Filipenses 2:13 - Kaqchiquel Bible

¹³ Roma ri Dios jari' ri nisamej pa taq iwánima, y nuya' ri rayibel chiwe chi niben ri niqa' chuwech rija'. Y kan nuya' chuqa' iwuchuq'a' richin yixtikir niben.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Porque ja ri Dios ndiyoꞌon pa iwánima chi ndirayij ndibꞌen ri ndiqaꞌ chuwech, y nduyaꞌ chuqaꞌ iwuchuqꞌaꞌ chin ndibꞌen.

Kaqchikel Santa Maria de Jesus

¹³ Ri Dios nisamaj riqꞌuin ivánima, y jajaꞌ nuꞌon chiva chi ntirayij ntiꞌan ri nika choch jajaꞌ. Y nuyaꞌ jeꞌ ivuchukꞌaꞌ chi nquixtiquir ntiꞌan ri nrajoꞌ.

Kaqchikel Central Guatemala

¹³ Ri Dios nisamej pa tak ivánima, y nuya' ri rayibel chive chi niben ri nika' chuvech rija'. Y chuka' nuya' ivuchuk'a' richin yixtiquir niben.

Re C'ac'a Testamento pa Kach'abal

¹³ Re Dios nisamaj pa tak ivánma, y nuban chiva che nirayij niban re nika chach reja'. Y chuka' nuya' ivuchuk'a' chin yixtiquir niban.

Kaqchikel Western Solola

¹³ Ruma ri Dios yari' ri nisamej pa tak iwánima, y Riya' nuya' ri raybel chiwe riche (rixin) chi niben ri nika chuwech Riya'. Y chuka' nuya' iwuchuk'a' riche (rixin) chi yixcowin niben ri nrajo' ri Dios.

Filipenses 2:13 ပူးပေါင်းရင်းမြစ်များ

Hebreos 13:21

xtuya' ta k'a ronojel rutzil chiwe, y xkixtikir ta xtiben ri utzilej taq banobel richin niben ri rurayibel rija'. Y nuben ta qik'in roj ri niqa' chuwech rija' rik'in ri rusamaj ri Jesucristo ri ruk'amon chi nuk'ul ruq'ij-ruk'ojlen richin jantape'. Keri' ta k'a.

2 Corintios 3:5

Man niqabij ta chi roma roj k'iy yojtikir niqaben, man keri' ta. Jak'a roma ri Dios kan nuya' quchuq'a' chubanik.

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Romanos 9:16

Kan niq'alajin k'a chi ri Dios nuya' ri rutzil chiqe roma nujoyowaj qawech, y man roma ta ri janila niqajo' o roma ta janila niqatej qaq'ij richin niqaben.

1 Corintios 15:10

Jak'a ri Dios xuya' ri rutzil chuwe, y ri' xuben chuwe chi xjalatej ri nuk'aslen. Yin más yan chik k'a in samajineq-pe ke chikiwech ri ch'aqa' chik ri e taqon roma ri Cristo. Jak'a man ninbij ta chi ja yin xibanon ri samaj, man keri' ta; xa kan ja ri rutzil ri Dios ri xbanon.

San Juan 3:27

Ri Juan xubij k'a chike: Man nibanatej ta k'a rik'in ri wineq achi'el re xbanatej wakami wi ri Dios man ta nuya' q'ij.

Efesios 1:11

Kan roma k'a ri Cristo toq roj xojcha'ox richin xojok ralk'ual ri Dios, roma keri' ruch'obon pe pa qawi' ri Dios ri ronojel nuben achi'el ri rurayibel.

1 Corintios 12:6

Jalajoj k'a ruwech ri yojtikir niqaben, jak'a xaxe jun ri niya'on quchuq'a' chiqajujunal; y ri' ja ri Dios.

2 Tesalonicenses 1:11

Roma ri' beneq-ruwech yojch'on rik'in ri Dios pan iwi' rix, richin chi xtuben ta chiwe chi yixtikir nik'uaj jun k'aslen utz ri ruk'amon chiwe chi'iwonojel ri xojoyox roma rija'. Y xtuben ta chiwe chi yixtikir niben ronojel ri utz ri nirayij, y ri samaj ri ichapon roma ikuquban ik'u'x rik'in ri Jesucristo.

Efesios 1:5

Xojrucha' richin xojok ralk'ual roma ri Jesucristo. Kan jari' wi k'a ri rurayibel y ri ruch'obonik.

Efesios 2:8

Ri rutzil ri Dios xojrukol roma xqakuquba' qak'u'x rik'in. Roma roj man yojtikir ta niqakol-qi' qayon, kan ja ri Dios ri nisipan ri kolotajik.

1 Rey 8:58

Ri Dios kan ta xtuben chiqe chi niqakanoj rija' y kan ta xtiqaben ronojel ri rurayibel rija' y chuqa' kan ta xtiqataqej ronojel ri pixa' ri rubin chike ri qate-qatata'.

Wuj Richin Bix Chire ri Dios 119:36

Tabana' chire ri wánima chi nrajo' ta nuben ri nubij ri apixa', y man ta ja ri itzel taq ch'akoj ri xtinrayij ruwech.

San Lucas 12:32

Roma ri' man tixibij-iwi' rix ri yixtzeqeliben wichin, roma stape' xa ix juba' ok, kan rurayibel-wi k'a ri aj-chikajil qatata' richin niq'et-tzij pa rajawaren rija'.

