc'u'x riq'ui ri Cristo. Ruma ri winek ri nucukuba' ruc'u'x riq'ui ri Cristo, nitz'etetej ruma ri Dios chi majun rumac.

Filipenses 3:9 ပူးပေါင်းရင်းမြစ်များ

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

Gálatas 2:16

Man rik'in ri' qetaman chi ri wineq kan nik'ulun chi man jun rumak chuwech ri Dios*f3* xaxe toq nukuquba' ruk'u'x rik'in ri Jesucristo, y man roma ta chi nutaqej ri pixa'. Roma ri' roj judío chuqa' qakuquban qak'u'x rik'in ri Jesucristo richin chi man jun qamak yojk'ulun chuwech ri Dios, y man roma ta chi qataqen ri pixa'. Roma man jun nik'ulun chuwech ri Dios chi maneq ta rumak xaxe roma nutaqej ri pixa'.

Romanos 8:1

Wakami k'a kan man xtiqaqa ta ri nimalej ruk'ayewal pa qawi', roj ri jun chik qabanon rik'in ri Cristo Jesús.

Romanos 1:17

Ri ch'abel richin kolotajik nuq'alajirisaj chiqawech ri rubanon ri Dios richin chi man jun qamak yojk'ulun chuwech. Toq niqakuquba' qak'u'x rik'in, jari' toq man jun qamak yojk'ulun chuwech, achi'el ri nubij chupan ri ruch'abel,*f1* chi ri winaqi' ri nikitzeqelibej ri Dios, kan xtik'oje' kik'aslen roma kikuquban kik'u'x rik'in.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Wuj Richin ri Jeremías 33:16

Chupan ri q'ij ri', ri tinamit Judá kan xtijike' y ri winaqi' ri ek'o pa Jerusalem kan xkek'ase' rik'in uxlanibel-k'u'x. Kan ja bi'aj re' ri xtikiya' chire: Ri Jehová jari' Ruchojmilal.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

2 Corintios 5:17

Kan xabachike k'a wineq ri rukuquban chik ruk'u'x rik'in ri Cristo, kan xok yan jun k'ak'a' wineq. Ronojel ri richin ojer xa xekanej yan kan, y wakami ronojel chik k'ak'a'.

Filipenses 3:6

Kan rik'in k'a ronojel wánima xintej nuq'ij xinben ri nubij ri pixa' y romari' xentzeqelibej ri molaj qach'alal, y xiben chike chi xkitej poqon.

Romanos 10:10

Wi pan awánima nipe-wi richin nakuquba' ak'u'x rik'in ri Dios, wi keri' man jun amak yak'ulun chuwech ri Dios. Y wi nabij chi ri Jesús jari' ri awajaw, xkakolotej.

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Wuj Richin ri Jeremías 23:6

Y k'ari' xtik'oje' uxlanenri'il chupan ri ruwach'ulew Judá y chuqa' chupan ri ruwach'ulew Israel. K'ari' ri winaqi' xkejike' jebel. Kere' k'a ri rubi' ri xtikiya' ri ki-rey: Ja ri Dios ri Qach'akonik.

Wuj Richin ri Molojri'il 7:20

Kan keri', chuwech re ruwach'ulew man jun ri kan choj ruk'aslen, ri kan xaxe ta ri utz nuben y man ta nimakun.

San Mateo 9:13

K'ari' xubij chik: Yin man xipe ta chikikanoxik ri winaqi' ri choj kik'aslen. Yin xipe chikikanoxik ri man choj ta kik'aslen richin nitzolej-pe kik'u'x. Kixbiyin k'a chukanoxik chupan ri pixa' y chi retamaxik ri achike nik'ulun-wi ri nubij ri Dios: Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech, nicha' ri pixa', xcha'.*f16*

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

Wuj Richin Bix Chire ri Dios 143:2

Man yinaya' pa latz', yin ri in asamajel; roma man jun ri ruyon ta xtuben-qa chi man aj-mak ta chawech rat.

Wuj Richin Bix Chire ri Dios 19:12

¿Achike ta k'a wineq ri nitikir nutz'et-qa-ri' chire ri man ja ta ri yeruben? Roma ri' tabana' utzil Jehová, takuyu' ri numak ri kan man yitikir ta nintz'et-qa yin.

