Ez 6:7 - Kaqchiquel Bible

⁷ K'a toq xtikitz'et na chi janila winaqi' israelita xkeken, k'ari' xtiketamaj chi ja yin Jehová.

Ez 6:7 ပူးပေါင်းရင်းမြစ်များ

Ez 38:23

Keri' xtink'ut k'a chikiwech ri ch'aqa' chik ruwach'ulew chi yin kan in loq'olej y kan nimalej nuq'ij. K'ari' k'a xtiketamaj konojel chi ja yin Jehová ri ink'o pa ruwi' ronojel.

Ez 35:15

Achi'el xixkikot rix chikij ri nuwinaq israelita toq xwulatej ronojel kichin rije', keri' chuqa' xtinben chiwe rix chi xtitole' kan ri juyu' richin Seir y chijun chuqa' ri ruwach'ulew Edom. K'ari' xtiketamaj konojel winaqi' chi ja yin Jehová, xcha'.

Ez 30:26

Kan xkentaluj k'a ri aj-Egipto chikikojol ri ch'aqa' chik tinamit y ruwach'ulew y k'ari' xtiketamaj chi ja yin Jehová.

Ez 28:23

Xtinteq k'a pe yabilal pa ruwi' ri tinamit y chuqa' oyowal richin xtibiyin kik' pa taq bey; y konojel ri xkeken xkepunupuxin kan pa taq bey. K'ari' konojel xtiketamaj chi ja yin Jehová ri ink'o pa ruwi' ronojel.

Ez 26:6

Y ri tinamit ri ek'o chunaqaj rija' ri kan kuqul kik'u'x rik'in xa xkeken k'a chi espada. K'ari' xtiketamaj chi ja yin Jehová ri ink'o pa ruwi' ronojel.

Ez 25:17

Kan xtinya' rajel-ruk'exel chike y rik'in janila woyowal kan xtinya' k'a ri rutojbalil-mak pa kiwi'. Y toq xtinben kere' k'ari' rije' xtiketamaj chi ja yin Jehová ri ink'o pa ruwi' ronojel, xcha'.

Ez 24:27

Chuqa' xubij chuwe chi yin xkik'atzin chik richin jun retal y man xkitikir ta xkich'on. Jak'a chupan ri q'ij ri' xkitikir xkich'on chik jun bey y xkitikir k'a xkitzijon rik'in ri ya'ol rutzijol. Y rik'in ri' ri nuwinaq ri ek'o wik'in chiri' pa Babilonia xtiketamaj k'a chi ja ri Jehová ri qajaw.

Ez 24:24

Ri xinben rik'in ri Ezequiel, re' kan xtok k'a jun retal chiwe rix y rix kan xtiben k'a ronojel ri xuben rija'. Y toq ronojel k'a re' xtik'uluwachitej, k'ari' xtiwetamaj chi ja yin Jehová ri ink'o pa ruwi' ronojel, xcha' ri Dios.

Ez 23:49

Y rix kan xtik'ul k'a ri rutojbalil imak roma xe'itzeqelibej ch'aqa' chik ruwach'ulew y roma xiya' kiq'ij ri ki-dios. Y k'ari' xtiwetamaj chi ja yin Jehová ri ink'o pa ruwi' ronojel, xcha'.

Ez 20:44

Rix kan ruk'amon ta ninya' rutojbalil-mak pan iwi', jak'a richin chi nel utz nutzijol, kan xtinjoyowaj k'a iwech. Y jari' toq xtiwetamaj chi ja yin Jehová ri ink'o pa ruwi' ronojel, xcha'.

Ez 20:42

Rix kan xtiwetamaj k'a in achike yin Jehová, ri rubanik ri nuna'oj, toq kan xkixink'en-pe chupan re ruwach'ulew richin Israel, ri ruwach'ulew ri kan nubin chi kan ninya-wi chike ri iwati't-imama'.

Ez 20:38

Xkenwelesaj k'a el chi'ikojol ri man e nimey ta tzij y ri e yakatajineq chuwij. Jak'a rix xkixinwelesaj chupan ri jalajoj kiwech ruwach'ulew ri akuchi ixk'o-wi y man xkixok ta chi'iwonojel chupan ri ruwach'ulew Israel. Kere' xtinben richin xtiwetamaj chi ja yin Jehová.

