Ez 8:6 - Kaqchiquel Bible

⁶ Y xubij: Rat Ezequiel, ¿natz'et kami la nikiben ri awinaq israelita? Ri banobel ri' kan man niqa' ta chinuwech yin y re' nuben chuwe richin ninya' kan ri wachoch. Y pa ruwi ri'; xa kan ek'o chik ch'aqa' ri kan más e k'ayew, xcha'.

Ez 8:6 ပူးပေါင်းရင်းမြစ်များ

2 Crón 29:5

Y xubij chike: Rix levita kiniwak'axaj: Tich'ajch'ojirisaj k'a iwi', y tich'ajch'ojirisaj k'a ri rachoch ri Jehová, ri qa-Dios roj y ri ki-Dios kan ri qati't-qamama'. Tiwelesaj-pe chiri', ronojel ri man e ch'ajch'oj ta.

Wuj Richin Bix Chire ri Dios 78:60

Xumalij k'a kan ri rachoch banon rik'in tzieq, ri paban-q'anej pa Siló, ri jay ri akuchi xk'oje' rija', chikikojol ri qawinaq.

Wuj Richin Etamabel-Tzij 5:14

Xa roma ri' jubama xojbek'is pa ruk'ayewal ri chiri' chikiwech y chikikojol ri winaqi', man xkixcha' ta.

Wuj Richin ri Jeremías 11:18

Chirij k'a ronojel re', ri Jehová xuya' rutzijol chuwe chi ri e etzelanel wichin k'o ri itzel nikich'ob chuwij y chuqa' xubij chuwe ri achike nibekibana'.

Wuj Richin ri Jeremías 23:11

Jak'a ri Jehová xubij chuwe: Konojel ri nikibananej chi e q'alajirisey nuch'abel kan e itzel taq winaqi' y keri' chuqa' ri e sacerdote y roma ri' kan chupan re wachoch xenwil-wi chubanik etzelal.

Wuj Richin ri Jeremías 26:6

Wi man xtiben ta ronojel re', k'ari' xtinben rik'in ri wachoch, achi'el xinben rik'in ri tinamit Siló. Xtinben chire re tinamit Jerusalem richin xtiqaqa itzel pa ruwi' y xtok jun k'ambel-na'oj chikiwech konojel ri tzobaj winaqi' richin re ruwach'ulew, xkacha' chike, xcha' ri Dios chuwe.

Wuj Richin ri Jeremías 3:6

Ri ruch'abel ri Jehová xoqaqa wik'in chupan ri q'ij chire ri q'atbel-tzij richin ri rey Josías y xubij chuwe: Rat Jeremías xatz'et ri etzelal ri xuben ri tinamit Israel ri chiri' pa xaman. Kan xebe k'a chiri' chuwa taq juyu' chuxe' taq che' ri janila kixaq, richin chi chiri' xekitzeqelibej ch'aqa' chik dios, achi'el nuben jun ixoq itzel ruk'aslen ri yerutzeqelibej ch'aqa' chik achi'a'.

Wuj Richin ri Jeremías 32:34

Kan xkiben chire ri wachoch ri kan ch'aron chuwe, chi man ch'ajch'oj ta, y kan man utz ta chik nintz'et, roma xkiya' wachibel chupan, richin nikiya' kiq'ij.

Wuj Richin ri Jeremías 7:17

¿Man natz'et ta k'a ri nikiben rije' chiri' pa taq tinamit richin ri Judá y pa taq bey richin ri tinamit Jerusalem?

Wuj Richin ri Jeremías 7:30

Chuqa' ri winaqi' aj-Judá, xa xkiben ri man utz ta nintz'et yin, kan xekiya' tiox chiri' pa wachoch akuchi ninatex-wi ri nubi' y kan man xkiya' ta wejqalen.

Ez 10:18

Ri ruk'ojlemal ri Jehová ri k'o chuchi' ri rachoch xyakatej-el y xbek'oje' pa kiwi' ri e kaji' querubín.

Ez 10:19

Y re kaji' querubín re' xkirik' k'a el ri kixik' y kan chinuwech k'a yin xeyakatej-el. Y toq rije' xebe, chuqa' ri ki-rueda xebe. Y xebepa'e' chiri' pan okibel ri k'o pa relebel-q'ij chire ri rachoch ri Jehová. Y ri ruk'ojlemal ri Dios richin Israel xbepa'e' pa kiwi' rije'.

Ez 11:22

Y toq ri Dios xtane' chi ch'owen, ri querubín kachibilan ri ki-rueda xeyakatej k'a el y xkirik'-el ri kixik' chikaj y ri ruk'ojlemal ri Jehová k'o pa kiwi' ri querubín ri'.

Ez 11:23

Keri' ri ruk'ojlemal ri Dios xbe-q'anej pa ruwi' ri rachoch rija'. Xeri' xel-el pa tinamit y k'ari' xbek'oje' pa ruwi' ri juyu' ri k'o pa relebel-q'ij.

Ez 14:6

Roma ri' tabij chike ri awinaq re nubin yin: Titzolej-pe-ik'u'x wik'in y tich'ara-pe-iwi' kik'in ri wachibel y ke'iyala' kan ri itzel taq ibanobal ri kan man utz ta nintz'et.

Ez 18:12

xa kan nuben chike richin nikitej poqon ri man jun k'o kik'in. Xa kan neleq' y toq nuya' méro pa qajik man nutzolij ta chik el ri retal ri xya'ox kan chire roma ri qajonel. Kan nukuquba' ruk'u'x rik'in ri wachibel y yeruben banobel ri kan man utz ta nintz'et.

Ez 43:8

Rije' xkiben-q'anej kachoch chunaqaj ri ruchi' ri wachoch yin y xaxe jun tz'aq ri xk'oje' chiqakojol. K'ari' rije' xkiqasaj ruq'ij ri loq'olej nubi' rik'in ri itzel taq kibanobal ri kan man utz ta nintz'et yin. Y roma ri' xinoyower kik'in y xek'is.

Ez 47:6

K'ari' xubij chuwe chi kan tintz'eta' jebel. Y chirij ri' xuben chuwe richin xitzolej chik chuchi' ri raqen-ya' ri'.

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Ez 8:13

Katzu'un ke taq ri' y xtatz'et chik más nima'q itzel taq banobel ri kan man utz ta nintz'et yin, xcha'.

Ez 8:14

Y xiruk'uaj-el pan okibel ri k'o pa xaman chire ri rachoch y xentz'et k'a ixoqi' ri e tz'uyul chiri' y nikoq'ej ruwech ri dios Tamuz.

Ez 8:7

Y xeri' xiruk'uaj-el ri akuchi k'o-wi ri okibel ri richin ri ruwa-jay, ri richin ri rachoch ri Dios y chiri' xintz'et chi teq'el ri tz'aq.

Ez 8:9

Y xeri' xubij chuwe chi yinok-apo y nintz'et ri itzel taq banobel ri nikibanala' chiri', ri kan man yeqa' ta chuwech.

Os 5:6

Chirij k'a ri' xkekik'uaj k'a ri kiwákix y ri kikarne'l, richin chi xkinkikanoj yin Jehová. Jak'a xa kan man xkinkil ta roma yin xa man xkik'oje' ta chik kik'in.