Ez 8:3 - Kaqchiquel Bible

³ Y ri wineq ri' xuya' k'a pe ri ruq'a' chuwe y xirujik'-el chirusumal-nuwi' y rik'in uchuq'a' xirutzeqej-el chikaj. Y pa jun achi'el achik' xiruk'uaj k'a pa rachoch ri Jehová ri k'o k'a pa Jerusalem, ri akuchi k'o-wi ri okibel ri k'o pa xaman chire ri ruwa-jay ri k'o-apo. Y chiri' k'o jun ruwachibel jun dios ri kibanon ri winaqi', ri niyako royowal ri Jehová.

Ez 8:3 ပူးပေါင်းရင်းမြစ်များ

1 Rey 18:12

Rik'in juba' xa xtik'uluwachitej chi toq yin yibe, ri ru-espíritu ri Jehová xa xkaruk'uaj chik el juk'an, akuchi ri man wetaman ta yin. Y wi yin ninbenya' rutzijol chire ri Acab y rija' xa man yaril ta chik re wawe', jari' k'a toq rija' xkirukamisaj yin, y kan man ruk'amon ta k'a chi keri' nibanatej wik'in roma yin xa kan k'a in ala' na toq nuya'on-pe ruq'ij ri Jehová.

2 Rey 16:14

Ri porobel ri' banon rik'in q'eqapueq, ri Acaz xrelesaj-el ri porobel ri k'o-pe chuwech ri rachoch ri Dios, y xuya-qa ri k'ak'a' porobel ri akuchi k'o-wi ri rubanon kan. Y ri nabey porobel xk'oje' kan pa xaman chire ri k'ak'a' porobel. Y rija' xk'oje' kan chukojol ri k'ak'a' porobel y ri rachoch ri Jehová.

2 Rey 2:16

Y xkibij chire: Wawe' ojk'o oj kawineq lajuj achi'a' ri k'o quchuq'a'; taya' q'ij chiqe richin nibeqakanoj ri qajaw. Rik'in juba' ri Jehová xuk'uaj-el, y xberuya' pa jun juyu' o pa jun taq'aj, xecha' chire. Y ri Eliseo xubij chike chi man tikiben keri'.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

Ex 20:4

Man jun wachibel tiben richin niya' kiq'ij: Man tiben kiwachibel ri ek'o chuwech ri kaj, ni ri ek'o chuwach'ulew, ni ri ek'o chupan ri ya'.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Ex 34:14

Man tiya' ruq'ij jun chik dios, roma yin Jehová kan man niqa' ta chinuwech chi niya' ruq'ij jun chik dios chinuwech yin.

Wuj Richin ri Jeremías 32:34

Kan xkiben chire ri wachoch ri kan ch'aron chuwe, chi man ch'ajch'oj ta, y kan man utz ta chik nintz'et, roma xkiya' wachibel chupan, richin nikiya' kiq'ij.

Wuj Richin ri Jeremías 7:30

Chuqa' ri winaqi' aj-Judá, xa xkiben ri man utz ta nintz'et yin, kan xekiya' tiox chiri' pa wachoch akuchi ninatex-wi ri nubi' y kan man xkiya' ta wejqalen.

Ez 1:1

Xk'uluwachitej k'a chi chupan ri juna' juwineq lajuj*f1* chupan ri ro' q'ij chire ri rukaj ik' chupan ri ro' juna', toq xk'amer-pe ri rey Joaquín pa ximonri'il; yin Ezequiel ri in sacerdote ruk'ajol kan ri Buzí. Ink'o k'a chunaqaj ri raqen-ya' Quebar chiri' pa ruwach'ulew Babilonia chikikojol ri nuwinaq ri e k'amon-pe pa ximonri'il. Jari' toq ri Jehová xch'on wik'in y kan jari' xoqaqa ri ruchuq'a' pa nuwi' y k'o k'a xuk'ut chinuwech.

Ez 10:3

Y ri querubín e pa'el k'a pa rijkiq'a' ri rachoch ri Jehová toq ri tz'ibanel xok-apo. Y chuqa' xpe k'a ri sutz' y xnojisaj ri ruwa-jay.

Ez 11:1

Y chiri' ri Jehová xiruyek-el y xiruq'axaj pan okibel ri k'o pa relebel-q'ij chire ri rachoch rija'. Y chiri' ek'o e juwineq wo'o' achi'a' aj-raqen richin ri tinamit. Chikikojol k'a rije' k'o ri Jaazanías ruk'ajol ri Azur y ri Pelatías ruk'ajol ri Benaías.

Ez 11:24

Xeri' chupan ri wachik', ri ru-Espíritu ri Jehová xiruk'uaj chik el pa Babilonia akuchi ek'o-wi ri ch'aqa' chik nuwinaq.

Ez 2:9

Jari' toq xintz'et jun q'abaj rik'on-pe wik'in y ruk'uan k'a jun boton wuj.

Ez 3:12

Kan janila nim ruq'ij ri rajawaren ri Jehová ri akuchi k'o-wi. Y chirij ri' ri ru-Espíritu rija' xiruyek k'a q'anej. Y xinwak'axaj k'a jun ch'abel ri peteneq chuwij ri kan nijinin k'a achi'el jun nimalej silonel.

Ez 3:14

Y toq ri ru-Espíritu ri Jehová xiruyek-q'anej, jari' toq xiruk'uaj-el ri chiri'. Y yin kan k'ayirineq pa nuchi' y xyakatej janila woyowal, roma ri ruq'a' ri Jehová kan qajineq k'a ri ralal chuwij yin.

