Ez 6:8 - Kaqchiquel Bible8 Jak'a yin xtinben chi man xkeken ta konojel ri winaqi' chi espada, xa k'a xkek'ase' na kan jujun chike rije' y ri xkek'ase' na kan xa xkentaluj-el chuwech re ruwach'ulew. အခန်းကိုကြည့်ပါ။ |
Y ri juba' chike ri aj-Judá ri xebe pa ruwach'ulew Egipto richin yebek'oje' chiri', man jun k'a chiwe rix xtitikir xtanimej-el, ni man jun ri xtik'ase' ta kan richin nitzolin ta chik pan iruwach'ulew, stape' nrajo' nitzolin richin nibek'oje' chik chiri'. Ri xkebek'oje' chiri' xa kan xaxe chik k'a ok jujun ri xkekolotej chupan ri kamik, xcha' ri Dios.
Pa ruwi' ri', rix ri xkixkolotej kan y xkixtzolin chupan ri qaruwach'ulew, xa ix juba' ok. Y keri' k'a chi'iwonojel rix ri k'a ixk'o na kan pa ruwach'ulew Judá, ri xkixok pa ruwach'ulew Egipto kan xtiwetamaj achoq ch'abel na k'a ri xtik'uluwachitej; wi kan ja ri nuch'abel yin Jehová, o ja ri ich'abel rix.
Man tik'en rukiy rix ri ix rijatzul kan ri Jacob roma yin ink'o iwik'in. Stape' xkenk'is k'a konojel tzobaj winaqi' ri akuchi xixintaluj-wi-el, jak'a rix man xkixink'is ta. Xaxe k'a xtinya' jun xik'a'y chiwe richin yixchojmir, ri kan ruk'amon, roma kan man xkixinya' ta kan choj keri'. Yin Jehová ri yibin, xcha' ri Dios.
Y toq xtak'is ri oyowal chirij ri ruwachibel ri tinamit Jerusalem, jari' toq xtaporoj ri jun nabey chuyaj chire ri rusumal-awi' pa ruwi' ri xan. Ri jun chik chuyaj xtaya' pa ruwi' ri xan y k'ari' xtatzak'ij rik'in espada. Y chire ri rox chuyaj xtak'en kan ka'i-oxi' raqen rusumal-awi' y xtaxim chutza'n-qa ri atziaq. Y ri xtik'oje' kan xtak'eq-el pa kaq'iq'. Y re' nuk'exewachuj chi kan keri' xtinben iwik'in rix y kan xkixintzeqelibej rik'in espada.