Ez 7:23 - Kaqchiquel Bible

²³ Ke'inaba' k'a cadena richin yixxime', roma chupan ronojel ri ruwach'ulew y ri pa tinamit janila kamik ri yebanatej.

Ez 7:23 ပူးပေါင်းရင်းမြစ်များ

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Wuj Richin ri Jeremías 27:2

Y xubij chuwe: Tabana' jun yugo y taxima' chi'aqul rik'in jun kolo'. K'ari' tataqa-el re rutzijol re' chire ri rey richin Edom, ri rey richin Moab, ri rey richin Amón, ri rey richin Tiro y chire ri rey richin Sidón, re rutzijol re' xtateq-el chikij ri e ya'ol rutzijol ri e peteneq pa Jerusalem, richin nokitz'eta' kan ri k'ak'a' rey rubini'an Sedequías.

Os 4:2

Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Ez 11:6

Rix kan janila k'a kamik ibanalon chupan re tinamit re' y kan e inojisan ri bey kik'in kaminaqi'.

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

Wuj Richin ri Nahum 3:10

Man rik'in ri' ri Tebas xa xuk'uex-el pa ximonri'il. Chuqa' ri taq ak'uala' xek'aq tzan taq abej pa taq krusin-bey. Ri achi'a' ri k'o kiq'ij xban sakinik pa kiwi' richin achike ri yekik'uaj-el, y ri k'o kuchuq'a' xe'uk'uex-el y xexim-el rik'in q'eqapueq.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Ez 22:27

Y ri e aj-raqen xa e achi'el utiwa' ri kan yekiwech' ri yekichop. Yekikamisaj k'a ri winaqi' richin chi ja rije' ri yebeyomer-q'anej.

Ez 22:13

Yin kan xtintzeqej k'a ri nuq'a' chiwij roma ronojel ri ich'akon y xa man qitzij ta y roma chuqa' ri kamisanik ri ibanalon.

Ez 22:9

Chuqa' nitz'uk-tzij richin yeken ch'aqa' chik winaqi' ri xa man jun kimak. Yixbe k'a pa taq nima-wa'in richin niya' kiq'ij ri wachibel pa ruwi' taq juyu', y chiri' xaxe jalajoj kiwech itzel taq banobel ri ye'iben.

Ez 8:17

K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

Wuj Richin ri K'uxla'anik 3:7

Xiruya' pa latz' y kan man yitikir ta yinel-el chupan. Ri ruk'ayewal kan janila ralal rubanon chuwij, achi'el xa ta ximil rik'in k'iy cadena.

Wuj Richin ri Jeremías 40:1

Toq xch'akatej yan ri Jerusalem, yin kan in ximon k'a rik'in cadena chikikojol ri nuwinaq aj-Judá richin yojuk'uex yan el pa Babilonia. Y chiri' pa tinamit Ramá xapon ri Nebuzaradán aj-raqen pa kiwi' ri aj-labal. Jari' toq xiril y xirukol kan. Y jari' toq ri Jehová xch'on wik'in.

Wuj Richin ri Jeremías 22:17

Jak'a rat xaxe nawajo' richin nik'oje' ta más améro ri man ach'akon ta pa ruchojmilal. Kan xe'akamisaj ri winaqi' ri xa maneq kimak y kan janila xe'aya' pa tijoj-poqonal.

Wuj Richin ri Jeremías 7:6

Man ke'iya' pa tijoj-poqonal ri man e iwinaq ta, ni ri meba'i', ni ri malkani'. Man ke'ikamisaj winaqi' ri xa maneq kimak. Man ke'iya' kiq'ij ch'aqa' chik dios, ri xa nuk'en-pe ruk'ayewal pan iwi'.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Wuj Richin ri Isaías 59:7

Kan anineq yixbe chubanik etzelal. Kan anineq yixbe chi relesaxik ri ruk'aslen ri xa man jun rumak. Ri ich'obonik xaxe richin ye'iben ri etzelal, y ri akuchi ri yixq'ax-wi, kan ronojel niyoj y niwulaj kan.

Wuj Richin ri Isaías 59:3

Rix xa xitz'ilobisaj ri iq'a' rik'in kik' kichin winaqi' ri xa man jun kimak. Chuqa' kan itz'ilobisan ri ruwi' taq iq'a' rik'in ri itzel taq ibanobal. Rik'in ri ichi' ye'iben tz'ukun taq tzij, y rik'in ri iwaq' ye'ibij itzel taq ch'abel.

Wuj Richin ri Isaías 1:15

Toq rix nitzeqej ri iq'a' chikaj richin yixch'on wik'in, yin kan ninwelesaj ri nutzubal pan iwi'. Stape' janila chi ch'owen niben, yin kan man xkixinwak'axaj ta, roma ri iq'a' kan tz'ilobitajineq rik'in kik'.

2 Rey 24:4

Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.

Wuj Richin ri Jeremías 6:7

Chiri' kan nibulbu'x ri etzelal achi'el ri ya' toq nibebulbu'x-pe chupan jun alaxibel-ya'. Ri chiri' xa kan xaxe chik kamik ri nibanatej y ri e sokotajineq kan chiri' e punupuxineq-wi. Chuqa' man jun bey yeban ri ruchojmilal, xa kan xaxe chik eleq' ri yeban.

Ez 18:12

xa kan nuben chike richin nikitej poqon ri man jun k'o kik'in. Xa kan neleq' y toq nuya' méro pa qajik man nutzolij ta chik el ri retal ri xya'ox kan chire roma ri qajonel. Kan nukuquba' ruk'u'x rik'in ri wachibel y yeruben banobel ri kan man utz ta nintz'et.

Ez 45:9

Yin Jehová ninbij: Rix ri ix q'atoy taq tzij richin ri Israel, man chik ke'iben ch'a'oj ni man chik tiben chike richin nikitej poqon ri nuwinaq. Xa kan tibana' ronojel pa ruchojmilal y rik'in ruch'ajch'ojil. Man chik timej kulew ri nutinamit.

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.

Ez 12:19

Y tabij chike ri awinaq wawe' pa Babilonia chi kere' ninbij yin Jehová pa kiwi' ri aj-Jerusalem y ri aj-Judá. Toq rije' nibekitija' ri kiway, xtikiben rik'in janila xibinri'il y kan yek'ark'ot k'a. Y toq xkebe'uk'ya' kan xtikina' janila bis. Ri ruwach'ulew kan xtibewulatej y xtibetole' kan, roma ri itzel taq kibanobal ri winaqi' ri'.