Filipenses 1:7 - Kaqchiquel Bible

⁷ Kan pa ruchojmilal ninben chi kan janila yixinwajo', stape' ink'o pa cárcel o nintzijoj ri utzilej ch'abel richin kolotajik roma kan ibanon-wi utzil chuwe richin in ito'on chupan ri nusamaj.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Y kin utz chi riyin keriꞌ ninaꞌ iwoma, porque rixkꞌo pa wánima y jun iwánima ibꞌanun wikꞌin chupan ri nimalej favor ruyoꞌon ri Dios chuwa. Jun iwánima ibꞌanun wikꞌin re yinkꞌo pa cheꞌ, y jajun atoq niqꞌalajrisaj chi ri utzulej teq tzij chin kolotajik kin qetzij y utz chi nditzijox.

Kaqchikel Santa Maria de Jesus

⁷ Can rucꞌamun chi quireꞌ ninaꞌ chivij, ruma can ibꞌanun favor chuva vaveꞌ pa cárcel, can xinitoꞌ chi xinꞌan defender ri evangelio y chi xinꞌej chi ketzij. Can junan ruyoꞌn ri favor ri Dios chika y can ixcꞌo riqꞌuin vánima.

Kaqchikel Central Guatemala

⁷ Ri Dios can nisamej-vi pa tak ivánima, roma can ibanon-vi utzil chuve vave' pa cárcel, in ito'on chutzijoxic ri utzilej ch'abel richin colotajic y chuka' in ito'on chubixic chi re ch'abel re' can kitzij vi. Junan c'a kac'ulun ri rutzil ri Dios; y romari' can ix nuc'uan-vi pa vánima.

Re C'ac'a Testamento pa Kach'abal

⁷ Re Dios can nisamaj pa tak ivánma, roma can ibanon utzil chua vova' pa cárcel, yinita'on chutzijosic re utzulaj ch'abal chin re Dios re nibex evangelio cha y chuka' yinita'on chubixic che re ch'abal re' can katzij-va. Y can q'uiy utzil kac'ulun riq'uin re Dios, y mare' can yixinc'uan pa vánma.

Kaqchikel Western Solola

⁷ Can ruc'amon wi chi quere' nch'ob chiwij, ruma can ibanon utzil chuwe wawe' pa cárcel, yin ito'on chutzijoxic chique ri winek chi ri lok'olaj ch'abel ri niya'o colotajic can kitzij wi y can riq'ui ri Dios petenak wi. Y can junan c'a kac'ulun ri rutzil ri Dios iwuq'ui, y rumari' can yixc'o wi pa wánima.

Filipenses 1:7 ပူးပေါင်းရင်းမြစ်များ

2 Corintios 7:3

Ronojel ri xinbij chiwe man richin ta chi yich'olin chiwij. Roma rix kan jantape' ixk'o pa qánima, y man jun xtelesan ri ajowabel ri' qik'in. Ni ri kamik man xtitikir ta xtrelesaj, ni xabachike ri niqak'uluwachij chupan re k'aslen re'.

Filipenses 1:5

Roma noqaqa chinuk'u'x ri to'onik ri niben rix richin chi nitzijotej ri utzilej ch'abel richin kolotajik. Kan chupan k'a ri q'ij toq xikuquba' ik'u'x rik'in ri Jesucristo, ja ri' toq ichapon-pe ri to'onik ri'.

2 Timoteo 2:9

Y roma nintzijoj ri ch'abel ri', nintej poqon, inximon re pa cárcel, achi'el jun kamisanel. Jak'a ri ruch'abel ri Dios man ximil ta.

Colosenses 4:18

Yin Pablo ninteq k'a el rutzil-iwech. Y titz'eta' k'a re ruk'isibel chire re wuj re', kan rik'in k'a nuq'a' yin xinben-wi-el. Y man timestaj chi ink'o pa cárcel. Ri rutzil ri Dios xtik'oje' ta k'a iwik'in chi'iwonojel. Kan keri' ta k'a.

