Ez 9:1 - Kaqchiquel Bible

¹ Y chirij k'a ronojel re', ri Jehová xch'on k'a kow wik'in y xubij chi kek'amer-pe ri chajinela' richin ri tinamit Jerusalem; y ri e peteneq kan kibanon-pe rutzil ri kikamisabal.

Ez 9:1 ပူးပေါင်းရင်းမြစ်များ

2 Rey 10:24

Y toq konojel ek'o chik chiri' richin nikisuj kamelabel y chikop ri niporox chijun chuwech ri Baal, jari' toq ri Jehú xeruya' chuwa-jay e jumuch' aj-labal, y xubij chike: Kan ke'ikamisaj k'a konojel, y achike k'a chiwe rix ri xtuya' q'ij chi k'o jun nanimej, kan xtiken k'a pa ruk'exel ri nanimej, xcha'.

1 Crón 21:15

K'ari' ri Jehová xuteq k'a pe ri ru-ángel richin nuk'is ri Jerusalem. Jak'a toq ri ángel najin chire ri kamik, ri Jehová xq'axon rik'in, y xubij chire: Xaxe kela'. Man ye'akamisaj ta chik más, xcha'. Chupan k'a ri ramaj ri' ri ru-ángel ri Jehová k'o pa kaq'iq' pa ruwi' ri akuchi nuch'ey-wi trigo ri Ornán ri jebuseo.

Ex 12:23

Toq ri Jehová xtiq'ax richin yerukamisaj ri aj-Egipto, kan xtutz'et k'a ri kik' chuchi' ri iwachoch y ri kamisanel kan choj k'a xtiq'ax-el y man jun xtuben ta kan chiwe.

Wuj Richin ri Isaías 6:8

Chirij re' k'ari' xinwak'axaj ri ruch'abel ri Jehová ri nubij: ¿Achike kami ri xtiqateq-el? ¿Achike k'a xtok qataqo'n?, xcha'. Y yin xinbij chi jare' ink'o wawe', y chi kirutaqa-el yin.

Wuj Richin ri Jeremías 4:6

Tiyaka-q'anej jun tzieq retal richin yixanimej pa tinamit Sión. Tikanoj ri akuchi nito-wi-iwi' y man kixpa'e-qa, roma yin k'a kela' pa xaman xtinbentaqa-pe nimalej taq ruk'ayewal y wululen.

Ez 43:3

Y ri rubanik ri xintz'et, achi'el ri xk'utumej chinuwech toq xpe richin xoruwulaj kan ri Jerusalem y chuqa' achi'el rubanik ri xk'utumej chinuwech ri chuchi' ri raqen-ya' Quebar. Y roma ri' yin kixukuk xiqaqa pan ulew.

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.