Ez 7:27 - Kaqchiquel Bible

²⁷ Ri rey kan xtukusaj k'a tzieq richin bis y ri e tata'al kan xkebison janila. Y rix kan janila xkixbaybot. Kan achi'el rubanik ri imak kan keri' ri rutojbalil ri xtinya' pan iwi'; richin keri' xtiwetamaj chi ja yin Jehová, xcha'.

Ez 7:27 ပူးပေါင်းရင်းမြစ်များ

Ez 18:30

Roma ri' yin kan ninq'et-tzij pan iwi' chi'ijujunal rix ri aj-Israel achi'el ri rubanik ri ibanobal. Yin Jehová ri ink'o pa ruwi' ronojel ninjikiba' nutzij. Titzolej k'a pe ik'u'x y tiya' k'a kan ri rubanik ri itzel taq banobel, richin keri' man xtiqaqa ta rutojbalil ri imak pan iwi'.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Joel 3:17

Y xtiwetamaj chi ja yin Jehová ri i-Dios y yin xkik'oje' chiri' pa juyu' Sión. Y ri tinamit Jerusalem kan ch'aron wichin yin. Y man jun bey chik xtich'akatej koma ch'aqa' chik winaqi' ri man e aj chiri' ta.

Ez 26:16

Jari' toq konojel k'a ri e rey pa kiwi' ri ch'aqa' chik tinamit ri', kan xkeyakatej k'a el pa kitz'uyubal, y xtikelesaj k'a el ri jebelej taq tzieq y rik'in k'a janila xibinri'il xkebetz'uye' pan ulew. Y jantape' k'a k'o xibinri'il kik'in y roma ri' xkebaybot y xtikimey ri xbanatej.

Ez 21:25

Chuqa' tabij chire ri rey richin Judá chi rija' jun banoy etzelal y kan man nuya' ta nuq'ij y chi kan ninaqajub yan k'a ri ramaj richin xtuk'ul ri rutojbalil rumak.

Wuj Richin ri Isaías 3:11

Jak'a toq'ex kiwech ri winaqi' ri maneq Dios chikiwech, roma ronojel man utz ta xtel chikiwech; roma achi'el ri kibanobal, keri' ri rutojbalil ri xtikik'ul.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

1 Rey 20:28

Xpe k'a jun achin richin ri Dios rik'in ri Acab rey richin Israel y xubij chire: Kere' nubij ri Jehová: Roma ri aj-Siria nikibij chi yin xa in Jehová Dios richin ri juyu', y man in Dios ta richin ri taq'aj ri ek'o kojol taq juyu', roma ri' yin xkenjech re janila chi winaqi' re' pan aq'a', y rat xtawetamaj chi ja yin Jehová, nicha' ri Dios, xcha'.

Wuj Richin ri Achin Job 8:22

Roma ri' ri xke'etzelan awichin kan janila xkek'ixbitej; y ri kixjayilal y ri kalk'ual ri itzel taq achi'a' xa xkek'is.

Wuj Richin Bix Chire ri Dios 35:26

Xa kan ke'ak'ixbisaj y tasacha' kik'u'x konojel ri yekikot chuwij roma ink'o pa q'axo'n. Taqasaj kiq'ij ri xkinimirisaj-ki' chinuwech yin.

Wuj Richin Bix Chire ri Dios 109:18

Achi'el ri winaqi' jantape' kikusan kitziaq, keri' nuben rija' jantape' nroyoj etzelal pa kiwi' ri winaqi'. Kan ta k'a xtubeq' ri etzelal achi'el nuqum ruya'. kan ta k'a ri etzelal ri' xtapon chupan ri rubaqil, achi'el ri aceite.

Wuj Richin Bix Chire ri Dios 109:19

Ri mak jari' ta ri xtikuchu rij achi'el xa ta rutziaq. Chuqa' jari' ta ri xtijitz'on richin, achi'el xa ta ri ximibel rupan.

Wuj Richin Bix Chire ri Dios 109:29

Ri e etzelanel wichin kan ta k'a xtikiya' kik'ix. Kan ta k'a xtiqaqa ri sachibel-k'u'x chikij achi'el xa ta jun tzieq.

Ez 8:1

Xk'uluwachitej k'a chi chupan ri ro' q'ij chire ri ruwaq ik' richin ri ruwaq juna' toq oj eleneq-pe pa qaruwach'ulew. Yin Ezequiel in tz'uyul k'a pa wachoch y ri achi'a' ri k'o kiq'ij richin ri Judá e tz'uyul-apo chinuwech. Jari' toq ri ruchuq'a' ri Jehová xoqaqa pa nuwi'.

Ez 7:3

Kan xtinwelesaj k'a woyowal chiwij y kan xtinch'ojij k'a chiwe ronojel ri itzel taq ibanobal, roma kan man niqa' ta chinuwech yin.

Ez 14:23

Toq xtatz'et ri itzel kibanobal y ri itzel taq bey ri xkik'uaj, jari' toq xtikuqer ak'u'x roma xtiq'ax k'a chawech achike roma keri' xinben kik'in y man chaq k'ate' ta keri' xinben, xcha'.