Ez 9:11 - Kaqchiquel Bible

¹¹ K'ari' ri tz'ibanel xuya' ri rutzijol chi xuben yan ronojel ri xbix chire.

Ez 9:11 ပူးပေါင်းရင်းမြစ်များ

Wuj Richin Bix Chire ri Dios 103:20

Tinimirisaj k'a ruq'ij ri Jehová, rix ri ix samajela' aj-chikajil; rix ri kan rik'in uchuq'a' niben ri nubij chiwe, richin ninimaj ri rutzij.

Ez 10:1

Y xeri' yin xintz'et chik jun bey ri tz'uyubel ri k'o-q'anej pa ruwi' ri wokowik, ri k'o-q'anej pa kiwi' ri e kaji' querubín.

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.

Ez 9:2

Xintz'et k'a e waqi' achi'a' xe'ok-pe chiri' pan okibel ri k'o pa xaman. Y chikijujunal k'a rije' kik'amon-pe kikamisabal pa kiq'a'. Y kachibilan k'a jun achin ri rukusan tzieq ri banon rik'in lino y ri xerupan rutzeqeban tinta richin tz'ibabel. Y xe'ok-apo chiri' chuwa-jay y xepa'e-qa chunaqaj ri porobel ri banon rik'in q'enq'oj-pueq.

Apocalipsis 16:17

Y kan jari' k'a toq ri ruwuq ángel xuq'ej pa kaq'iq' ri ruk'uan chupan ri qumbel, y xinwak'axaj k'a chi k'o nich'on-pe ri akuchi k'o-wi ri rutz'uyubal ri Dios ri chiri' pa rachoch. Y kan rik'in k'a ruchuq'a' nubij-pe: Jare' xk'achoj yan, xcha'.

Apocalipsis 16:2

Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.