Ez 37:1

Ri Jehová xuya' ri ruq'a' pa nuwi' richin xiruk'uaj-el pa jun achi'el achik' pa jun taq'aj kojol juyu' ri akuchi nojineq rik'in baq kichin winaqi'.

Ez 40:2

Y chupan ri achi'el achik' ri' ri Jehová k'o k'a xuk'ut chinuwech. Xiruya' chiri' pa ruwi' jun nimalej juyu' y xintz'et chi kela' pa xokon k'o ka'i-oxi' jay y achi'el jun tinamit niq'alajin.

Ez 43:5

K'ari' ri ruchuq'a' ri Jehová xiruyek-q'anej y xiruk'uaj-el pa ruwa-jay ri k'o chunaqaj ri rachoch y xintz'et ri ruk'ojlemal ri Jehová xunojisaj ri rachoch.

Ez 43:8

Rije' xkiben-q'anej kachoch chunaqaj ri ruchi' ri wachoch yin y xaxe jun tz'aq ri xk'oje' chiqakojol. K'ari' rije' xkiqasaj ruq'ij ri loq'olej nubi' rik'in ri itzel taq kibanobal ri kan man utz ta nintz'et yin. Y roma ri' xinoyower kik'in y xek'is.

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Ez 7:20

Kan inimirisan k'a iwi' rik'in ri jebelej taq ruwi-ixkinaj, retz'aba'l ruwi' q'abaj, ichinaj; y rik'in ri' xe'ibanala-q'anej wachibel ri kan yenwixowaj yin. Y roma ri' yin kan xtinben q'ayis chire ronojel re'.

Ez 8:5

K'ari' ri Jehová xubij chuwe chi kitzu'un kela' pa xaman. Y yin kan xitzu'un k'a y xintz'et ri wachibel ri niyako royowal ri Jehová ri chiri' akuchi k'o-wi ri porobel.

Ez 9:2

Xintz'et k'a e waqi' achi'a' xe'ok-pe chiri' pan okibel ri k'o pa xaman. Y chikijujunal k'a rije' kik'amon-pe kikamisabal pa kiq'a'. Y kachibilan k'a jun achin ri rukusan tzieq ri banon rik'in lino y ri xerupan rutzeqeban tinta richin tz'ibabel. Y xe'ok-apo chiri' chuwa-jay y xepa'e-qa chunaqaj ri porobel ri banon rik'in q'enq'oj-pueq.

Dn 10:10

Y k'o k'a jun q'abaj xichapo-qa, y xuben chuwe richin xixuke-q'anej y xinchakalibej ri nuq'a'.

Dn 10:18

K'ari' xjel chik apo jun bey wik'in y xiruchop richin xuya' wuchuq'a'.

Dn 5:5

Y kan chupan k'a ri ramaj ri', chaq k'ate' k'a xbek'ulun-pe jun ruq'a' wineq ri nitz'iban chuwech ri jay ri akuchi ek'o-wi, chunaqaj ri candelero. Y toq ri rey xutz'et ri q'abaj ri',

Hechos 8:39

Toq e eleneq chik pe ri chiri' pa ya', ri Felipe xuk'uex k'a el roma ri Loq'olej Espíritu. Y ri achin etíope man chik k'a xutz'et ta ri Felipe, jak'a janila kikoten ri xuchop chik el ri rubey.

Deut 32:16

Rix xiben k'a chire ri Jehová chi kan itzel nina' chire, roma rix xiyala' kiq'ij ch'aqa' chik dios. Y chuqa' xiben chire richin chi xiyek royowal, roma kan xe'itzeqelibej ch'aqa' chik dios ri kan itzel yerutz'et rija'.

Deut 32:21

Xiben chuwe richin itzel xinna' chiwe, roma rix xiyala' kiq'ij ch'aqa' chik dios. Y chuqa' xiyek woyowal, roma kan xe'itzeqelibej ch'aqa' chik dios ri xa man jun yetikir nikiben. Wakami kan xtinben k'a chiwe richin itzel xtina' chuwe. Y xtinyek iwoyowal, roma rix ix jun tinamit nakanik.

Deut 4:24

Ri Jehová ri qa-Dios kan man niqa' ta chuwech chi k'o ta jun chik niya' ruq'ij, roma ri royowal rija' achi'el q'aq' ri nuk'is ronojel.

Deut 5:9

Man k'a kixxuke' chikiwech rije', ni man tiya' kiq'ij, roma ja yin Jehová ri i-Dios ri kan man niqa' ta chinuwech richin niya' ruq'ij jun chik. Y wi k'o ta jun ri nibanon keri' xtinwetzelaj y xtiqaqa ri woyowal pa ruwi', y pa kiwi' ri rijatzul k'a pa rukaj sol.

Deut 6:15

roma ri Jehová ri qa-Dios ri k'o iwik'in rix, kan jun Dios ri kan man jun chik achi'el rija' y kan k'o chi'ikojol. Roma ri' man tiyek royowal, roma wi xtiyek royowal, kan xkixruk'is chuwech re ruwach'ulew.

Wuj Richin ri Josúe 24:19

K'ari' ri Josué xubij chike ri ruwinaq: Rix kan man xkixtikir ta xtisamajij ri Jehová, roma rija' kan jun Dios loq'olej, y kan man niqa' ta chuwech richin niya' ruq'ij jun chik dios. Chuqa' kan man xtukoch' ta ri yakatajinenri'il y xabachike mak niban chuwech.