Filipenses 3:18 - Kaqchiquel Bible

¹⁸ Roma kan ek'o k'a e k'iy ri man nikinimaj ta chi k'o rejqalen chi ri Cristo xken chuwech ri cruz. Jeri' k'a ri e nunatan-el chiwe k'iy bey; y wakami kan rik'in chuqa' oq'ej ninnataj-el chiwe.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Porque ekꞌiy maneq reqalen ndikibꞌen chare rukamik ri Cristo cho cruz rikꞌin ri kꞌaslen kikꞌuan. Y reꞌ kꞌiy mul nubꞌiꞌin chiwa, y wokami rikꞌin oqꞌej nikamuluj rubꞌixik chiwa.

Kaqchikel Santa Maria de Jesus

¹⁸ Ruma iqꞌuiy ri itziel niquitzꞌat ri Cristo y man niquinimaj ta chi joꞌc riqꞌuin ri rucamic choch ri cruz nkojcolotaj. Y reꞌ qꞌuiy cꞌa mul nuꞌeꞌn chic chiva, y vacame can nquinuokꞌ ninataj chiva.

Kaqchikel Central Guatemala

¹⁸ Roma e q'uiy ri ye'etzelan richin ri Cristo y man niquinimaj ta chi xaxe riq'uin ri rucamic chuva ri cruz yojcolotej. Jac'ari' ri e nunatan-el chive q'uiy bey; y vacami can riq'uin chuka' ok'ej yennataj-el chive.

Re C'ac'a Testamento pa Kach'abal

¹⁸ Roma je q'uiy re ye'tzelan chin re Jesucristo y man niquinimaj-ta che xaxe roma reja' xcom cho cruz c'o modo yojcolotaj chach re kamac. Jare' re je'mbin-a chiva q'uiy bey, y vocame can riq'uin ok'ej ye'nataj chic-a chiva.

Kaqchikel Western Solola

¹⁸ Ruma ye q'uiy ri yec'o chicojol ri ye'etzelan riche (rixin) ri Cristo. Y re' q'uiy c'a mul nbin chic chiwe. Y wacami can yinok' re nbij chic el jun bey chiwe. Ruma riye' ma niquinimaj ta chi xaxu (xaxe wi) riq'ui ri xuben ri Cristo chuwech ri cruz tek yojcolotej.

Filipenses 3:18 ပူးပေါင်းရင်းမြစ်များ

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

Wuj Richin ri Isaías 8:11

Kan kere' k'a xch'on ri Jehová wik'in rik'in uchuq'a', y xuk'ut chinuwech richin chi man yibiyin ta chupan ri bey ri kik'uan ri ch'aqa' chik nuwinaq y xubij chuwe:

Gálatas 6:12

Ri winaqi' ri yebanon chiwe chi kan tiqupix ri kich'akul ri achi'a' richin jun etal, kan xaxe richin ketz'et y kenimex chi kan nikiben-wi ri nubij ri pixa'. Rije' man nikajo' ta chi ye'etzelex. Roma ri' man nikiq'alajirisaj ta chi ri kolotajik nibanatej kan xaxe roma ri rukamik ri Jesucristo.

Gálatas 2:14

Y roma k'a ri nikiben xa man ruk'uan ta ri' rik'in ri qitzij ri nubij chupan ri utzilej ch'abel richin kolotajik, chikiwech k'a konojel xinbij chire ri Pedro: Rat kan at judío-wi, jak'a xa man ataqen ta chik ri nubij ri pixa'. ¿Achike roma nawajo' chi ri man e qawinaq ta nikiben achi'el nubij chupan ri pixa'?, xicha' chire.

Gálatas 1:7

Y kan qitzij ninbij chiwe chi xa maneq jun chik kolotajik. Jak'a kan ek'o winaqi' ri nikajo' yixkisech rik'in ri ich'obonik. Kan nikajo' k'a nikijel rubanik ri utzilej ruch'abel ri Cristo ri nik'amon-pe kolotajik.

Wuj Richin ri Jeremías 13:17

Roma wi rix man xkixniman ta, yin kan xkinoq'. Kan xtibiyin k'a ri ruya'al taq nuwech, roma kan xkixuk'uex-el pa ximonri'il, rix ri ix tzobaj richin ri Jehová, xicha'.

2 Pedro 2:10

Y más niqa' ruk'ayewal pa kiwi' ri winaqi' ri yebanon ri itzel taq rayinik, y ri yeketzelaj ri q'atoy-tzij. Rije' man yek'ix ta, y janila kinimirisan-ki'. Roma ri' ni man nikixibij ta ki' richin nikibij tzij chikij ri itzel taq espíritu.

1 Tesalonicenses 4:6

Man tiq'ol jun chike ri qach'alal richin yixk'oje' rik'in ri rixjayil. Roma wi keri' niben, ri Dios xtuya' ruk'ayewal pan iwi'. Kere' xqabij chiwe toq xojk'oje' iwik'in.

Filipenses 1:4

Y jantape' k'a yixinnataj toq yich'on rik'in ri Dios, y rik'in kikoten nink'utuj ri rutzil pan iwi'.

