Ez 7:19 - Kaqchiquel Bible

¹⁹ Ri isaqipuaq y ri iq'anapuaq xkek'aq-el pa taq bey, achi'el niban rik'in ri q'ayis, roma jari' xbanon chiwe richin xixtzaq chupan ri itzel taq banobel. Ronojel ri' xa man jun rejqalen xtuben, ri beyomel ri' man xtitikir ta xkixrukol chuwech ri woyowal, ni man xtitikir ta xtunojisaj ri ipan.

Ez 7:19 ပူးပေါင်းရင်းမြစ်များ

2 Rey 7:15

Xebe k'a ri achi'a' ri', y xkitzeqelibej-el ri bey ri akuchi xeq'ax-wi ri aj-Siria, k'a xe'apon na chuchi' ri raqen-ya' Jordán. Y xkitz'et k'a chi chijun ri bey ri' nojineq chi tzieq y ch'aqa' chik ri xekitzaqala' kan pa bey, roma ri aj-Siria kan anineq xebe richin xe'animej. K'ari' ri achi'a' ri e taqon-el roma ri rey xetzolin-pe y xbekiya' rutzijol chire ri rey.

Wuj Richin Etamabel-Tzij 10:2

Ri beyomel ri xa man choj ta ruch'akik, man kan ta k'iy utzil nuk'en-pe, jak'a ri chojilej k'aslen, nikolon chuwech ri kamik.

Wuj Richin Etamabel-Tzij 11:4

Toq ri Dios xtuq'et-tzij, ri beyomel xa man xtukol ta ri wineq, jak'a ri chojmilej k'aslen kan nukol ri wineq chuwech ri kamik.

Wuj Richin ri Molojri'il 5:10

Ri kan beneq ránima rik'in ri méro jantape' nrajo' más, ri najowan richin ri beyomel xa man jun nuk'en-pe chire. Chuqa' ronojel re' xa kan q'axel chuwech re ruwach'ulew.

Wuj Richin ri Isaías 2:20

Chupan k'a ri q'ij ri', ri winaqi' xtikik'uaj-el ri wachibel ri e kibanalon rik'in q'anapueq y saqipueq, ri e kibanalon richin xekiya' kiq'ij, y xtikik'aqala-el k'a akuchi ek'o-wi ri ch'oy y ri sotz'.

Wuj Richin ri Isaías 30:22

Kan xke'iwetzelaj k'a konojel wachibel ri e banon rik'in saqipueq y q'anapueq. Ronojel re' kan xke'ik'eq kan achi'el jun tz'il laj tzieq ri man ch'ajch'oj ta.

Wuj Richin ri Isaías 55:2

¿Achike roma nisech ri iméro chuwech ri xa man tijel ta? ¿Achike roma nisech ri rajel ri isamaj chuwech ri xa man jun nuk'en-pe chiwe? Wi rix kan xtinimaj nutzij, kan k'iy k'a ri xtitej ri janila jebel.

Wuj Richin ri K'uxla'anik 4:1

Ri q'anapueq xa kan janila k'a xq'eqer. Ri jebelej q'anapueq xa man nitz'intz'ot ta chik. Ri jebelej taq abej richin ri rachoch ri Dios xa kan e talutajineq k'a kan pa taq krusin-bey.

Ez 13:5

Rije' kan man jun rutzijol kiya'on chike ri awinaq, ni man jun kibanon richin yekito', richin chi yetikir nikito-ki' chuwech ri ruk'ayewal toq yin xtinya-pe pa kiwi'.

Ez 14:7

Wi k'o ta jun awinaq o jun chik wineq ri man awinaq ta ri k'o chiri' pan Israel, y xa kan rujech'en kan ri' wik'in, richin nujech-ri' richin nuya' ruq'ij ri wachibel y k'ari' rija' nipe awik'in richin yiruk'ulubej yin; re' kan ja yin k'a ri xkich'on-el rik'in.

Ez 30:3

Noqaqa yan k'a ri q'ij wichin yin, ri Jehová. Y ri q'ij ri' kan muqul. Kan ruk'amon-pe xibinri'il chike ri winaqi' richin ch'aqa' chik ruwach'ulew.

Ez 44:12

Keri' xtikiben roma rije' xa xek'oje' chiri' richin xekisamajij ri ch'aqa' chik israelita richin xekiya' kiq'ij ri wachibel y keri' xkiben chike richin xemakun, roma ri' k'o chi xtikejqalej ri kimak.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

Wuj Richin ri Sofonías 1:3

Xkenk'is k'a el konojel winaqi' y ri jalajoj kiwech chikopi' ri e richin pa k'echelaj; xkenmes-el ri aj-xik' taq chikopi' y konojel ri ek'o chupan ri palou. Kan xkenmes k'a el chuwech ri ruwach'ulew konojel winaqi' ri e banoy etzelal. Yin Jehová ri yibin.

San Mateo 16:26

¿Roma achike ta k'a nuk'en-pe chire ri wineq, wi nik'oje' ta ri beyomel richin ronojel re ruwach'ulew rik'in y toq xa man kolotajineq ta? Roma ri wineq ri' man xtitikir ta xtuloq' chik ri ruk'aslen.

Romanos 11:9

Y ri David rubin kan chuqa':*f43* Ri kinimaq'ij rije' richin yewa-ye'uk'ya', kan ta k'a xtik'atzin richin pajk'ibel chike, y richin nikitoj ri kimak.