Wuj Richin Bix Chire ri Dios 14:3

Jak'a konojel xa xkich'er kan ki'; xa xyojtej ri kik'aslen. Kan man jun k'a ri nibanon ta ri utz; kan man jun k'a xilitej.

2 Crón 32:25

Jak'a man rik'in ri', rija' xa man xumatioxij ta ri xuben ri Dios rik'in. Xa xpe pa ránima richin janila xunimirisaj-ri', y roma ri' ri Jehová xuya-pe ri royowal pa ruwi' rija' y pa kiwi' konojel ri aj-Judá.

1 Rey 8:46

Yin wetaman chi kan man jun ri man ta nimakun chawech. Roma ri', toq ri atinamit xkemakun chawech, rat xtiyakatej awoyowal chikij, y xke'ajech-el pa kiq'a' ri xabachike etzelanel qichin.

Wuj Richin ri Rutikeribel 7:23

Keri' k'a xbanatej toq xek'is konojel chuwech re ruwach'ulew, nitiker-el rik'in ri wineq y napon k'a rik'in ronojel kiwech taq chikopi', ri nikiqirirej-ki' y ri aj-xik' taq chikopi'; konojel re' xerumes k'a el. Xaxe chik ri Noé y ri ek'o rik'in chupan ri nima-barco ri xek'ase' kan.

1 Juan 3:4

Konojel ri yemakun xa nikiq'ej ruwi' ri rupixa' ri Dios, roma ri mak, junan rik'in naq'ej ruwi' ri pixa'.

2 Pedro 1:1

Yin ri Simón Pedro, jun rusamajel ri Jesucristo, y jun chuqa' chike ri e taqon roma rija'. Tik'ulu' k'a re wuj re', ri nintz'ibaj-el chiwe rix ri ik'ulun ri jebelej tijonik richin ri qa-Dios y qakolonel Jesucristo, achi'el qak'ulun roj, roma rija' kan choj wi.

Santiago 3:2

Qonojel k'iy bey xa man ja ta ri yeqaben. Y wi ta k'o jun ri man jun bey nimakun rik'in ri ruch'abel, ri wineq ri' kan tz'aqet ri ruk'aslen. Roma wi nitikir nuq'et ri ruch'abel, kan nitikir chuqa' nuben keri' rik'in chijun ri ruch'akul.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Romanos 16:7

Tiya' chuqa' rutzil-kiwech ri qach'alal Andrónico y Junias, ri kan e nuwinaq-wi, y junan xojk'oje' kik'in pa cárcel. Rije' kikuquban chik kik'u'x rik'in ri Cristo toq yin man jani tinkuquba' nuk'u'x. Y rije' kan jebel wi chuqa' e tz'eton koma ri ch'aqa' chik ri e taqon roma ri Cristo.

Romanos 5:21

Achi'el k'a chi qonojel roj winaqi' xojok pa ruq'a' ri kamik, keri' chuqa' re wakami ri nimalej rutzil ri Dios nuk'en-pe ri k'aslen ri man k'isel ta, roma nuben chiqe chi man jun qamak yojk'ulun chuwech rija'. Y ja ri qajaw Jesucristo ri niya'on ri k'aslen ri'.

Dn 9:24

Ri Dios nubij chi 490 juna' nrajo' richin chi yekolotej ri awinaq israelita y ri atinamit Jerusalem, y richin nik'is ri rutojbalil ri yakatajinenri'il y ronojel mak. Chupan ri q'ij ri' xtikik'ul ri kuyubel-mak, y xtik'oje' k'a ri ruchojmilal jantape' achi'el ri e q'alajirisan y ri xk'utumej chawech. K'ari' xtijaqatej ri k'ak'a' rachoch ri loq'olej Dios.

Wuj Richin ri Isaías 46:13

Kan xtinben chi ninaqajub yan pe ri nuq'atbel-tzij. Kan xkixinto' yan k'a. Xtinkol yan ri nutinamit Sión, y ri nuruwaq'ijaj xtik'oje' pan Israel.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

2 Crón 32:31

K'o k'a jun q'ij ek'o ka'i-oxi' tata'al richin Babilonia xe'apon pa Jerusalem richin xebetzijon rik'in ri Ezequías pa ruwi' ri meyel banobel ri xbanatej pa ruwi' ri ruwach'ulew. Ri Dios xuya' q'ij chire ri Ezequías chi tuch'obo' ri k'atzinel richin nuben xaxe richin nutejtobej y niq'alajin ronojel ri k'o pa ránima.