Ez 7:8 - Kaqchiquel Bible

⁸ Kan ja yan re wakami xtinwelesaj woyowal chiwij. Kan k'a xkitane' na chire ri q'atoj-tzij pan iwi', k'ari' xtich'uch'u' ri wánima chiwij. Kan xtinben k'a keri' chiwe, roma ri itzel taq banobel ri ye'iben, kan man niqa' ta chinuwech y kan man utz ta nintz'et yin.

Ez 7:8 ပူးပေါင်းရင်းမြစ်များ

Ez 14:19

Wi ta xtinteq-pe yabil chupan ri ruwach'ulew ri' y rik'in ta janila woyowal xtipe ta kamik pa kiwi' y xtinben chi xkeken ri winaqi' y ri awej;

Ez 9:8

Y rokik k'a ye'ajin rije' chi kamisanik chiri' pa tinamit, yin xik'oje' kan nuyon. Y xink'eq k'a wi' pan ulew y rik'in k'a janila q'axo'n xisik'in y xinbij ¡Jehová, at wajaw! ¿Kan nawelesaj ronojel ri awoyowal chirij ri tinamit Jerusalem, richin chi ye'ak'is ri juba' chik winaqi' ri k'a ek'o kan?, xicha'.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Ez 20:21

Jak'a rije' xa xeyakatej chuwij y man xkiben ta achi'el nubij ri nupixa' ri nuya'on chike. Chuqa' xa xkiben k'a chire ri q'ij richin uxlanen chi man jun rejqalen. Y roma ri', yin kan xinbij k'a chike chi kan xtinwelesaj woyowal chikij ri chiri' pa tz'iran ruwach'ulew.

Ez 20:8

Jak'a rije' xa xeyakatej chuwij y man xkinimaj ta nutzij. Chikijujunal k'a rije' xa man xkiya' ta kan ri itzel taq kibanobal xa xekiya' kiq'ij ri wachibel kichin ri winaqi' aj chiri'. Roma ri' xinbij k'a chike chi kan xtinwelesaj ronojel woyowal chikij chiri' pan Egipto.

Wuj Richin ri Isaías 42:25

Roma ri' yin kan xinya' k'a ri woyowal pan iwi', y kan xinya' labal pan iwi'. Y ri labal ri' kan xixruk'is, achi'el nuben ri q'aq', man rik'in ri' man xq'ax ta chiwech, y man xixniman ta chuwe.

Ez 20:33

Yin kan xtinya' nutzij chiwe chi kan ja yin ri xkibeq'aton-tzij pan iwi'. Kan rik'in k'a uchuq'a' xtinya' ri nuq'a' pan iwi' y rik'in nimalej woyowal.

Ez 20:13

Yin kan xinya' ri ruchojmilal chike richin chi wi nikitaqej kan xkek'ase'. Man rik'in ri', xa xeyakatej chuwij chiri' pa tz'iran ruwach'ulew y man xkinimaj ta ri nupixa', jak'a xa xkixowaj, y chuqa' man xkiya' ta rejqalen ri q'ij richin uxlanen. Roma ri' xinch'ob chi ninwelesaj woyowal chikij y yenk'is kan chiri' pa tz'iran ruwach'ulew.

Apocalipsis 14:10

kan xtiqaqa-wi ruk'ayewal pa kiwi'. Kan xketzaq k'a achi'el yetzaq ri q'abarela', roma ri Dios kan xtuben chike chi tikiqumu' ri royowal rija'. Y konojel ri xkebanon keri', xtikitej poqon chupan ri q'aq' y ri chuwilej-abej chikiwech loq'olej taq ángel chuwech ri Karne'l.

Os 5:10

Ri e aj-raqen richin ri ruwach'ulew Judá kan xkiben k'a achi'el nikiben ri eleq'oma' richin k'ulba't. Pa kiwi' rije' kan xtinchoxij k'a pe ri woyowal achi'el xa ta ya'.

Dn 9:27

Chirij re' ri aj-raqen kan xtujikiba' k'a rutzij kik'in ri ruwinaq ri Dios chupan ri rutikeribel ri wuqu' chik juna'. Jak'a toq xq'ax yan oxi' juna' rik'in nik'aj, kan xtupaba' k'a rusujik ri kamelabel y ri jalajoj ruwech sipanik. Chirij k'ari', rija' xtiberubana' jun banobel ri kan nrixowaj ri Dios, keri' k'a xtuben k'a toq xtitz'aqet ri wuqu' juna' ri', toq ri Dios xtuya' ri rutojbalil-mak pa ruwi'.

Dn 9:11

Qonojel k'a roj israelita xa xqaq'ej ruwi' ri apixa'. Xqach'er k'a kan qi' richin man xqanimaj ta ri atzij. Y xa roma ri' xqaqa ri ruk'ayewal pa qawi', achi'el ri tz'ibatajineq kan chupan ri wuj richin ri pixa' ri ruya'on kan ri asamajel Moisés.

Ez 30:15

Xtinwelesaj k'a ri woyowal chirij ri tinamit Sin ri akuchi ek'o-wi ri aj-labal. Chuqa' e k'iy xkeken chiri' pa tinamit Tebas.

Ez 22:31

Roma ri' kan xtinwelesaj k'a woyowal chikij y kan xkenk'is roma ri ruq'aq'arinen ri woyowal, richin keri' niqaqa pa kiwi' rije' ri kimak. Yin Jehová ri yibin, xcha'.

Ez 6:12

Jujun chike rije' xkeken roma yabil, ch'aqa' chik xkeken pa labal y ri winaqi' ri xketotej kan, xkeken roma wayjal; richin keri' xtik'is ri woyowal chikij rije'.

