Ez 8:17 - Kaqchiquel Bible

¹⁷ K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

Ez 8:17 ပူးပေါင်းရင်းမြစ်များ

Wuj Richin ri Rutikeribel 6:11

Jak'a ri winaqi' chuwech re ruwach'ulew kan yojtajineq chik k'a ri kibanobal, kan e jaqatajineq k'a ri winaqi' e banoy ch'a'oj.

Wuj Richin ri Rutikeribel 6:13

jari' toq rija' xubij chire ri Noé: Xinch'ob chi yenk'is konojel ri k'o kik'aslen chuwech ri ruwach'ulew, roma ri ruwach'ulew k'isineq pa ruk'ayewal, roma ri itzel taq kirayibel y roma ri' xkenmes k'a el konojel chuwech re ruwach'ulew.

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

2 Rey 24:4

Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.

Wuj Richin ri Jeremías 19:4

Roma ri winaqi' israelita xinkimalij kan y kan xkiben chire ri taq'aj ri' chi xenoj chi dios ri man e aj wawe' ta y man xketamaj ta kiwech ri iwati't-imama', ni ri e rey ri xek'oje' ojer kan. Y wawe' xisuj pom chikiwech y kan xinojisaj ri tinamit rik'in kik' roma xe'ikamisaj ri winaqi' ri xa man jun kimak.

Wuj Richin ri Jeremías 20:8

roma ronojel mul yin yich'on xaxe richin ninq'alajirisaj kamik o wululen. Roma ri' toq ninq'alajirisaj ri ach'abel, xa yinkiyoq' y yinkitze'ej.

Wuj Richin ri Jeremías 44:3

roma ri imak ri xiben richin xiyek woyowal. Roma kan xixbe richin xibesuju' pom y niyala' kiq'ij ch'aqa' chik dios ri xa man iwetaman ta kiwech, ni rix ni ri iwati't-imama'.

Wuj Richin ri Jeremías 6:7

Chiri' kan nibulbu'x ri etzelal achi'el ri ya' toq nibebulbu'x-pe chupan jun alaxibel-ya'. Ri chiri' xa kan xaxe chik kamik ri nibanatej y ri e sokotajineq kan chiri' e punupuxineq-wi. Chuqa' man jun bey yeban ri ruchojmilal, xa kan xaxe chik eleq' ri yeban.

Wuj Richin ri K'uxla'anik 1:5

Ri e etzelanel richin xa kan xe'ok-q'anej tata'al pa ruwi'. Ri itzel yetz'eton richin, wakami xa xebe pa jotol. Ronojel re tijoj-poqonal re' xuya' ri Jehová pa kiwi' ri winaqi', kere' xkik'uluwachij roma ri kimak kan pa ruk'iyal ri xkiben. Ri winaqi' kan xe'uk'uex-el pa ximonri'il koma ri e etzelanel kichin.

Ez 11:6

Rix kan janila k'a kamik ibanalon chupan re tinamit re' y kan e inojisan ri bey kik'in kaminaqi'.

Ez 16:26

Chuqa' xasuj-awi' chikiwech ri aj-Egipto, winaqi' ri kan k'o-wi janila kuchuq'a' y kan jebel nikina' yemakun. Roma ri' xaben chuwe richin xyakatej janila woyowal.

Ez 18:12

xa kan nuben chike richin nikitej poqon ri man jun k'o kik'in. Xa kan neleq' y toq nuya' méro pa qajik man nutzolij ta chik el ri retal ri xya'ox kan chire roma ri qajonel. Kan nukuquba' ruk'u'x rik'in ri wachibel y yeruben banobel ri kan man utz ta nintz'et.

Ez 23:25

Yin kan janila yatinwajo', jak'a k'o chi xtinwelesaj woyowal chawij. Roma ri' rije' kan xtik'o chik ruwi' xtikiben chawe. Kan xtikiqupij k'a el ri atza'n y chuqa' ri axikin. Y ri winaqi' ri k'a xkek'oje' na kan chiri' pa Jerusalem xa kan chi espada xkekamisex-wi. Chuqa' xkekik'uaj k'a el ri awal chi xtani', chi alaboni' y pa ruk'isibel xkenk'is rik'in q'aq'.

Ez 28:16

Kan janila xbe pa jotol ri ak'ayij, y richin man nibe-qa pa xulan, rat janila xamakun y xaben kamik. Roma ri' ri Dios xarelesaj-pe pa juyu' ri akuchi at ruya'on-wi. Y wakami xa man jun nachajij, y man yabiyaj ta chik chukojol ri abej ri ek'o pa q'aq'.

Ez 45:9

Yin Jehová ninbij: Rix ri ix q'atoy taq tzij richin ri Israel, man chik ke'iben ch'a'oj ni man chik tiben chike richin nikitej poqon ri nuwinaq. Xa kan tibana' ronojel pa ruchojmilal y rik'in ruch'ajch'ojil. Man chik timej kulew ri nutinamit.

Ez 7:11

Ri kamik kan k'iy k'a ruk'ayewal ruk'amon-pe, achi'el jun che' ri nuya' k'iy ruwech y roma ri' kan jujik chi re wululen re' kan xtipe. Xa kan man jun k'a ri xtik'oje', ni ta ri beyomel, ni ta ri k'o rejqalen.

Ez 7:23

Ke'inaba' k'a cadena richin yixxime', roma chupan ronojel ri ruwach'ulew y ri pa tinamit janila kamik ri yebanatej.

Ez 8:6

Y xubij: Rat Ezequiel, ¿natz'et kami la nikiben ri awinaq israelita? Ri banobel ri' kan man niqa' ta chinuwech yin y re' nuben chuwe richin ninya' kan ri wachoch. Y pa ruwi ri'; xa kan ek'o chik ch'aqa' ri kan más e k'ayew, xcha'.

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Am 3:10

Rije' man ketaman ta yek'ase' choj. Kan xebeyomer-q'anej roma ye'eleq' y yekamisan.

Am 6:3

Rix man niwajo' ta nich'ob rij ri q'ij richin ruk'ayewal, jak'a xa peteneq q'ij richin ikamik.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Wuj Richin ri Miqueas 6:12

Rix beyoma' rik'in iwuchuq'a' nichop ri niwajo' rix. Rix xaxe tz'ukuj-tzij ri nibij, y kan xaxe k'a ri q'oloj ri niben.

Wuj Richin ri Sofonías 1:9

Xtinya' rutojbalil-mak pa kiwi' ri winaqi' ri nikiya' kiq'ij ch'aqa' chik dios; Chuqa' pa kiwi' ri winaqi' ri nikinojisaj rachoch ri kajaw rik'in ri keleq' y q'oloj.