Ez 15:7

Yin kan xkinok k'a etzelanel kichin rije'. Stape' xke'animej chuwech ri q'aq', jak'a kan k'o chik jun q'aq' ri xtik'ison kichin. Y k'ari' xtetamex chi ja yin Jehová.

Ez 14:8

Kan xtinpaba' k'a wi' chuwech re jun wineq re' y kan xtinya' rutojbalil-mak pa ruwi'. Kan xtinwelesaj-el chikikojol ri awinaq y ri xtibanatej kan xtok jun k'ambel-tzij. K'ari' xtiketamaj chi ja yin Jehová.

Ez 13:23

Roma ri', man jun bey chik xtik'utumej chikiwech ri man e qitzij ta, ni man xtiq'alajirisex ta chik ch'abel ri xa man e qitzij ta. Y yin kan xtinkol k'a el ri nutinamit pa kiq'a' y k'ari' xtiketamaj rije' chi ja yin Jehová, xcha'.

Ez 13:21

Chuqa' xtinretz k'a el ri tzieq ri nikiya' pa kijolon richin q'oloj y kan xkenkol k'a el ri awinaq pa kiq'a' ri ixoqi' ri'. Y keri' man xketikir ta chik xkekikoch'; y xtiketamaj chi ja yin Jehová.

Ez 13:14

Kan xtinwulaj k'a ri tz'aq richin ri Jerusalem ri xkichumaj rije'. Kan xtinqasaj k'a jumul pan ulew y kan xtibeq'alajin k'a pe ri ruxe'. Y ri winaqi' ri' kan xkemuqutej k'a chuxe' ri tz'aq ri'. K'ari' xtiketamaj ri ch'aqa' chik winaqi' chi ja yin Jehová.

Ez 13:9

Kan xtinya' rutojbalil-mak pa kiwi' rije'. Re winaqi' k'a re' kan man xtikixol ta k'a ki' kik'in ri awinaq, stape' junan kijatzul. Chuqa' man xtitz'ibex ta kibi' chupan ri wuj ri akuchi tz'ibatel kan kibi' ri e aj pa rachoch kan ri Israel y kan man xketzolej ta chik pa kiruwach'ulew. K'ari' rije' xtiketamaj k'a chi ja yin Jehová.

Ez 12:15

K'a ja toq xkentaluj-el pa taq ruwach'ulew jari' toq xtiketamaj chi ja yin ri' ri in Jehová.

Ez 11:12

Rix xa xitzeqelibej ri kibanobal ri winaqi' kichin ri tinamit ri ek'o chi'inaqaj, xa man ibanon ta y man itaqen ta ri nubij ri jalajoj ruwech pixa' ri nuya'on chiwe. Jak'a re wakami kan xtiwetamaj k'a chi ja yin Jehová, xcha'.

Ez 11:10

Kan xkixkamisex k'a chi espada chupan ri iruwach'ulew. Jak'a nabey k'o chi xtiwetamaj nuwech yin.

Ez 9:7

K'ari' xubij chike chi kekinojisaj rik'in kaminaqi' ri ruwa-jay y keri' k'a xtikiben chi xtok man ch'ajch'oj ta. Xeri' xeruteq-el pa tinamit ri kamisanela'. Y rije' kan xebekamisan kan.

Ez 7:9

Y kan man xtinjoyowaj ta k'a iwech toq xtinya' rutojbalil-mak pan iwi' roma ronojel re'. K'ari' k'a xtiwetamaj chi ja yin Jehová ri yibanon ronojel re'.

Ez 7:4

Kan man xtinjoyowaj ta chik iwech toq xtinya' rutojbalil-mak pan iwi', roma ri itzel taq ibanobal ri xe'ibanala', kan man niqa' ta k'a chinuwech. K'ari' k'a xtiwetamaj in achike yin.

Ez 6:13

Xtiketamaj chi ja yin ri' ri in Jehová, toq xtikitz'et ri kaminaqi' ri e li'an chikiwech ri wachibel y chuchi' ri porobel y toq xkek'oje' kaminaqi' ri akuchi nikiya' kiq'ij ri wachibel y xkisuj-wi ri jubulej taq aq'om ri chiri' pa ruwi' taq juyu', pa taq'aj, chikixe' che' ri e jebel rex-rex.