Wuj Richin ri K'uxla'anik 4:11

Ri Jehová kan xuteq-pe ronojel ri royowal pa qawi'. Kan xuq'ej k'a pe pa qawi' ri nimalej royowal achi'el niq'ej ri ya'. Xutzij k'a jun q'aq' pa ruwi' ri tinamit Sión, y ri q'aq' ri' kan xuk'is ronojel.

Wuj Richin ri K'uxla'anik 2:4

Ri Dios kan xok k'a achi'el jun etzelanel qichin; xuchojmirisaj k'a ri ruk'aqbal-ch'ab richin chi xojruq'ijuj. Kan xuk'is k'a ronojel ri kan jebel rubanon, ri royowal kan xuya' k'a pe pa qawi' achi'el jun q'aq'.

Wuj Richin ri Jeremías 7:20

Roma ri' yin Jehová ninbij chi kan ninwisq'opej k'a ri woyowal pa ruwi' re tinamit re', pa kiwi' re winaqi', pa kiwi' ri kichikop, pa kiwi' ri kiche' y ri kitiko'n ri ek'o pa taq juyu' y ri woyowal xtuben achi'el jun q'aq' ri man nichup ta k'a toq xtuk'is na ronojel.

Wuj Richin Bix Chire ri Dios 79:6

Taya' k'a ri awoyowal pa kiwi' ri winaqi' ri man yatkitzeqelibej ta, pa kiwi' ri ruwach'ulew ri man yatkinataj ta.

2 Crón 34:21

Kixbiyin; ja tibek'ulubej ri Jehová pa nuwi' yin y pa kiwi' ri winaqi' ri k'a ek'o kan pa ruwach'ulew Israel y pa ruwach'ulew Judá. Tik'utuj chire achike nel chitzij re nubij re wuj re xinwil, roma ri royowal ri Jehová kan nim wi ri xqaqa pa qawi'. Ronojel re' xa roma k'a ri qati't-qamama' man xkitaqej ta ri xubij ri Jehová, y kan man xkiben ta achi'el ri tz'ibatajineq kan chupan re wuj, xcha'.

Wuj Richin ri K'uxla'anik 2:17

Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Ez 7:9

Y kan man xtinjoyowaj ta k'a iwech toq xtinya' rutojbalil-mak pan iwi' roma ronojel re'. K'ari' k'a xtiwetamaj chi ja yin Jehová ri yibanon ronojel re'.

Ez 33:20

Rix winaqi' israelita kan ye'ikamuluj k'a rubixik y nibij chi yin Jehová xa kan man pa ruchojmilal ta ri ninben. Jak'a yin kan chi'ijujunal k'a xtinq'et-tzij pan iwi'. Wi rix xtiben utz, yin xtinya' urtisanik pan iwi'. Jak'a wi xtiben itzel, yin kan xtinya' rutojbalil ri imak, xcha' ri Dios.

Wuj Richin ri Jeremías 36:31

Y kan xtinya' rutojbalil ri itzel taq abanobal, rat y ri kibanobal ri awijatzul, ri aj-raqen, ri aj-Jerusalem y pa kiwi' ri ch'aqa' chik winaqi' aj-Judá. Ronojel ri man utz ta rutzijol ri xinya' yan chiwe, kan qitzij chi xtibanatej, xcha' ri Jehová.

Ez 7:27

Ri rey kan xtukusaj k'a tzieq richin bis y ri e tata'al kan xkebison janila. Y rix kan janila xkixbaybot. Kan achi'el rubanik ri imak kan keri' ri rutojbalil ri xtinya' pan iwi'; richin keri' xtiwetamaj chi ja yin Jehová, xcha'.

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.

Ez 11:21

Jak'a ri ch'aqa' chik winaqi' ri xa k'a nikirayij nikiben ri itzel taq banobel ri yenwixowaj yin y nikiya' ruq'ij ri wachibel, kan xtinya' k'a tijoj-poqonal pa kiwi'. Yin Jehová ri yibin, xcha'.

Ez 16:43

Xtibek'uluwachitej re' roma rat kan man noqaqa ta chi'ak'u'x achike rubanik toq yin xatinyek-q'anej y xa xaben achi'el jun ixoq itzel ruk'aslen, y roma ri' yin xyakatej janila woyowal. Y jak'a re wakami xtinben chawe chi xtiqaqa ri rutojbalil-mak pan awi',

Ez 16:59

Y roma ronojel re', yin Jehová ninbij chi kan xtinya' k'a janila rutojbalil-mak pan awi' roma ri itzel abanobal y man xataqej ta ri atzij ri abin chuwe toq xqaben ri ya'on-tzij.

Ez 18:30

Roma ri' yin kan ninq'et-tzij pan iwi' chi'ijujunal rix ri aj-Israel achi'el ri rubanik ri ibanobal. Yin Jehová ri ink'o pa ruwi' ronojel ninjikiba' nutzij. Titzolej k'a pe ik'u'x y tiya' k'a kan ri rubanik ri itzel taq banobel, richin keri' man xtiqaqa ta rutojbalil ri imak pan iwi'.

Ez 24:14

Ja yin Jehová ri yibin y kan xtinbenbana' ri xinbij. Kan xapon yan ri q'ij richin ninben. Kan man jun k'a xtinjoyowaj ruwech y man xtintzolij ta wi' chuwij roma ri itzel rubanobal. Yin xtinbenya' ri rutojbalil-mak pa ruwi', yin Jehová ri yibin, xcha'.

Os 12:3

Ri Jacob kan k'a k'o na chupan ri rute' toq xuchop chuqul raqen ri runimal. Keri' chuqa' rik'in ri ruchuq'a' kan xch'akon chirij ri ángel ri xchapo richin.