Filipenses 3:7 - Kaqchiquel Bible

⁷ Ronojel re' kan yalan-wi rejqalen nubanon chire yin, jak'a wakami xa xinben chire chi man jun chik rejqalen roma xinnimaj ri Cristo.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Pero nojel re kin tzꞌan reqalen chuwa rubꞌanun kan, wokami nubꞌanun chare chi ma jun reqalen, roma niwojoꞌ nibꞌen ri ndirajoꞌ ri Cristo chuwa.

Kaqchikel Santa Maria de Jesus

⁷ Nojiel reꞌ can i-otz chinoch inreꞌ; pero antok xiꞌka panoꞌ (xinꞌan entender) chi xa man jun ncaꞌcꞌatzin chuva, ja xaꞌnyaꞌ can ruma xinvajoꞌ ri Cristo.

Kaqchikel Central Guatemala

⁷ Ronojel ri' yalan c'a e utz chinuvech yin. Pero xapon c'a ri k'ij tok xk'ax chinuvech chi man nuq'uen ta pe colotajic chuve y romari' xinya' can, richin xinnimaj ri Cristo.

Re C'ac'a Testamento pa Kach'abal

⁷ Roma chinoch yen camas rajkalen re quire' nimban. Pero xapon re k'ij tak xk'ax pa nue' che riq'uin re quire' nimban, man yintiquir-ta yincolotaj chach re numac y mare' xinya' can, chin xinimaj re Cristo Jesús.

Kaqchikel Western Solola

⁷ Tek rubanon ca ronojel ri' nim rejkalen chinuwech riyin. Pero tek xk'ax chinuwech chi xa ma nuc'om ta pe colotajic chuwe, can xinya' ca ronojel ri' riche (rixin) chi xinnimaj ri Cristo.

Filipenses 3:7 ပူးပေါင်းရင်းမြစ်များ

San Lucas 14:33

Roma ri', wi jun chiwe rix man nrajo' ta nuya' kan ronojel ri k'o rik'in, man ruk'amon ta richin nok nutijoxel.

San Mateo 16:26

¿Roma achike ta k'a nuk'en-pe chire ri wineq, wi nik'oje' ta ri beyomel richin ronojel re ruwach'ulew rik'in y toq xa man kolotajineq ta? Roma ri wineq ri' man xtitikir ta xtuloq' chik ri ruk'aslen.

San Lucas 14:26

Wi k'o jun ri nipe wik'in richin yirutzeqelibej y xa man yirajo' ta más chuwech ri rute-rutata', chuwech ri rixjayil, ri e ralk'ual, ri e rach'alal o man yirajo' ta más chuwech-qa rija', re wineq re' man ruk'amon ta nok nutijoxel.

Wuj Richin Etamabel-Tzij 13:8

Ri wineq beyom, rik'in ri rubeyomel nukol ri ruk'aslen pa kiq'a' ri winaqi'; jak'a ri wineq ri man jun k'o rik'in, man jun ninaqo richin.

Wuj Richin ri Rutikeribel 19:17

Y toq ek'o k'a chiri' chuchi' ri tinamit, jun chike ri ángel xubij chire ri Lot: Junanin ri' takolo-el ri ak'aslen. Man katzu'un kan chawij, ni man kapa'e' kan chupan la ruwa-taq'aj. Xa choj kabiyin la chuwa taq juyu' wi nawajo' nakol ri ak'aslen, roma rik'in juba' yaken, xcha'.

Wuj Richin ri Achin Job 2:4

Xeri' ri Satanás xubij chire ri Jehová: Rija' nukoch' ronojel roma man jun yabil aya'on chire, jak'a wi naya' ta jun yabil pa ruch'akul, kan yaruya' kan.

San Lucas 16:8

Toq ri rajaw ri beyomel xrak'axaj ri xuben ri jun itzel samajel ri', xubij chi kan rik'in na'oj xuben ronojel ri'. Achi'el k'a ri achin ri', e keri' ri winaqi' ri k'a kikuquban na kik'u'x rik'in ri ruwach'ulew. Y janila wi e nowineq chikiwech ri kiniman ri Dios y e richin chik ri saqil.

Wuj Richin Etamabel-Tzij 23:23

Rat, kan tatija' k'a aq'ij richin ye'awil ri k'o kejqalen; y man ke'awisq'opej-el ri qitzij, ri na'oj, ri tijonik y ri etamabel.

Wuj Richin ri Rutikeribel 19:26

Jak'a ri rixjayil ri Lot, xa kanajineq k'a kan y xpe rayibel rik'in richin xtzu'un chik kan chirij, y xa chiri' xk'oje-wi kan jumul, xok kan atz'an y xpa'e' kan achi'el jun wachibel.

Hechos 27:38

Toq oj wayneq chik qa chi utz, xqachop k'a kan ruk'aqik ri trigo chupan ri palou, richin tzoyotzik nuben kan ri nima-barco.

Hebreos 11:26

Rija' nuch'ob chi más rejqalen nutej poqon, roma xcha'ox roma ri Dios, ke chuwech nuk'ul ta ronojel ri beyomel ri k'o chiri' pa ruwach'ulew Egipto, roma kan royoben chik apo ri rajel ruk'exel ri xtuya' ri Dios chire.

Wuj Richin ri Molojri'il 3:6

Napon k'a ruq'ijul richin nakanoj y nawil, y chuqa' napon k'a ruq'ijul richin nakanoj y man nawil ta. Napon k'a ruq'ijul richin nayek, y chuqa' napon ruq'ijul richin nawelesaj-el.

Marcos 10:50

Ri achin ri', kan jari' xyakatej-pe. Xrelesaj kan ri ruq'u' chirij y xuk'eq kan. K'ari' xbe-apo rik'in ri Jesús.