Gálatas 5:21

nich'upu kik'u'x, yeq'aber, xaxe wa'in nikich'ob y yekibanala' chuqa' ch'aqa' chik kiwech etzelal. Y kan nubin chik k'a chiwe jun bey, y ninkamuluj rubixik chiwe, chi ri winaqi' ri', man xke'ichinan ta kik'in ri ek'o pa rajawaren ri Dios.

Gálatas 2:21

Yin man xtinwixowaj ta ri rutzil ri Dios, roma wi xaxe rik'in ri pixa' man jun qamak yojk'ulun chuwech ri Dios, ri Cristo man jun ta xk'atzin-wi chi xken.

2 Corintios 11:29

Toq jun qach'alal maneq ruchuq'a' y yawa' nuna', yin kan jari' ink'o-apo rik'in. Toq jun qach'alal nitzaq kan roma jun chik, ri wánima kan niq'axo roma ri xban chire.

2 Corintios 11:13

Roma rije' kan nikibananej chi e qitzij e taqon roma ri Cristo, jak'a xa e q'olonela'.

2 Corintios 2:4

Ri xinteq rubixik chiwe, kan rik'in k'a janila oq'ej y q'axomal. Jak'a man richin ta chi yixinya' pa bis rix; xa richin k'a chi rix tiwetamaj chi yin kan janila yixinwajo'.

1 Corintios 6:9

¿Man iwetaman ta k'a chi ri man choj ta kik'aslen xa man xtiya'ox ta q'ij chike richin xkeok pa rajawaren ri Dios? Man tiq'ol-qa-iwi', roma chupan ri rajawaren ri Dios man xke'ok ta ri achi'a' y ri ixoqi' ri nikikanola-ki' richin yemakun, ri yeya'on kiq'ij ch'aqa' chik dios, ri k'ulan taq winaqi' y nikikanoj jun chik richin yemakun y ri achi'a' ri man yekajo' ta ixoqi' y xa kik'in chik achi'a' yek'oje-wi-qa.

1 Corintios 1:18

Ri tijonik pa ruwi' ri rukamik ri Cristo chuwech ri cruz, kan uchuq'a' ri nipe rik'in ri Dios chiqe roj ri qachapon bey richin kolotajik. Jak'a ri winaqi' ri xa pa tojbel-mak kichapon bey, chike rije', ri tijonik ri' xa ch'ujerik.

Romanos 9:2

chi yin yalan yibison. Kan jantape' k'a k'o nimalej q'axo'n pa wánima koma ri nuwinaq judío.

San Lucas 19:41

Toq xapon chunaqaj ri tinamit, xutzu' y xroq'ej.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Judas 1:13

Chuqa' ri winaqi' ri' xa e achi'el jun palou ri janila nisilon. Kan nibolqo't, y ri itzel taq kibanobal xa achi'el ri woqoq. E achi'el chuqa' ch'umila' ri e eleneq chik el chupan ri kibey ri akuchi k'o chi yesaqirisan-wi. Y roma ri' xa kan e oyoben chik roma ri q'equ'm, ri akuchi xkebek'oje-wi pa ruk'ayewal richin q'asen.

2 Tesalonicenses 3:11

Y wakami qak'axan chi ri chi'ikojol rix ek'o ri man nikajo' ta yesamej y nikijula-apo-ki' pa taq tzij ri man ruk'amon ta.

Hechos 20:19

Kan nuch'utinirisan k'a wi' chuwech ri ajaw Dios chubanik ri rusamaj. Stape' k'o oq'ej, ninben ri rusamaj. Stape' chuqa' ri nuwinaq xinkiya' pa q'axo'n roma ri itzel yekich'obola' richin nikiben chuwe, xinben ri rusamaj rija'.

Wuj Richin ri Jeremías 9:1

Jebel ta ri' xa ta ri runaq' taq nuwech achi'el ta jun ya' ri nalex-pe chaq k'ate' y nichoxin ta pe ri ruya'al-nuwech richin yinoq' chi paq'ij chi chi'aq'a', koma ri nuwinaq e kaminaqi' richin ri nutinamit.

Wuj Richin Bix Chire ri Dios 119:136

Yin kan yinoq' k'a roma q'axo'n, roma yentz'et ri winaqi' chi man nikitaqej ta ri apixa'.

Gálatas 6:14

Y nej k'a k'o-wi chuwe yin, chi ninben ta achi'el ri nikiben rije', roma yin man ninkanoj ta nuq'ij. Yin xa kan xaxe-wi ri qajaw Jesucristo ri xken ri ninya' ruq'ij. Y jak'a chuqa' rija' ri banayon chuwe chi xiken yan chikiwech ri ch'obonik aj-ruwach'ulew. Y re ch'obonik re' xeken yan chuqa' chinuwech yin.

Wuj Richin ri Chojmirisabelri'il 13:8

Y toq ri sacerdote xtutz'et ri yawa' ri', y xtutz'et chi ri yabil xa nimirineq, jari' toq rija' xtuq'alajirisaj chi ri wineq ri' man ch'ajch'oj ta, roma k'o jun chike ri itzel taq yabil chirij, ri nutaluj-ri'.