Filipenses 4:14

Man rik'in ri', rix utz ri xiben chi xijoyowaj-pe nuwech y xina' chuqa' rix ri tijoj-poqonal ri ink'o-wi.

Efesios 6:20

Ri Dios xirucha' richin nintzijoj ri utzilej ruch'abel pa rubi' rija', roma ri' wakami in kiximon rik'in cadena. Tik'utuj pa nuwi' chi man ta ninxibij-wi' toq nintzijoj ri ch'abel ri' achi'el ruk'amon.

Efesios 3:1

Roma ronojel re', yin, Pablo, xinok pa cárcel roma ninsamajij ri Cristo Jesús roma ri wajowabal pan iwi' rix ri man ix judío ta.

Hechos 20:23

Ri wetaman, xaxe k'a ri ruq'alajirisan ri Loq'olej Espíritu chuwe, chi yin xkitz'apex pa cárcel, y xtintej poqon. Roma keri' ri ruq'alajirisan-pe ri Loq'olej Espíritu chuwe ronojel tinamit ri xiq'ax yan pe.

1 Juan 3:14

Roj kan oj eleneq chik pe chupan ri kamik, richin chi xojq'ax chupan ri k'aslen. Y qetaman jebel chi keri' roma kan niqajowala-wi-qi' chiqach'alal-qi'. Jak'a ri man nikajo' ta ki', kan e kaminaqi' chuwech ri Dios.

2 Pedro 1:13

Chinuwech yin, kan k'a janila ruk'amon chi ninnataj kan k'iy na'oj chiwe, roma k'a k'o na ka'i-oxi' q'ij nuk'aslen.

1 Pedro 4:13

Paruk'exel ri' xa kan kixkikot chupan ri tijoj-poqonal achi'el xutej poqon ri Cristo. Y wi keri', toq xtapon ri q'ij chi rija' xtitzolin-pe rik'in ruq'ij-ruk'ojlen, kan janila k'a xtikikot ri iwánima rix.

Hebreos 3:1

Roma ri', rix loq'olej wach'alal ri ix oyon chuqa' junan qik'in roj roma ri Dios, kan ja ri Cristo Jesús titzu'. Ja rija' ri qaniman, y niqaq'alajirisaj chi rija' kan ja ri Dios ri xtaqon-pe richin, y ja chuqa' rija' ri qanimalej sacerdote.

2 Timoteo 1:8

Man kak'ix naq'alajirisaj ri ruch'abel ri qajaw, ni man kak'ix woma yin, ri in k'o pa cárcel roma rija'. Paruk'exel ri' rik'in ri uchuq'a' ri nuya' ri Dios chawe, man tapoqonaj nak'owisaj tijoj-poqonal roma natzijoj ri utzilej ch'abel richin kolotajik.

1 Tesalonicenses 5:5

Roma qonojel ri qakuquban qak'u'x rik'in ri Jesucristo kan oj richin chik ri saqil, y man oj richin ta chik ri q'equ'm.

Colosenses 4:3

Kixch'on rik'in ri Dios pa qawi' roj chuqa', chi rija' nujeq ta achi'el jun ruchi-jay chiqawech richin chi niqatzijoj ri k'a juba' tuq'alajirisaj, chi roma ri Cristo toq yojkolotej. Y chutzijoxik k'a ri' toq xinok re pa cárcel.

Efesios 4:1

Y roma ri' yin, ri xinok pa cárcel roma ninsamajij ri Dios, ninbij chiwe chi nik'atzin nik'uaj jun k'aslen ri ruk'amon, roma ja ri Dios ri xoyon qichin richin xojok ralk'ual.

Gálatas 5:6

Roma ri' roj ri oj richin chik ri Cristo, man jun nuben chiqe wi yojqupix richin ri retal, o man yojqupix ta. Ri nik'atzin, ja ri qakuqubabel-k'u'x rik'in rija', y rik'in ri' niqak'ut ri ajowabel kik'in ri ch'aqa' chik.

