Ez 7:24 - Kaqchiquel Bible

²⁴ Yin xkenk'en k'a pe itzel taq winaqi' ri e richin ch'aqa' chik ruwach'ulew richin xke'ok'oje' chupan ri iwachoch. Chuqa' ri jay ri akuchi niya-wi kiq'ij ch'aqa' chik dios, re' xke'ok man ch'ajch'oj ta. Y kere' kan xtinqasaj k'a kiq'ij ri e nima'q taq iwinaq.

Ez 7:24 ပူးပေါင်းရင်းမြစ်များ

Ez 28:7

jak'a ri Dios xtuben chi xkeyakatej-pe chawij ri man e awinaq ta, winaqi' ri kan k'o janila ketzelal. Xtikelesaj k'a ki-espada chawij richin xkatkich'ek. Y keri' ronojel ri k'o awik'in y ri ana'oj, kan xtikelesaj chawe.

Ez 33:28

Kan xtinben k'a chire ri iruwach'ulew richin xtok jun tz'iran y xtinwelesaj ri iwuchuq'a' ri achoq ik'in inimirisan-iwi'. Ronojel ri juyu' xke'ok tz'iran, richin man jun chik wineq xtiq'ax chiri'.

Ez 21:31

Kan xtinwelesaj k'a woyowal chiwij. Rik'in ri ruq'aq'arinen ri woyowal kan xtitzijtej q'aq' chiwij y xkixinjech k'a pa kiq'a' ri e itzel taq winaqi' ri xkewulan ronojel.

Wuj Richin Bix Chire ri Dios 106:41

Xerujech k'a pa kiq'a' winaqi' ri man nikitzeqelibej ta rija'. Y keri' k'a ri e etzelanel kichin xek'oje' pa kiwi'.

Ez 24:21

Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Ez 21:2

Rat Ezequiel, katzu'un kela' pa Jerusalem y kach'on chikij ri akuchi nikiya' kiq'ij ri ki-dios y chirij chijun ruwach'ulew.

Wuj Richin ri K'uxla'anik 5:2

Ri ulew ri qichinan kan, wakami xa xok kan kichin ch'aqa' chik winaqi'. Ri qachoch, xa winaqi' aj juk'an chik ri xek'oje' kan chupan.

Wuj Richin ri Jeremías 12:12

Xkepe k'a ri itzel taq achi'a' pa ruwi' chijun ri juyu' richin ri tz'iran ruwach'ulew ri', roma rije' e achi'el jun nu-espada ri xtik'ison ri jun ruchi' k'a ri jun chik ruchi' ri ruwach'ulew y kan man jun chik nuwinaq ri xtikolotej kan.

Wuj Richin ri Jeremías 6:12

Y ri kachoch, ri kulew y ri kixjayilal xke'ok ta kichin ch'aqa' chik winaqi', roma yin kan xtintzeqej nuq'a' pa kiwi' konojel ri aj-Judá richin ninya' rutojbalil-mak pa kiwi'. Yin Jehová ri yibin.

Wuj Richin ri Jeremías 4:7

Ri nik'ison kichin ri tzobaj winaqi' ruchapon chik pe bey, achi'el jun koj ri xel yan pe pa rusok. Y rija' noruk'isa' ri iruwach'ulew richin chi nuben kan tz'iran chire y richin nuwulaj kan ronojel.

Wuj Richin ri Isaías 5:14

Roma ri' ri jul richin muqbel kaminaqi' kan royoben k'a richin xkerubeq' ri janila chi winaqi'. Chuqa' e kachibilan ri e aj-raqen, ri janila chi winaqi', ri xaxe oyowal nikiben, y ri xaxe nimaq'ij richin yeq'aber ri nikiben.

Wuj Richin Bix Chire ri Dios 83:12

ri xkibij chi nikichop kan ri ruwach'ulew ri kan awichin rat.

Wuj Richin ri Rutikeribel 47:26

Y ronojel re' kan xtz'ibatej kan pan Egipto, chi k'o chi niya'ox ri jun chire ri ro' chire ronojel ri tiko'n chire ri rey. Kan keri' ri pixa' ri xk'oje' kan pa kiwi' konojel ri winaqi'. Xaxe ri sacerdote ri man nikiya' ta, roma ri kulew rije' man xkik'ayij ta chire ri rey.

Wuj Richin Bix Chire ri Dios 74:7

Kan xkiya' k'a ruq'aq'al ri awachoch; xkiqasaj ruq'ij ri awachoch ri akuchi ninimirisex-wi ri abi', y xkiben chire chi man jun rejqalen.

Wuj Richin ri Jeremías 17:4

K'o chi xtiya' kan ri ruwach'ulew ri xinsipaj chiwe richin xiwichinaj kan. Y kan xtinben chiwe richin kan xkixok iliy kichin ri e etzelanel iwichin, chupan jun ruwach'ulew ri kan man jun bey itz'eton, roma yakatajineq woyowal achi'el jun q'aq' y re' kan xkixruk'is.

Wuj Richin ri Sofonías 1:13

Roma ri' xa xtuk'uex k'a el ronojel ri kibeyomel, y ri kachoch kan xtitole' kan. Rije' xkekipabala-q'anej jay, jak'a xa man xkek'oje' ta chik chupan. Xkekitik-qa ki-uva, jak'a xa man xtikiqum ta chik ri vino, xcha' ri Dios.