Ez 7:26 - Kaqchiquel Bible

²⁶ Ri wululen kan xtipe y chirij ri' kan xtipe chik jun. Xtipe ruk'ayewal y chirij chik ri' xtipe chik jun. Rix xtikanoj jun q'alajirisey nuch'abel, jak'a man jun xtiwil. Chuqa' man xkek'oje' ta chik sacerdote richin yixkitijoj, ni man xkek'oje' ta chik achi'a' ri k'o kiq'ij richin yixkipixabaj.

Ez 7:26 ပူးပေါင်းရင်းမြစ်များ

Wuj Richin ri Jeremías 4:20

Beneq k'a ruwech k'o rutzijol richin chi peteneq wululen chirij chijun re qaruwach'ulew. Chaq k'ate' xtiyoj kan ri akuchi ojk'o-wi-qa. Chuqa' chaq k'ate' xkewulex k'a ri taq qachoch ri e banon rik'in tzieq.

Wuj Richin ri Miqueas 3:6

Rix ri man ix qitzij ta q'alajirisey ruch'abel ri Dios, ri q'ij richin ri isamaj xa nik'is yan, ri q'ij xa xtik'is yan pan iwi' y nipe yan ri q'equ'm. Roma rix xa itz'ukun tzij chuwech ri nutinamit, man jun chik xtik'utumej chiwech. y man xtiwetamaj ta chik achike xtik'uluwachitej.

Ez 14:1

Y k'o k'a jun q'ij xepe wik'in jujun achi'a' ri k'o kiq'ij chikikojol ri nuwinaq, rije' xepe richin nikik'ulubej ri Jehová y xetz'uye-qa chinunaqaj.

Wuj Richin Bix Chire ri Dios 74:9

Kan man jun chik xk'oje' kan chire ri xek'atzin chupan ri awachoch. Kan xek'is k'a ri e q'alajirisey ach'abel. Ni ta re chiqakojol roj kan man jun k'a etamayon k'a janipe' nibetane' ronojel re'.

Wuj Richin ri Jeremías 37:17

K'ari' ri rey Sedequías xubij chi kinuk'uex-el pan ewel pa rachoch rija'. Y toq xinapon rik'in, xuk'utuj chuwe: ¿K'o kami jun rutzijol ri xuteq-pe ri Jehová? Y yin xinbij chire chi k'o. Y xinbij chire chi rija' xtiqaqa pa ruq'a' ri rey richin Babilonia.

Wuj Richin ri Jeremías 21:2

Tabana' utzil kach'on rik'in ri Jehová pa qabi' roj, roma ri Nabucodonosor rey richin ri tinamit Babilonia xuchop yan richin nuben labal qik'in. Rik'in juba' ri Jehová nuben qik'in roj achi'el ri meyel taq banobel ri xuben ri ojer kan, richin chi yetzolin-el ri e etzelanel qichin, xecha'.

Wuj Richin ri Jeremías 18:18

Chirij ri' ri winaqi' xkibij: Qach'obo' k'a rij achike niqaben chire ri Jeremías, roma jantape' ek'o ri e sacerdote ri yech'on chirij ri pixa', ri achi'a' aj-na'oj ri nikiya' pixabanik chiqe y ri ch'aqa' chik e q'alajirisey ruch'abel ri Dios ri nikiya' rutzijol chiqe. Qojch'on k'a itzel chirij y man qojniman chire, xecha-qa.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Ez 8:1

Xk'uluwachitej k'a chi chupan ri ro' q'ij chire ri ruwaq ik' richin ri ruwaq juna' toq oj eleneq-pe pa qaruwach'ulew. Yin Ezequiel in tz'uyul k'a pa wachoch y ri achi'a' ri k'o kiq'ij richin ri Judá e tz'uyul-apo chinuwech. Jari' toq ri ruchuq'a' ri Jehová xoqaqa pa nuwi'.

Wuj Richin ri K'uxla'anik 2:9

Ri che' richin ri okibel xetzaq y xemuqutej yan; y ri ch'ich' ri e q'ebalon chirij xa xetalutej. Ri rey y ri e tata'al ek'o nej chupan ri ximonri'il, chikikojol ri winaqi' ri maneq Dios chikiwech. Ri pixa' ri xya'ox chiqe xa maneq chik, y ri e q'alajirisey ruch'abel ri Dios kan man jun chik ri xk'ut chikiwech.