Wuj Richin ri K'uxla'anik 4:9

Kan más wi k'a utz ruwa-kiq'ij ri xeken chi espada chuwech ri xeken roma wayjal. Rije' xa kan eqal-eqal na k'a xpe ri kikamik, roma man jun chik k'o kik'in richin nikitej.

Wuj Richin ri Jeremías 25:33

Kan xtinben chi chupan ri q'ij ri', ri kaminaqi' xkek'oje' kan ri juk'an ruchi' ri ruwach'ulew k'a ri juk'an chik ruchi'. Y kan man jun k'a xtoq'en kichin, ni kan man jun k'a xtisik'on ri kich'akul richin yekimuq ta. Kan xkepunupuxin k'a kan chiri' pan ulew achi'el ri pamaj.

Wuj Richin ri Jeremías 18:21

Jak'a re wakami nink'utuj utzil chawe richin xtaben ta chi xkeken ri kalk'ual roma wayjal y roma ri espada. Ri ixoqi' kan xkemalkanej ta kan y xkek'is ta el konojel kal. Ja ta ri nima-yabil xtikamisan kichin ri achi'a', y ri alaboni' xkeken ta pa taq labal.

Wuj Richin ri Jeremías 14:18

Wi yibe pa juyu', yentz'et ri xeken kan pan oyowal. Toq yinok-apo chupan ri tinamit, yentz'et winaqi' ri yeken yan qa roma wayjal. Chuqa' ri nikibananej chi e q'alajirisey ruch'abel ri Dios y ri e sacerdote chaq k'ate' xe'uk'uex-el pa jun chik ruwach'ulew ri man ketaman ta, xicha' chike.

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.

Ex 14:18

Y rije' xtiketamaj chi ja yin Jehová, toq xtink'ut ri nimalej wuchuq'a' chuwech ri rey, chikiwech ri e beneq pa carruaje y chikiwech ri e beneq chirij kiej, xcha' rija'.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 7:5

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

Ez 6:6

Y xabakuchi k'a xkek'oje-wi chire ri ruwach'ulew, xa kan xkenwulaj ri kitinamit. Chuqa' kan xtink'is ri akuchi niya-wi kiq'ij ri wachibel, ri porobel y konojel ri wachibel. Keri', xkek'is ri e kibanon-qa rije'.

Ez 6:8

Jak'a yin xtinben chi man xkeken ta konojel ri winaqi' chi espada, xa k'a xkek'ase' na kan jujun chike rije' y ri xkek'ase' na kan xa xkentaluj-el chuwech re ruwach'ulew.

Ez 12:19

Y tabij chike ri awinaq wawe' pa Babilonia chi kere' ninbij yin Jehová pa kiwi' ri aj-Jerusalem y ri aj-Judá. Toq rije' nibekitija' ri kiway, xtikiben rik'in janila xibinri'il y kan yek'ark'ot k'a. Y toq xkebe'uk'ya' kan xtikina' janila bis. Ri ruwach'ulew kan xtibewulatej y xtibetole' kan, roma ri itzel taq kibanobal ri winaqi' ri'.

Ez 20:26

y chuqa' xinya' k'a q'ij chike richin xe'ok man e ch'ajch'oj ta rik'in ri kisipanik ri xkiya' chikiwech ri wachibel toq xekiporoj ri nabey taq kik'ajol. Xinben ronojel re' richin xtik'oje' ta xibinri'il kik'in y xketamaj ta chi ja yin Jehová.

Ez 22:16

Y toq xtibanatej re', rix kan man jun k'a iwejqalen xtuben chikikojol ch'aqa' chik winaqi', y k'ari' xtiwetamaj chi ja yin Jehová, xcha'.

Ez 32:15

K'ari' xtiketamaj ri awinaq aj-Egipto chi ja yin ri' ri in Jehová, toq xtinben chire ri iruwach'ulew chi xtok kan tz'iran y xtuk'uex-el ronojel ri ek'o chiri' y toq konojel winaqi' xkek'is.