Filipenses 2:7 - Kaqchiquel Bible

⁷ Man xupoqonaj ta k'a xuya' kan ri ruq'ij-ruk'ojlen, richin xo'alex-qa chuwech re ruwach'ulew. Kan xok k'a achi'el roj winaqi'; xsamej achi'el xabachike samajel.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Xa kin xuyaꞌ kan ri nimalej ruqꞌij chikaj, Xuꞌalex chochꞌulew achel xa achike na chi wineq, Y xok achel jun loqꞌon samajel.

Kaqchikel Santa Maria de Jesus

⁷ Xuyaꞌ can ri rukꞌij y xalꞌalax-ka choch-ulief. Can xuoc vinak incheꞌl ojreꞌ; xuꞌon incheꞌl jun esclavo.

Kaqchikel Central Guatemala

⁷ Man xupokonaj ta c'a xuya' can ri ruk'ij-ruc'ojlen, y xo'alex chuvech re ruvach'ulef. Can xoc c'a achi'el roj vinek; xsamej achi'el xa ta xabachique samajel.

Re C'ac'a Testamento pa Kach'abal

⁷ Man xupokonaj-ta xuya' can re ruk'ij, y xbalax-ka chach re ruch'ulef, xoc ancha'l yoj re yoj vinak, y xsamaj ancha'l jun samajel.

Kaqchikel Western Solola

⁷ Riya' ma xupokonaj ta c'a xuya' ca ri ruk'ij ruc'ojlen, y xo'alex ka chuwech re ruwach'ulef. Can xoc c'a winek achi'el riyoj; xuben achi'el jun ti mozo.

Filipenses 2:7 ပူးပေါင်းရင်းမြစ်များ

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

San Mateo 20:28

Yin, ri xiqaqa-pe achi'el wineq chi'ikojol, man ninpoqonaj ta yisamej koma ri ch'aqa' chik, roma xa kan richin ri' toq xipe. Jak'a yin ri yiya'on ri nuk'aslen richin keri' e k'iy ri yekolotej, xcha' ri Jesús.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

Romanos 15:3

Ri Cristo chuqa' man xuben ta xaxe ri xqa' chuwech rija'. Toqaqa chi'ik'u'x ri nubij chupan ri ruch'abel ri Dios:*f51* Ri itzel taq ch'abel ri yekibila' chawe richin k'ix kan chuwij k'a yin niqaqa-wi, nicha'.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Hebreos 12:2

Kan rik'in ri Jesús tiqaya-wi ri qatzubal, roma ja rija' ri xbanon chiqe chi xqanimaj ri Dios y chi kuqurineq chik qak'u'x. Rija' man xupoqonaj ta xken chuwech ri cruz, stape' ri kamik ri' nik'ixbisan, roma retaman chi chirij ri kamik xtipe jun nimalej kikoten. Y kan xbetz'uye' k'a chila' chikaj pa rijkiq'a' ri Dios.

San Lucas 22:27

Roma ri', ¿ja kami ri k'o pa mesa nilix-apo ri k'o más ruq'ij ó ja ri ilinel? ¿Man ja ta kami ri k'o pa mesa nilix-apo ri más ruq'ij? Jak'a chinuwech yin man keri' ta, roma yin xa achi'el jun ilinel ink'o chi'ikojol.

Romanos 15:8

Keri' ninbij chiwe, roma ri Cristo xpe richin xojruto' qonojel roj judío, richin xuk'ut chiqawech chi ri Dios kan nuben-wi achi'el ri xubij chike ri ojer taq qati't-qamama'.

Filipenses 2:6

Roma rija' kan Dios wi. Jak'a man xuya' ta rejqalen chi junan ruq'ij-ruk'ojlen rik'in ri Dios.

Wuj Richin ri Isaías 42:1

Ri Jehová nubij: Jare' k'a ri nusamajel, ri kan xtinto' rik'in wuchuq'a'. Ja rija' ri xincha', y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri ruwach'ulew.

Wuj Richin Bix Chire ri Dios 22:6

Jak'a yin xa kan man in wineq ta chik chikiwech ri ch'aqa' chik. Xa kan in achi'el chik k'a jun jut chikiwech. Y kan in ketzelan k'a ri winaqi' richin ri tinamit.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

San Mateo 12:18

Jare' ri nusamajel, ja rija' ri xincha', ri kan janila ninwajo' y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri winaqi' richin ri ruwach'ulew.

Hebreos 13:3

Y man ke'imestaj ri ek'o pa taq cárcel. Tina' k'a ri q'axo'n pan iwánima, achi'el ta kan ja rix ri ix tz'apen. Y chuqa' man ke'imestaj ri ek'o pa tijoj-poqonal. Xa kan tina' chi achi'el kan ja rix ri ixk'o chupan ri q'axo'n ri'.

Marcos 9:12

Roma ri' ri Jesús xubij chike: Kan qitzij wi chi ri Elías k'o chi xtipe nabey y xtuben ruchojmilal ronojel ri k'o. ¿Man kami xtibanatej ta chuqa' ri tz'ibatel kan chirij ri Cristo ri xtiqaqa-pe chiqakojol chi k'o chi nuk'owisaj k'iy tijoj-poqonal, y kan man jun ruq'ij xtiban chire?

Wuj Richin ri Zacarías 3:8

Wakami k'a, tawak'axaj rat Josué ri at nimalej sacerdote y ri e awachibil. Roma rix kan ix achi'el jun retal richin ronojel ri xtipe, y yin xtink'en-pe ri nusamajel ri xtetamex ruwech chi ja rija' ri xjotayin-pe.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Wuj Richin ri Isaías 49:3

Xubij chiqe chi roj oj rusamajela', y qik'in k'a roj xtuk'ut ri ruruwaq'ijaj.

2 Corintios 13:4

Ri Cristo xuya' ri' chuwech ri cruz, achi'el xa ta maneq ruchuq'a', jak'a wakami k'es roma ri nimalej ruchuq'a' ri Dios. Y keri' roj, kan maneq-wi quchuq'a' achi'el ri Cristo toq xken. Jak'a chuqa' kan xqojk'ase' rik'in ri Cristo, roma ri ruchuq'a' ri Dios richin xkixqasamajij rix.