Filipenses 3:3 - Kaqchiquel Bible

³ Ja roj ri oj uk'uayon ri qitzij etal ri', y man ta rije'; roma roj kan niqaya' ruq'ij ri Dios rik'in ri Loq'olej Espíritu y yojkikot rik'in ri jun qabanon rik'in ri Cristo Jesús. Roj kan man niqakuquba' ta qa qak'u'x qik'in roj.

နောက်ထပ်ဗားရှင်းများ

Kaqchikel Santo Domingo (Xenacoj)

³ Porque ri circuncisión ri kꞌo reqalen chuwech ri Dios, ja ri bꞌanun pa qánima roj ri rikꞌin rutoꞌik ri Espíritu Santo ndiqayaꞌ ruqꞌij ri Dios, y yalan ngojkikot chi xe jun qabꞌanun rikꞌin ri Cristo Jesús, y ma kuqul ta qakꞌuꞌx chi ngojkolotej roma ri circuncisión bꞌanun chare ri qa-cuerpo.

Kaqchikel Santa Maria de Jesus

³ Pero choch ri Dios, ojreꞌ cꞌa ri bꞌanun ri circuncisión riqꞌuin kánima, ruma cꞌo chic ri Espíritu Santo kiqꞌuin chi nkojrutoꞌ chi nakayaꞌ rukꞌij ri Dios. Y nkojquicuot nakaꞌej chi ya xkanimaj ri Cristo Jesús y man nicꞌatzin ta chi niꞌan ri circuncisión chika chi nkojcolotaj.

Kaqchikel Central Guatemala

³ Pero roj ketaman chi man nic'atzin ta chi niban ri circuncisiáon chike richin yojcolotej. Man riq'uin ta c'a re que tak re' nikach'ec kacolotajic. Pa ruq'uexel ri' roj riq'uin quicoten nikabij chi xkanimaj yan ri Cristo Jesáus. Y chuka' c'o chic ri Lok'olej Espíritu pa tak kánima, ri yojruto' chuya'ic ruk'ij ri Dios. Y romari' chuvech ri Dios ja roj ri banon ri kitzij circuncisiáon chike.

Re C'ac'a Testamento pa Kach'abal

³ Pero yoj kataman che manak tuk'aj niban re circuncisión chaka chin yojcolotaj chach re kamac. Yoj man rutzij-ta re circuncisión y nic'aj chic cosas qui tak re' yojcolotaj chach re kamac. Yoj xa yojqui'cot roma xkanimaj-yan re Cristo Jesús. Y chuka' c'o chic re Espíritu Santo pa tak kánma, re yojruto' chuyi'ic ruk'ij re Dios. Y mare' chach re Dios ja yoj re banon re katzij circuncisión chaka.

Kaqchikel Western Solola

³ Yac'a chuwech ri Dios yoj c'a riyoj ri banon ri kitzij circuncisión chake, ruma c'o chic ri Lok'olaj Espíritu pa tak kánima ri yojto'o riche (rixin) chi nikaya' ruk'ij ri Dios. Y riq'ui quicoten nikabij chi xkanimaj yan ri Jesucristo y ma rajawaxic ta chi niban ri circuncisión chake riche (rixin) chi yojcolotej.

Filipenses 3:3 ပူးပေါင်းရင်းမြစ်များ

Colosenses 2:11

Rix ri k'o ri Cristo pa taq iwánima, ri ix qupin richin jun retal, ri etal ri' man junan ta rik'in ri nikiben-qa ri winaqi' rik'in ri kiq'a'. Ri xuben ri Cristo chiwe ja ri xrelesaj ri itzel taq rayibel ri ek'o pa taq iwánima ri nibanon chiwe chi yixmakun.

Romanos 7:6

Jak'a re wakami achi'el xojken, y ri pixa' maneq chik pa qawi'. Y yojtikir chik niqasamajij ri Dios rik'in ri k'ak'a' qak'aslen ri ya'on chiqe roma ri Loq'olej Espíritu.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

Gálatas 5:25

Kan ja k'a ri Loq'olej Espíritu ri yoyon ri k'ak'a' qak'aslen. Roma ri' kan tiqaya' k'a q'ij chi ja rija' ri nuk'uan qichin.

