Ez 9:4 - Kaqchiquel Bible

⁴ Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Ez 9:4 ပူးပေါင်းရင်းမြစ်များ

Wuj Richin ri Rutikeribel 4:15

Y ri Jehová xubij chire: Kan qitzij ninbij chawe: Wi k'o ta jun ri achike xkakamisan kan, kan wuqu' k'a mul xtinya' rutojbalil pa ruwi', xcha'. K'ari' ri Jehová xuya' jun retal ri Caín richin chi achike xtik'ulun man nukamisaj ta kan.

2 Rey 22:13

Kixbiyin richin nibek'ulubej ri Jehová pa nuwi' yin y pa kiwi' konojel winaqi' richin ri tinamit Judá, chirij ri ch'abel ri e tz'ibatel kan chupan ri wuj ri xilitej. Jujik chi ri Jehová yakatajineq royowal chiqij roma ri qate-qatata' man xeniman ta chire ri wuj ri', richin xkiben ta ronojel achi'el nubij ri tz'ibatel kan, xcha'.

Wuj Richin Bix Chire ri Dios 119:136

Yin kan yinoq' k'a roma q'axo'n, roma yentz'et ri winaqi' chi man nikitaqej ta ri apixa'.

Wuj Richin Bix Chire ri Dios 119:53

Yin kan niyakatej k'a woyowal chikij ri e banoy taq etzelal, chikij ri xa nikimalij kan ri apixa'.

Ex 12:13

Ri kik' jari' ri retal richin ri jay ri akuchi ixk'o-wi rix, y xtintz'et k'a yin ri kik' y choj k'a xkiq'ax-el pan iwi' y kan man xtok ta k'a iwik'in rix ri nima-ruk'ayewal richin kamik, toq yin xkenkamisaj ri nabey taq al alaboni' wawe' pan Egipto.

Ex 12:23

Toq ri Jehová xtiq'ax richin yerukamisaj ri aj-Egipto, kan xtutz'et k'a ri kik' chuchi' ri iwachoch y ri kamisanel kan choj k'a xtiq'ax-el y man jun xtuben ta kan chiwe.

Ex 12:7

Y chire ri kikik'el ri taq chikopi' ri', xtik'ul kan juba' y jari' ri xtiyala' pa taq ruxikin y pa ruwi' ri ruchi-jay ri akuchi xtitej-wi ri kich'akul ri taq chikopi' ri'.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin ri Jeremías 13:17

Roma wi rix man xkixniman ta, yin kan xkinoq'. Kan xtibiyin k'a ri ruya'al taq nuwech, roma kan xkixuk'uex-el pa ximonri'il, rix ri ix tzobaj richin ri Jehová, xicha'.

Ez 21:6

Y rat Ezequiel, kan katoq' k'a rik'in janila bis y q'axo'n.

Ez 6:11

K'ari' ri Jehová xubij chuwe: Tapaq'apa' k'a ri aq'a' y tatinita' ri awaqen roma bis y kasik'in k'a roma q'axo'n, roma ri janila itzel taq kibanobal ri xekibanala' ri awinaq israelita. Xa kan xkeken pan oyowal, wayjal y yabil.

Ez 9:5

Y chike ri e waqi' achi'a' ri e rachibilan ri tz'ibanel xubij chi kebiyin chupan ri tinamit y kekikamisaj kan ri winaqi', jak'a man tikijoyowaj kiwech.

Ez 9:6

Xubij chi kekikamisaj k'a chi rijita'q, chi xtani', chi alaboni', chi ixoqi', chi ak'uala'; jak'a man jun tikiben kan chike ri winaqi' ri k'o ketal. Rije' xkichop k'a kikamisaxik ri achi'a' ri k'o kiq'ij ri ek'o chupan ri rachoch ri Jehová.

Am 6:6

Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Wuj Richin ri Sofonías 1:12

Chupan ri q'ij ri' yin kan xkennik'oj ri winaqi' aj-Jerusalem; y kan xkenkanoj rik'in jun candil. Xkenya' pa tijoj-poqonal ri winaqi' ri xa kiyon rije' kikuquban-qa kik'u'x. Rije' nikich'ob-qa chi yin man jun utz ni man jun itzel xtinben chike.

