Ez 7:7 - Kaqchiquel Bible

⁷ Kan niqaqa yan k'a ri wululen chiwij rix winaqi' richin ri ruwach'ulew Israel. Kan ninaqajub yan k'a pe ri q'ij richin nimalej xibinri'il. Y ri xibinri'il ri' xtipe pa ruk'exel ri nimaq'ij ri niben chiri' pa ruwi' taq juyu'.

Ez 7:7 ပူးပေါင်းရင်းမြစ်များ

Ez 12:28

Roma ri' tabij chike, chi ri nuch'abel man k'a janipe' ta na xtibebanatej, roma ri xinbij xa kan xtinben yan k'a, xcha'.

Ez 7:12

Xoqaqa k'a ri q'ij y xoqaqa k'a ri ramaj toq ri k'ayinel man nikikot ta rik'in ri ruk'ayij y ri loq'onel man nibison ta richin nuya' kan ruméro, roma ninbenya' yan ri rutojbalil pa kiwi' konojel.

Wuj Richin ri Isaías 22:5

Ri Jehová k'iytisanel richin ronojel nucha' jun q'ij richin xibinri'il, q'ij richin bis, q'ij richin sachibel-k'u'x. Y re' nibanatej chupan ri taq'aj richin Hinom. Ri chiri' xtiwulex ri tz'aq ri sutiyon-rij ri tinamit. Y ri winaqi' nikik'utuj to'onik chike ri juyu'.

Wuj Richin ri Rutikeribel 19:15

Y toq niseqer yan pe, ri ka'i' ángel xkipararej k'a ri Lot y xkibij chire: Kayakatej y chi'anin ri' tak'uaj-el ri awixjayil y la ka'i' ami'al, man xa kek'is kan wawe' chupan re rutojbalil rumak re tinamit, xecha'.

1 Pedro 4:17

Xa kan juba' chik ok q'ij richin ri Dios nuq'et-tzij pa ruwi' ri ruwach'ulew. Nabey nuq'et-tzij pa qawi' roj ri oj ralk'ual chik rija'. Y wi nabey nuq'et-tzij pa qawi' roj, ¿achike chik k'a ruwech chi tijoj-poqonal ri xtiqaqa pa kiwi' ri man xkinimaj ta ri nubij ri utzilej ch'abel richin kolotajik?

Am 4:13

Ja yin ri xibanon ri juyu'. Yin ri yiya'on-pe ri kaq'iq'. Chuqa' ja yin ri yiq'alajirisan ri nuch'obonik chiwe rix. Ja yin ri yijalo ri paq'ij rik'in ri chaq'a'. Chuqa' ja yin ri yiq'ax pa kiwi' ri nimalej taq juyu'. Y ri nubi' ja ri Jehová ri Dios ri k'o ronojel uchuq'a' wik'in, xcha'.

Wuj Richin ri Jeremías 20:7

Chirij ri' xinbij chire ri Jehová: Rat xinaq'ol y kan janila xiq'olotej. Rat kan más k'a awuchuq'a' chinuwech yin y kan xinach'ek. Ronojel q'ij ri winaqi' ri ye'ak'axan wichin xaxe tze'en nikiben chuwij,

Wuj Richin ri Isaías 17:14

Toq niqaq'ij-qa xa kan kikiy. Jak'a toq niseqer-pe xa e maneq chik ri e etzelanel qichin; xa nikitaluj-el-ki'. Keri' k'a xtiban chike ri k'o nikelesaj-el chiqe; jare' k'a ri xtikik'uluwachij ri yetz'ilo qichin, xkecha'.

Wuj Richin ri Isaías 13:22

Ri utiwa' xkewuyin chupan ri jay richin tobel, y xkek'ase' chupan ri rachoch kan ri rey. Kan napon yan k'a ri q'ij richin nibek'is ri tinamit Babilonia; kan man k'iy ta chik k'a q'ij xtik'oje' kan, nicha' ri Jehová.

Wuj Richin ri Rutikeribel 19:24

k'ari' ri Jehová xuya-pe ri q'aq' rik'in chuwilej-abej y kan achi'el k'a job ri xuben pa kiwi' ri Sodoma y ri Gomorra.

Wuj Richin ri Jeremías 50:27

Ke'ikamisaj k'a konojel aj-labal, achi'el niban kik'in ri taq wákix toq yekamisex. Toq'ex k'a kiwech rije' roma xapon ri kiq'ij, richin niya'ox ri rutojbalil pa kiwi'.

Wuj Richin ri Isaías 16:10

Kan xk'is k'a ri kikoten chupan ri juyu' richin tiko'n. Chupan ri ulew richin tiko'n kan man jun chik nibixan. Kan man jun chik nipitz'on uva richin k'o ta vino, y ri raqoj-chi'ij richin ri nisamej chiri' kan xk'is.

Ez 30:3

Noqaqa yan k'a ri q'ij wichin yin, ri Jehová. Y ri q'ij ri' kan muqul. Kan ruk'amon-pe xibinri'il chike ri winaqi' richin ch'aqa' chik ruwach'ulew.

Joel 1:15

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.