Wuj Richin ri Isaías 47:11

Jak'a xtipe ruk'ayewal pan iwi' y kan man jun xtiq'aton richin, roma kan man xkixtikir ta chik xtiben jun meyel banobel richin yixrukol rix. Jun ruk'ayewal xtipe pan iwi', y rix kan man xkixtikir ta xtitoj jun aj-itz richin yixrukol. Chaq k'ate' xtoqaqa pan iwi' ri man iwoyoben ta.

Deut 32:23

Ri ruk'ayewal k'a ri xtinya' pan iwi' kan kejqalon-pe-ki' kan achi'el ch'ab xkenk'aqala-pe chiwij, ch'ab ri xa man jun bey yek'is.

Wuj Richin ri Chojmirisabelri'il 26:28

yin chuqa' xtinpaba-wi' chiwech y rik'in k'a woyowal xtinya' chik wuqu' mul rutojbalil pan iwi' roma ri mak ri ye'iben.

Wuj Richin ri Chojmirisabelri'il 26:24

kan xkiyakatej chiwij y kan xtinya' chik wuqu' mul rutojbalil pan iwi' roma ri imak ri ye'iben.

Wuj Richin ri Chojmirisabelri'il 26:21

Y wi rix chaq nipaba-iwi' chinuwech y wi chaq man ninimaj ta nutzij, xtinya' chik wuqu' mul rutojbalil pan iwi'.

Wuj Richin ri Chojmirisabelri'il 26:18

Wi chire ronojel re', man ninimaj ta nutzij kan xtinya' k'a wuqu' mul ri rutojbalil pan iwi' roma ri imak.

1 Sam 3:1

Ri ti ala' Samuel nuben ri rusamaj ri Jehová chuxe' rutzij ri sacerdote Elí. Y chupan ri q'ij ri' man beneq ta ruwech k'o jun wineq ri k'o niq'alajirisex chuwech roma ri Jehová, y man nuk'ut ta ri' chikiwech pa kachik'.

Ez 11:2

Y ri Jehová xubij k'a chuwe: Rat Ezequiel, ninbij k'a chawe chi ja achi'a' re' ri e banoy etzelal y nikiya' k'a itzel taq na'oj chike ri awinaq.

Ez 12:22

Rat Ezequiel, chikikojol ri e awinaq israelita, k'o jun k'ambel-tzij ri nubij: Niq'ax k'a ri q'ij y ri nik'utumej chuwech ri q'alajirisey ruch'abel ri Dios xa man nibanatej ta, yecha'.

Ez 21:7

Y wi ta xtikik'utuj chawe chi achike roma yatoq', rat xtabij chike chi roma k'o jun ri xtibebanatej. Y toq xtoqaqa xtuben k'a chire chijun ri ruwach'ulew chi ri winaqi' xtikimalij kik'u'x y xtik'is k'a kuchuq'a' y konojel xkebaybot roma xibinri'il. Kan xtapon yan k'a ri ramaj richin xtibebanatej re', xcha'.

Ez 22:26

Ri sacerdote xa xkiq'ej ruwi' ri nupixa' y man xkiya' ta rejqalen ronojel ri kan e ch'aron richin pa nusamaj yin. Man xkiya' ta rukojolil ri utz y ri man utz ta. Chuqa' yekitijoj chi maneq rukojolil ri ch'ajch'oj rik'in ri man ch'ajch'oj ta. Y pa ruwi' ronojel re' man nikiya' ta rejqalen ri q'ij richin uxlanen. Y roma re' kan nuq'alajirisaj chi rije' man nikiya' ta wejqalen.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

Wuj Richin ri Malaquías 2:9

Y roma rix man xitzeqelibej ta ri nubey achi'el nubij ri nupixa' y chuqa' man junan ta xiben kik'in ri winaqi', roma ri' yin xinben chiwe richin yixetzelex y kan man jun iwejqalen chikiwech ri tinamit, xcha' ri Dios.