Efesios 1:9

Kan xuq'alajirisaj-wi k'a chiqawech ri ruch'obon chi nuben ri kan rewan-pe. Rija' rubanon chi ronojel ri' nibanatej roma ri Cristo.

San Juan 6:65

Y ri Jesús xubij: Roma ek'o k'a chiwe rix ri man nurayij ta iwánima nikuquba' ik'u'x wik'in, roma ri' toq xinbij chi man jun wineq xtipe wik'in richin yirukanoj, wi ri nata' man yeroyoj ta, xcha'.

Wuj Richin ri Jeremías 32:38

Rije' xke'ok nutinamit y yin xkinok ki-Dios.

Romanos 9:11

Jak'a toq man jani ke'alex, ri Dios xubij*f18* yan chire ri te'ej chi ri nimalaxel xtrilij ri chaq'laxel. Y roma ri xkik'uluwachij kik'in ri ka'i' ak'uala' ri', kan niq'alajin-wi chi ri Dios man xerucha' ta roma ri utzilej kibanobal, o xeretzelaj roma ri kibanobal man utz ta. Jak'a rija' yerucha' ri nrajo' rija'.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

Wuj Richin ri Esdras 1:1

Chupan ri ruwach'ulew Persia, k'o k'a jun rey rubini'an Ciro. Chupan ri nabey juna' chire ri ruq'atbal-tzij, ri Jehová xusiloj ri ránima richin xuteq wuj chupan ronojel ri ruwach'ulew ri k'o pa ruq'a'. Ronojel re' xuben richin xbanatej achi'el xubij ri Jehová chire ri Jeremías toq k'a k'es na. Ri Ciro xerutaqala' wuj ri chiri', y kere' xubij:

Wuj Richin ri Esdras 7:27

K'ari' ri Esdras xch'on rik'in ri Dios y xubij chire: Janila utz ruwa-aq'ij rat Jehová ri qa-Dios, ri chuqa' ki-Dios ri qati't-qamama'. Rat xaya' pa ránima ri rey, richin niya'ox aq'ij chupan ri awachoch, ri k'o pa Jerusalem.

Wuj Richin ri Esdras 1:5

K'ari' xeyakatej-q'anej konojel ri aj-raqen kichin ri tzobaj ri Judá y ri Benjamín, y chuqa' ri e sacerdote y ri ch'aqa' chik levita. Kan konojel k'a rije', ri Jehová xuben chike richin xusiloj ri kánima richin xkipaba' chik q'anej ri rachoch rija', ri k'o pa Jerusalem.

2 Crón 30:12

Chuqa' pa ruwach'ulew Judá, ri Dios kan xusiloj k'a ri kánima ri winaqi' richin tikibana' ri rubin kan rija' chire ri rey y ri e tata'al.

San Juan 6:45

Kan tz'ibatel k'a chuqa' koma ri xeq'alajirisan ruch'abel ri Dios ojer kan, chi konojel k'a winaqi' xketijox roma ri Dios.*f8* Y ri achike k'a ri nrak'axaj ri ruch'abel ri nata' Dios y nretamaj, kan xtipe k'a chinukanoxik.

Wuj Richin ri Isaías 26:12

Jehová rat kan naya' ri uxlanibel-k'u'x qik'in, y roma ronojel ri oj tikirineq qabanon, ja rat ri at banayon chiqe.

Wuj Richin Bix Chire ri Dios 141:4

Man taya' q'ij, chi ri wánima nikikot rik'in ri etzelal, chi yin ninben ri itzel taq banobel, ri kan man niqa' ta chawech. Man taya' q'ij chi yin yinimaq'ijun kik'in winaqi' ri e banoy etzelal.

Wuj Richin ri Nehemías 2:4

Y jari' toq ri rey xubij chuwe ri achike nitikir yirutobej. Jari' toq yin xink'utuj chire ri aj-chikajil Dios, richin yiruto'.

1 Pedro 1:3

Tiqaya' k'a ruq'ij ri ru-Dios y rutata' ri qajaw Jesucristo. Rija' kan janila xujoyowaj qawech, roma ri' xuben chiqe chi xojalex chik jun bey rik'in ri ruk'astajibal ri Jesucristo. Y re' kan nuben k'a chiqe chi k'o jun oyobenri'il qik'in ri man k'isel ta.

Hechos 11:21

Ri ruchuq'a' ri Dios kan k'o-wi kik'in ri achi'a' ri'. Roma ri' toq e janila k'a e k'iy winaqi' ri xeniman y xkikuquba' kik'u'x rik'in ri ajaw Jesucristo.

Wuj Richin Bix Chire ri Dios 110:3

Y ri chiri' toq rat xkabe pan oyowal, ri aj-labal xtikisuj-ki' richin xkebe chawij. Y rije' kan xtikitz'apej ruwech ri ruwach'ulew roma janila e k'iy, achi'el ri raxq'ab ri niqaqa toq k'a man ja ni niseqer-q'anej,

Wuj Richin ri Achin Job 33:29

Ronojel re' nuben ri Dios rik'in ri wineq, man xaxe ta jun bey o ka'i' mul, xa kan jantape' nuben kere'.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

Romanos 12:3

Ri Dios xuya' re jun samaj re' chuwe. Roma ri' ninbij chiwe chi'iwonojel: Man tiqana-qi' chi más yojtikir roj chuwech ri ruchilaben ri Dios chiqe. Kan nik'atzin chi niqaya' qejqalen chiqajujunal, achi'el ri jalajoj ruwech sipanik ri ruya'on chiqe, junan rik'in ri qakuqubabel-k'u'x rik'in rija'.