2 Corintios 3:2

Roma xaxe rik'in nitz'etetej ri utzilej ik'aslen rix, jari' ri nibin chi utz chi yojk'ul koma konojel. Y ri k'aslen ri' pa taq qánima roj tz'ibatel-wi y man chuwech ta wuj, y kan nitz'etetej k'a koma konojel ri winaqi'.

1 Corintios 13:7

Ri ajowabel nuben chi niqakoch' ronojel; nuben chi jantape' kuqul qak'u'x. Chuqa' nuben chi niqoyobej ronojel. Y nuben chi rik'in ch'uch'ujil niqaq'axaj ronojel.

1 Corintios 9:23

Ronojel re' ninben roma ninwajo' chi e k'iy ta nikikuquba' kik'u'x rik'in ri Cristo. Yin ninwajo' yinilon chuqa' rik'in ri urtisanik ri nuk'en-pe ri utzilej ch'abel richin kolotajik.

Hechos 21:33

Ri uk'uey kichin ri aj-labal xjel-apo k'a rik'in ri Pablo, xberuchapa-pe, y xuteq k'a ruximik rik'in ka'i' cadena. K'ari' k'a xuk'utuj chi achike achin ri', y achike ri xumakuj.

1 Pedro 5:1

Wakami ninwajo' k'a ninbij ka'i-oxi' ch'abel chiwe rix uk'uey kichin ri qach'alal. Yin, jun chuqa' in uk'uey kichin ri qach'alal. Xaxe yin kan xintz'et ri Cristo toq xutej poqon. Y toq xtapon ri q'ij chi xtibeq'alajin ri ruq'ij-ruk'ojlen, yin xkik'oje' rik'in.

Filipenses 1:12

Wach'alal, yin ninwajo' chi rix niwetamaj ta chi rik'in ri nuk'uluwachin man pa'el ta ruq'alajirisaxik ri utzilej ch'abel richin kolotajik. Pa ruk'exel chi keri', xa kan ek'o más winaqi' ri ye'ak'axan.

Filipenses 1:13

Roma konojel winaqi' ri ek'o chiri' kak'axan chik chi yin xinok pa cárcel roma nintzijoj ri Jesucristo. Y chuqa' ri e chajiy ri rachoch ri rey ketaman.

Filipenses 1:14

Y roma ri' jubama k'a konojel ri qach'alal xk'oje-el más kuchuq'a' richin chi nikitzijoj ri ruch'abel ri Dios chike ri winaqi', y man nikixibij ta ki'.

Filipenses 2:22

Jak'a rix kan iwetaman chik k'a chi ri qach'alal Timoteo kan yalan-wi utz. Iwetaman chik chi rija' okineq achi'el nuk'ajol, roma samajineq wik'in richin qaq'alajirisan ri utzilej ch'abel richin kolotajik.

Filipenses 4:3

Nink'utuj k'a utzil chawe rat ri at wachibil, chupan ri samaj, chi xke'ato' ta k'a ri ka'i' qach'alal ixoqi' ri', roma rije' xenwachibilaj chuq'alajirisaxik ri utzilej ch'abel richin kolotajik junan rik'in ri qach'alal Clemente y ri ch'aqa' chik qach'alal, ri kan tz'iban chik ri kibi' chila' chikaj, chupan ri wuj richin k'aslen.

Filipenses 4:15

Yin ninch'ob chi rix wach'alal aj-Filipos k'a noqaqa na chi'ik'u'x toq yin nuk'uan-apo ri pa nabey ri utzilej ch'abel richin kolotajik chiwe. Y toq xinel-el ri chiri' iwik'in, toq xinya' kan ri ruwach'ulew Macedonia, rix xiteq k'a jun to'onik chuwe. Y kan man jun chik molaj qach'alal ri ek'o pa ch'aqa' chik tinamit ri xinkinataj ta.

Filemón 1:13

Yin ninwajo' chi ri Onésimo nik'oje' ta wik'in wawe' pa cárcel richin yirilij, pan ak'exel rat, roma rat man yatikir ta yak'oje-pe wik'in re akuchi in tz'apel-wi roma ri utzilej ch'abel richin kolotajik.