Ez 7:11 - Kaqchiquel Bible

¹¹ Ri kamik kan k'iy k'a ruk'ayewal ruk'amon-pe, achi'el jun che' ri nuya' k'iy ruwech y roma ri' kan jujik chi re wululen re' kan xtipe. Xa kan man jun k'a ri xtik'oje', ni ta ri beyomel, ni ta ri k'o rejqalen.

Ez 7:11 ပူးပေါင်းရင်းမြစ်များ

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

Ez 7:23

Ke'inaba' k'a cadena richin yixxime', roma chupan ronojel ri ruwach'ulew y ri pa tinamit janila kamik ri yebanatej.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Wuj Richin ri Miqueas 6:12

Rix beyoma' rik'in iwuchuq'a' nichop ri niwajo' rix. Rix xaxe tz'ukuj-tzij ri nibij, y kan xaxe k'a ri q'oloj ri niben.

Wuj Richin ri Miqueas 3:3

K'ari' niq'ej ri kibaqil, y niya' pa jun bojo'y. Y pa ruk'isibel, ye'itej.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Am 6:3

Rix man niwajo' ta nich'ob rij ri q'ij richin ruk'ayewal, jak'a xa peteneq q'ij richin ikamik.

Am 3:10

Rije' man ketaman ta yek'ase' choj. Kan xebeyomer-q'anej roma ye'eleq' y yekamisan.

Ez 7:16

Y ri winaqi' ri ek'o kan chupan ri tinamit, xa xke'animej-el pa taq juyu'. Y toq ye'oq' roma ri kimak, xa xkeq'ajan achi'el nikiben ri taq paloma.

Ez 7:2

Rat Ezequiel, taya' k'a re jun rutzijol re' chike ri awinaq: Ri ruk'isibel q'ij naqaj chik k'o-wi.

Ez 6:11

K'ari' ri Jehová xubij chuwe: Tapaq'apa' k'a ri aq'a' y tatinita' ri awaqen roma bis y kasik'in k'a roma q'axo'n, roma ri janila itzel taq kibanobal ri xekibanala' ri awinaq israelita. Xa kan xkeken pan oyowal, wayjal y yabil.

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Ez 5:4

Y chire ri rusumal-awi' ri ayakon kan, xtak'en-pe ka'i-oxi' y re' xtaya-qa pa q'aq'. Y chiri' xtel-wi-pe ri q'aq' ri xtik'aton richin ri tinamit Israel.

Wuj Richin ri Jeremías 25:33

Kan xtinben chi chupan ri q'ij ri', ri kaminaqi' xkek'oje' kan ri juk'an ruchi' ri ruwach'ulew k'a ri juk'an chik ruchi'. Y kan man jun k'a xtoq'en kichin, ni kan man jun k'a xtisik'on ri kich'akul richin yekimuq ta. Kan xkepunupuxin k'a kan chiri' pan ulew achi'el ri pamaj.

Wuj Richin ri Jeremías 22:18

Roma ri' kere' nubij ri Jehová pa ruwi' ri rey Joaquim, ruk'ajol ri Josías y kere' nubij: Man jun k'a xtoq'en ri akamik y man jun xtubij ta: ¡Wach'alal yin! ¡Wach'alal yin! Chuqa' kan man xtikibij ta ¡Xk'is ri aq'ij y ri ak'ojlen!

Wuj Richin ri Jeremías 6:7

Chiri' kan nibulbu'x ri etzelal achi'el ri ya' toq nibebulbu'x-pe chupan jun alaxibel-ya'. Ri chiri' xa kan xaxe chik kamik ri nibanatej y ri e sokotajineq kan chiri' e punupuxineq-wi. Chuqa' man jun bey yeban ri ruchojmilal, xa kan xaxe chik eleq' ri yeban.

Wuj Richin ri Isaías 14:29

Man kixkikot k'a rix aj-Filistea, stape' ri rey Acaz xa xken achi'el jun q'ajineq che'. Roma ri q'ajineq che' ri' xa xtok jun kumetz kamisanel, y ri chiwech-apo ri kumetz ri' kan xtok-el jun ruwech kumetz ri k'o ruxik'.

Wuj Richin ri Isaías 9:4

Ri ojer kan, rat xe'ato' ri qati't-qamama' pa kiq'a' ri aj-Madián. Y re wakami xqojato' chuqa' roj. Rat xke'awelesaj pa qawi' ri yetz'ilo qichin. Rije' kan xojkiya' pa kow taq samaj, jak'a re wakami rat kan xqojakol. Re wakami rat xtawelesaj ri uchuq'a' ri k'o kik'in rije'.

Wuj Richin ri Isaías 5:7

Ri Jehová k'iytisanel richin ronojel, jari' ri rajaw ri tiko'n. Y ri tiko'n ri kan janila nrajo', re' kan nuk'exewachuj k'a konojel ri qawinaq israelita. Y re qejoj re' kan jare' ri k'o más rejqalen. Ri Jehová kan royoben k'a chi xkitaqej ta ri rupixa', jak'a xa ruyon kamik ri xkiben. Royoben k'a ruchojmilal, jak'a xa ruyon raqoj-chi'ij richin q'axo'n ri nrak'axaj.

Wuj Richin Bix Chire ri Dios 78:64

Ri e sacerdote chuqa' kan xekamisex k'a chi espada. y ri malka'n taq ixoqi' man xya'ox ta q'ij chike richin xekoq'ej ta.

Wuj Richin Bix Chire ri Dios 73:8

Kan xaxe k'a yetze'en y ruyon etzelal ri nikibij ri kich'owen kan ruyon rik'in nimirisanen.

Wuj Richin Bix Chire ri Dios 125:3

Chupan ri q'atbel-tzij man xtik'oje' ta jantape' jun rey ri banoy etzelal, roma man xa roma ri' kemakun ri choj kik'aslen.

Ez 8:17

K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

Ez 45:9

Yin Jehová ninbij: Rix ri ix q'atoy taq tzij richin ri Israel, man chik ke'iben ch'a'oj ni man chik tiben chike richin nikitej poqon ri nuwinaq. Xa kan tibana' ronojel pa ruchojmilal y rik'in ruch'ajch'ojil. Man chik timej kulew ri nutinamit.

Wuj Richin ri Jeremías 7:34

Chiri' pa taq tinamit Judá y pa taq bey richin ri tinamit Jerusalem man jun chik bixanik richin nimaq'ij, o richin kikoten o ri bixanik richin k'ulubik, roma chijun ruwach'ulew xtitole' kan.