Ez 7:5 - Kaqchiquel Bible

⁵ Yin Jehová ri ink'o pa ruwi' ronojel, kan xtinya-pe jun nimalej wululen chiwij y chirij chik ri' xtipe chik jun.

Ez 7:5 ပူးပေါင်းရင်းမြစ်များ

Wuj Richin ri Nahum 1:9

¿Achike k'a nich'ob chirij ri Jehová? Rija' kan xtuya-wi-pe ri wululen y xtuben chi xtik'is ronojel. Man nik'atzin ta richin nukamuluj chik.

Ez 5:9

Roma ri itzel taq wachibel ri xiya' kiq'ij, roma ri' xtinbenbana' k'a chiwe ri man jun bey nubanon y man jun bey chik xtinbenbana'.

San Mateo 24:21

Kan jari' toq xtik'o ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew, k'a re wakami chupan re qaq'ijul roj. Y chuqa' man jun bey chik xtik'uluwachitej.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Dn 9:12

Rat kan xataqej k'a ronojel ri abin-pe pa qawi' roj y pa kiwi' ri aj-raqen y pa kiwi' ri e q'atoy taq tzij, roma kan xaya' pa qawi' ri jun nimalej ruk'ayewal. Kan man jun bey k'a banatajineq rik'in jun chik ruwach'ulew ri achi'el ri xuk'uluwachij ri tinamit Jerusalem.

Deut 32:35

Juba-apo ri e etzelanel qichin xtikik'ul ri rutojbalil ri ruk'amon. Chaq k'ate' rije' xkejilijo' y xketzaq. Y kan chi'anin k'a xkek'is jumul.

Ez 7:2

Rat Ezequiel, taya' k'a re jun rutzijol re' chike ri awinaq: Ri ruk'isibel q'ij naqaj chik k'o-wi.

Ez 7:12

Xoqaqa k'a ri q'ij y xoqaqa k'a ri ramaj toq ri k'ayinel man nikikot ta rik'in ri ruk'ayij y ri loq'onel man nibison ta richin nuya' kan ruméro, roma ninbenya' yan ri rutojbalil pa kiwi' konojel.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

Wuj Richin Etamabel-Tzij 13:21

Ri winaqi' e aj-maki' kan maneq k'a juba' uxlanen ri nikil pa ruq'a' ri etzelal; jak'a ri winaqi' ri kan choj ri kik'aslen, kan k'o k'a utz ri nikil pa kik'aslen.

Wuj Richin Etamabel-Tzij 24:16

Ri wineq ri kan choj, stape' nitzaq wuqu mul rik'in ri ruk'aslen, kan chi'anin niyakatej chik el; y man keri' ta ri wineq itzel, roma toq rija' nitzaq, q'asen nik'oje' kan chiri'.

Wuj Richin ri Isaías 21:12

Y yin xinbij chi niseqer yan pe, jak'a ri aq'a' xa peteneq chik chirij ri'. Y wi nrajo' nuk'utuj chik chuwe, tuk'utuj jun bey chik chuwe ri chua'q.

Wuj Richin ri Jeremías 19:3

Yin Jehová k'iytisanel richin ronojel ri yibin y roma ri' rix rey richin ri tinamit Judá y ri winaqi' richin ri tinamit Jerusalem, tiwak'axaj k'a ri rutzijol ri xtinya' chiwe. Xtinbentaqa' k'a pe jun nima-ruk'ayewal pan iwi', konojel ri xke'ak'axan re rutzijol re' kan xtisach k'a kik'u'x.

Joel 1:15

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.