Ez 7:16 - Kaqchiquel Bible

¹⁶ Y ri winaqi' ri ek'o kan chupan ri tinamit, xa xke'animej-el pa taq juyu'. Y toq ye'oq' roma ri kimak, xa xkeq'ajan achi'el nikiben ri taq paloma.

Ez 7:16 ပူးပေါင်းရင်းမြစ်များ

Wuj Richin ri Isaías 59:11

Rix kan yixjilon achi'el nikiben ri oso, chuqa' yixoq' achi'el nikiben ri taq paloma. Kan iwoyoben ri ruchojmilal, y xa maneq. Chuqa' kan iwoyoben ri kolotajik, y xa k'a nej k'o-wi, xcha'.

Wuj Richin ri Isaías 38:14

Xinben achi'el yech'ipch'ot ri taq tz'unun, xijilon achi'el yejilon ri taq paloma. Ri runaq' taq nuwech kan janila xekos rokik xaxe xitzu'un-el chila' chikaj. Yin kan xink'utuj utzil chawe rat Jehová chi xinato' ta, roma xik'oje' pa q'axo'n.

Wuj Richin ri Esdras 9:15

Jehová, ri qa-Dios, rat kan janila at choj qik'in, roma xojaya' kan jun q'ataj. Y roj kan qitzij na wi k'o qamak chawech rat, y roma ri' kan man yojtikir ta yojk'oje' chawech, xicha'.

Wuj Richin ri Isaías 37:31

Y ri e rijatzul kan ri Judá kan k'a xkek'ase' na jujun chike rije'. Y rije' kan jebel chik xtijike' ri kixe', y xkewachin achi'el nuben jun che'.

Ez 36:31

K'ari' k'a xtoqaqa chi'ik'u'x ronojel ri xe'iben y kan itzel xtina-qa, roma ri itzel taq banobel ri xe'ibanala' y ri yalan xixetzelan.

Wuj Richin ri Jeremías 44:28

Pa ruwi' ri', rix ri xkixkolotej kan y xkixtzolin chupan ri qaruwach'ulew, xa ix juba' ok. Y keri' k'a chi'iwonojel rix ri k'a ixk'o na kan pa ruwach'ulew Judá, ri xkixok pa ruwach'ulew Egipto kan xtiwetamaj achoq ch'abel na k'a ri xtik'uluwachitej; wi kan ja ri nuch'abel yin Jehová, o ja ri ich'abel rix.

Wuj Richin ri Jeremías 44:14

Y ri juba' chike ri aj-Judá ri xebe pa ruwach'ulew Egipto richin yebek'oje' chiri', man jun k'a chiwe rix xtitikir xtanimej-el, ni man jun ri xtik'ase' ta kan richin nitzolin ta chik pan iruwach'ulew, stape' nrajo' nitzolin richin nibek'oje' chik chiri'. Ri xkebek'oje' chiri' xa kan xaxe chik k'a ok jujun ri xkekolotej chupan ri kamik, xcha' ri Dios.

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Wuj Richin ri Isaías 1:9

Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra.

Wuj Richin Bix Chire ri Dios 55:2

Tabana' utzil kinawak'axaj y tak'uluba-pe ri nuch'abel, roma yin rik'in ronojel wánima yich'on awik'in, chupan ri tijoj-poqonal.

Wuj Richin ri Jeremías 9:19

Roma pa tinamit Sión xak'axatej k'a jun raqoj-chi'ij ri nikibij: Ri qaruwach'ulew kan xk'oje' k'a kan pa wululen y pa k'ixbilal. Chuqa' kan xek'is k'a ri qachoch y roma ri' k'o chi xqojel-el.

Ez 14:22

Jak'a kan xaxe chik e ka'i-oxi' ri xtikolotej kan ri kik'aslen y rije' xkek'amer-pe junan awik'in. Rat Ezequiel, kan xtatz'et k'a ri itzel kibanobal rije' y k'ari' xtiq'ax chawech achike roma xpe ri k'ayewal ri' pa ruwi' ri tinamit Jerusalem.

Ez 34:6

Xkitaluj k'a el ki' pa taq ruwi' juyu' y xesach k'a el chupan chijun ri ruwach'ulew. Kan man xich'ob ta juba' kij richin xe'ikanoj.

Wuj Richin ri Nahum 2:7

Ri reina y ri raj-ik' ye'uk'uex-el pa ximonri'il, yebison achi'el ri taq paloma; ye'oq' y nikitinila' ruwa-kik'u'x.

Wuj Richin ri Sofonías 1:14

Kan naqaj chik k'o-wi ri q'ij richin royowal ri Jehová. Naqaj chik y kan xtibebanatej yan. Kan man tikirel ta nak'axex ri koq'ej ri winaqi'. Bis-bis ri kiraqoj-chi'ij ri aj-labal.

Wuj Richin ri Isaías 59:12

Ri winaqi' nikibij: Roj kan janila oj makuwineq chawech rat Jehová, roma ri' yojaya' pa k'ayew. Ri qamak kan jantape' k'o chiqawech roj, y kan niqaya' chiqij.

Wuj Richin ri Jeremías 3:21

K'o k'a jun raqoj-chi'ij ri xak'axatej ri pa taq ruwi' juyu'; y ri' ja ri kiraqoj-chi'ij ri israelita, ri ye'oq' y nikik'utuj to'onik, roma xa xkich'er kan ki' rik'in ri choj laj bey y xa xinkimestaj kan yin.