Ez 8:12 - Kaqchiquel Bible

¹² Y ri Dios xubij chuwe: Rat Ezequiel, tatz'eta' k'a ronojel ri yekibanala' pan ewel re achi'a' re' y chikijujunal rije' kan ek'o-apo pa kik'ojelibal ri wachibel richin nikiya' kiq'ij Y kan nikibij-qa chi yin man yentz'et ta y chi yin xenmalij yan kan.

Ez 8:12 ပူးပေါင်းရင်းမြစ်များ

2 Rey 17:9

Ri israelita xkiben k'a k'iy itzel taq banobel pan ewel chuwech ri Jehová ri ki-Dios. Kan xekipaba' k'a q'anej akuchi nikiya-wi kiq'ij wachibel pa ruwi' taq juyu' chunaqaj ronojel ri kitinamit, nitiker-pe pa taq kokoj tinamit, y napon k'a rik'in ri nima'q taq tinamit ri tz'apen chi tz'aq.

Wuj Richin Bix Chire ri Dios 10:11

K'ari' nubij chik qa pa ránima: Ri Dios xa numestaj ronojel; rija' man nitzu'un ta pe, man jun bey xtutz'et re', nicha-qa.

Wuj Richin Bix Chire ri Dios 14:1

Ri winaqi' ri maneq kina'oj nikibij-qa pa kánima chi maneq Dios. Rije' xa xyojtej yan ri kik'aslen; ri kibanobal kan janila itzel. Kan man jun k'a ri nibanon ta ri utz.

Wuj Richin Bix Chire ri Dios 73:11

Kan nikibij k'a chi ri Dios man nretamaj ta ri nikiben rije', y chi man jun bey xtunabej.

Wuj Richin ri Isaías 29:15

Toq'ex iwech rix ri niwewaj-iwi' chinuwech yin richin niwewaj ri ich'obonik chinuwech. Toq'ex iwech rix ri k'o niben pa taq q'equ'm y nibij chi man yixintz'et ta.

Wuj Richin ri Isaías 47:10

Kan nikuquba' ik'u'x rik'in ri itzel taq ibanobal, y kan nich'ob chi man jun yixtz'eto. Jak'a ri ina'oj y ri iwetamabal xa xixkiq'ol toq xibij-qa pan iwánima chi kan xaxe rix ri ixk'o, y man jun chik achi'el rix.

Ez 14:1

Y k'o k'a jun q'ij xepe wik'in jujun achi'a' ri k'o kiq'ij chikikojol ri nuwinaq, rije' xepe richin nikik'ulubej ri Jehová y xetz'uye-qa chinunaqaj.

Ez 20:1

Toq xtz'aqet yan wuqu' juna' chi xojk'amer-pe pa Babilonia, jari' toq xe'oqaqa wik'in ka'i-oxi' achi'a' ri k'o kiq'ij aj-Judá richin nokik'ulubej ri Jehová. Y re' xk'uluwachitej chupan ri q'ij lajuj chire ri ro' ik' chire ri juna' ri'. Y rije' xetz'uye-qa wik'in.

Ez 8:11

Y chikiwech k'a rije' e pa'el-apo e oxk'al lajuj achi'a' ri k'o kiq'ij y pa kinik'ajal rije' k'o ri Jaazanías ruk'ajol ri Safán. Y rije' kan nikiya' k'a kiq'ij ri wachibel ri'. Chikijujunal k'a ri achi'a' ri' kik'uan jun porobel-pom y ri rusibil y ri rujubulil kan nijote-el.

Ez 8:13

Katzu'un ke taq ri' y xtatz'et chik más nima'q itzel taq banobel ri kan man utz ta nintz'et yin, xcha'.

Ez 8:15

Xeri' ri Jehová xubij chik chuwe: Rat Ezequiel, katzu'un kela' y kan xtatz'et chik más itzel taq banobel chuwech re', banobel ri kan man utz ta nintz'et yin, xcha'.

Ez 8:17

K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Wuj Richin ri Sofonías 1:12

Chupan ri q'ij ri' yin kan xkennik'oj ri winaqi' aj-Jerusalem; y kan xkenkanoj rik'in jun candil. Xkenya' pa tijoj-poqonal ri winaqi' ri xa kiyon rije' kikuquban-qa kik'u'x. Rije' nikich'ob-qa chi yin man jun utz ni man jun itzel xtinben chike.

Efesios 5:12

roma ri banobel ri', yekibanala' pa taq ewel, y kan xaxe ninatex nik'ixbisan.