Wuj Richin ri Sofonías 3:18

Chuqa' kan xtibixan k'a rik'in kikoten qoma roj. Yin Jehová kan xtinben chiwe chi xkixkikot achi'el toq niq'ax jun nimaq'ij. Xkixinkol k'a chuwech ronojel k'ixbilal. Roma re' kan jun ejqa'n chiwe rix.

Wuj Richin ri Malaquías 3:16

Y toq xkak'axaj ronojel re', ri winaqi' ri k'o rukiy ri Dios chikiwech kan xech'on chikiwech ri chi kachibil-ki'. Y ri Dios kan xuya' ruxikin chike y xerak'axaj k'a. K'ari' ri Jehová xutz'ibaj kibi' chupan jun wuj richin natabel kichin ri k'o rukiy chikiwech, y ri nikinimirisaj ri rubi'.

2 Corintios 1:22

chuqa' ri Dios kan ruya'on ri Loq'olej Espíritu ri pa taq qánima, richin retal chi kan qitzij chi oj richin rija'.

2 Corintios 12:21

Ri ninpoqonaj k'a yin chupan re jun chik bey re yinapon iwik'in, ja wi rik'in juba' ri Dios nuqasaj nuq'ij chiwech rix y nuben chuwe chi yinoq' roma ri ibanobal rix; roma rik'in juba' xtinbenwila' chi k'a e k'iy qach'alal ri k'a ek'o na pa mak y man tzolejineq ta pe kik'u'x. Ri achi'a' y ri ixoqi' xa k'a nikikanola' na ki' richin yemakun.

Gálatas 6:17

Y re xtibe-apo, man jun chik k'a tibin más ch'abel chuwij, roma yin kan ek'o-wi retal ri e nuk'uan roma ri tijoj-poqonal ri xink'owisaj, y ronojel re' roma kan in rusamajel ri Jesucristo.

Efesios 4:30

Man tiqaya' pa bis ri Loq'olej Espíritu, roma rija' kan k'o pa taq qánima, y roma k'o qik'in nel chi tzij chi kan xqojkolotej-wi-el, chupan ri q'ij toq ri Jesucristo xtipe chiqak'amik.

2 Timoteo 2:19

Jak'a roj ri qakuquban qak'u'x rik'in ri Dios, rija' rubanon chiqe achi'el jun jay ri yalan utz ri ruxe'. Y chuwech ri ruxe' ri' tz'ibatajineq chik kan chi ri Dios retaman kiwech ri e richin chik rija', y chuqa' chi konojel ri e richin chik rija', tikich'ara-pe-ki' chire ri etzelal.

Apocalipsis 14:1

K'ari' xintz'et chik k'a chi ri Karne'l pa'el pa ruwi' ri juyu' Sión, e rachibilan e144,000 winaqi'. Y konojel k'a re', kik'uan ri nik'aj kiwech ri rubi' ri Jesucristo y ri rubi' ri Tata'ixel.

Apocalipsis 20:4

Y xintz'et chi ek'o tz'uyubel richin q'atbel-tzij, y chiri' e tz'uyul-wi ri ya'on chik uchuq'a' pa kiq'a' richin nikiq'et-tzij. Xintz'et chuqa' ri kánima ri xtzak'ix-el kiqul, roma xkitaqej y xkitzijoj ri ruch'abel ri Dios. Jere' ri man xeya'on ta ruq'ij ri nabey chikop y ri ruwachibel, ni man xkik'ul ta ri etal richin ri chikop nik'aj-kiwech o ri pa taq kiq'a'. Y xintz'et chi rije' xek'astej chik y junan k'a yeq'aton-tzij rik'in ri Cristo, chupan ri 1,000 juna'.

Apocalipsis 9:4

Y xbix k'a chike chi man tikitej ri che', ri tiko'n o ri q'ayis. Jak'a tikibana' ch'a'oj xaxe chike ri winaqi' ri man ya'on ta ketal nik'aj-kiwech roma ri Dios.