Romanos 8:15

Y ri Espíritu ri nuya' ri Dios chiqe man nuben ta chiqe chi oj achi'el jun samajel ri janila nuxibij-ri' chuwech ri rajaw. Pa ruk'exel ri' wakami oj ralk'ual chik rija', y qatata' niqabij chire ri Dios.

Wuj Richin ri Jeremías 4:4

Titzolij-iwi' chiwij y tibana' chuwe richin chi ja yin ri iwajaw. Tiya' k'a pan iwánima ri retal richin ri nujikibel-tzij. Man xa rik'in juba', roma ri itzel taq ibanobal ri ye'ibanala', ri woyowal kan nibejinijo-pe achi'el q'aq', ri man jun nitikir nichupun.

Wuj Richin Bix Chire ri Dios 105:3

Kan kixkikot k'a rik'in ri loq'olej rubi'. Ri yekanon richin ri Jehová, kan kekikot k'a.

Deut 10:16

Kan tiyaka' k'a ronojel ri rujikibel-tzij ri Dios pa taq iwánima y man chaq tikowirisaj-iwi'.

Efesios 6:18

Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

Romanos 1:9

Ri Dios kan retaman wi chi kan beneq-ruwech yich'on rik'in iwoma rix, ri kan ninsamajij rik'in ronojel wánima toq nintzijoj ri utzilej ruch'abel ri nich'on chirij ri Ruk'ajol.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin ri Isaías 45:25

Jak'a yin, Jehová, xtinben chi ri winaqi' israelita kan xkech'akon, y kan xtel utzilej kitzijol, ncha' ri Dios.

Judas 1:20

Jak'a rix wach'alal ri yalan yixinwajo', kan kixk'iy k'a rik'in ri loq'olej ruch'abel ri Dios ri iniman. Y toq yixch'on rik'in ri Dios, tiya' q'ij chi ri Loq'olej Espíritu niyuqen iwichin.

Romanos 15:17

Ri nusamaj ri ruya'on ri Dios, kan nuben k'a chuwe chi jantape' yikikot rik'in ri Cristo Jesús.

Romanos 8:39

Kan man jun k'a ri banon roma ri Dios ri nitikir ta yojruch'er rik'in ri ajowabel richin rija', ri peteneq roma ri qajaw Cristo Jesús; xabakuchi ta ojk'o-wi, stape' janila chikaj o janila pa xulan.

Romanos 9:6

Man tiqach'ob k'a chi ri Dios man rubanon ta ri rusujun. Roma man konojel ta ri e rijatzul ri Israel ri kan e qitzij e ruwinaq ri Dios.

2 Corintios 11:18

Jak'a xa roma ri e janila ri nikibananej chi k'o kiq'ij, roma ri' yin chuqa' keri' ninben.

Gálatas 6:16

Rix ri yixbiyin achi'el nubij re ch'abel re', kan xtik'oje' ta k'a uxlanibel-k'u'x pa taq iwánima. Y kan xtijoyowex k'a chuqa' iwech roma ri Dios, roma rix kan ix rutinamit-wi ri Dios.

Filipenses 1:1

Yin Pablo, wachibilan ri qach'alal Timoteo ri oj rusamajela' ri Jesucristo, nintz'ibaj k'a el re wuj re' chiwe rix qach'alal ri ixk'o pa tinamit Filipos, rix ri xa jun ibanon rik'in ri Cristo Jesús. Keri' chuqa' chiwe rix qach'alal ri ix uk'uey kichin ri qach'alal, y ri ch'aqa' chik to'onela'.

Filipenses 3:12

Yin man ninben ta k'a chi kan ta wilon chik ronojel ri k'o rik'in ri Cristo, ni man ninben ta chuqa' chi kan ta tz'aqet chik ri nuk'aslen. Jak'a kan nintej nuq'ij richin ninq'i' ri sipanik richin ch'akonik, ri romari' xiroyoj ri Cristo.

Filipenses 3:14

Kan nintej-wi k'a nuq'ij richin yinapon ri akuchi nitane' wi ri anin, roma ninwajo' chi kan nok wichin yin ri sipanik richin ch'akonik ri nuya' ri Dios roma ri Cristo.