Ez 6:6 - Kaqchiquel Bible

⁶ Y xabakuchi k'a xkek'oje-wi chire ri ruwach'ulew, xa kan xkenwulaj ri kitinamit. Chuqa' kan xtink'is ri akuchi niya-wi kiq'ij ri wachibel, ri porobel y konojel ri wachibel. Keri', xkek'is ri e kibanon-qa rije'.

Ez 6:6 ပူးပေါင်းရင်းမြစ်များ

1 Rey 14:23

Rije' xekipaba-q'anej ri akuchi nikiya-wi ruq'ij ri wachibel ri pa ruwi' taq juyu', y chuqa' xekipaba-q'anej abej y che' richin nikiya' kiq'ij ri ki-dios. Re' xeban pa ronojel ruwi' taq juyu' y chuxe' taq che' ri jebel kimujal.

Wuj Richin Bix Chire ri Dios 115:8

Kan e achi'el k'a re wachibel re', e keri' ri winaqi' ri yebanon kichin; e keri' chuqa' konojel ri nikikuquba' kik'u'x kik'in.

Wuj Richin ri Isaías 1:31

Ri k'o janila ruchuq'a' xa xtok achi'el páxa y ri rusamaj xa xtok rubix q'aq'. Re' junan k'a xkejinon pa q'aq' y kan man jun k'a xtichupu, nicha' ri Dios.

Wuj Richin ri Isaías 2:18

Y kan xkeruk'is k'a el ronojel kiwech taq wachibel ri yekiya' kiq'ij.

Wuj Richin ri Isaías 2:20

Chupan k'a ri q'ij ri', ri winaqi' xtikik'uaj-el ri wachibel ri e kibanalon rik'in q'anapueq y saqipueq, ri e kibanalon richin xekiya' kiq'ij, y xtikik'aqala-el k'a akuchi ek'o-wi ri ch'oy y ri sotz'.

Wuj Richin ri Isaías 27:9

Xaxe k'a k'o jun rubanik richin xtukuy ri kimak ri qawinaq israelita; wi xtikiben k'a ronojel re', kan xtikuyutej ronojel ri man utz ta kibanon: Kan xkeruyoj k'a ronojel porobel ri xa e kichin ch'aqa' chik dios, y kan xkeke'ex achi'el niban rik'in ri chum. Chuqa' xke'elesex ronojel paban-che' ri nikiya' ruq'ij ri Asera, y ronojel porobel richin pom.

Wuj Richin ri Isaías 6:11

Y yin xink'utuj chire ri janipe' q'ij xtiyaloj re ruk'ayewal re'. Y rija' xubij chuwe: K'a ja toq ri tinamit xtitole' kan, y kan man jun chik kajaw: K'a ja toq man jun chik wineq chupan ri taq jay, y toq ri ruwach'ulew richin tiko'n xtok kan tz'iran:

Wuj Richin ri Isaías 64:10

Ri tinamit ri ek'o pa qaruwach'ulew xa kan xetole' k'a kan. Ri tinamit Sión xa kan xok kan jun tz'iran ruwach'ulew, y tolan-tolan xuben kan.

Wuj Richin ri Jeremías 10:22

Kan peteneq k'a jun rutzijol kere' pa xaman chi peteneq jun nimalej ruk'ayewal, richin chi nuben chire ronojel tinamit richin Judá chi man jun chik nik'oje' kan chuwech y nuben chi chiri' xkebek'ase-wi ri utiwa', xecha' rije'.

Wuj Richin ri Jeremías 17:3

Xtinben chi xteleq'ex-el ri ibeyomel ri k'o iwik'in roma ri imak y xkewulex ri chiri' pa ruwi' taq juyu' ri akuchi ich'aron-wi.

Wuj Richin ri Jeremías 2:15

Ri koj xkireq kichi' chirij, xeq'ajan chirij y xkiben chire ri ruwach'ulew chi man jun chik xk'oje' kan. Kan xkiwulaj k'a ri itinamit, xkiporoj kan y man jun chik wineq ri xk'oje' kan chupan.

Wuj Richin ri Jeremías 34:22

roma kan xtinben k'a chike chi xkepe chirij re tinamit re'. Xkixkichop chik chi oyowal, xke'ok chupan ri itinamit y xtikiporoj kan. Chuqa' xtinben k'a chike ri ch'aqa' chik tinamit richin Judá chi kan man jun xtik'oje' kan chupan y kan xtitole' kan, xcha' ri Jehová chuwe.

Wuj Richin ri Jeremías 51:18

Kan man jun k'a kejqalen y toq xtapon ri q'ij richin ri aq'atbel-tzij, k'ari' xke'ak'is.

Wuj Richin ri Jeremías 9:10

Yin yinoq' y yibison roma ri k'echelaj. Yin ninbixaj jun bix richin bis roma ri juyu' richin soq'olbel, roma xa xek'at y man jun chik achike ye'ik'o pa kiwi'. Kan man nak'axex ta chik koq'ej ri awej y keri' chuqa' ri aj-xik' taq chikopi' y ri chikopi' richin k'echelaj. Konojel xa xe'animej yan el.

Wuj Richin ri Jeremías 9:11

Y ri Dios xubij chi xtiberubana' chire ri tinamit Jerusalem chi xtipe jun wululen pa ruwi'. Chuqa' xtuben chire chi xtok kijul ri chikopi' achi'el utiwa'. Y chike ri ch'aqa' chik tinamit richin ri Judá xtuben richin xke'ok tz'iran taq ruwach'ulew y kan man jun chik wineq ri xtik'oje' chiri'.

Wuj Richin ri Jeremías 9:19

Roma pa tinamit Sión xak'axatej k'a jun raqoj-chi'ij ri nikibij: Ri qaruwach'ulew kan xk'oje' k'a kan pa wululen y pa k'ixbilal. Chuqa' kan xek'is k'a ri qachoch y roma ri' k'o chi xqojel-el.

Ez 12:19

Y tabij chike ri awinaq wawe' pa Babilonia chi kere' ninbij yin Jehová pa kiwi' ri aj-Jerusalem y ri aj-Judá. Toq rije' nibekitija' ri kiway, xtikiben rik'in janila xibinri'il y kan yek'ark'ot k'a. Y toq xkebe'uk'ya' kan xtikina' janila bis. Ri ruwach'ulew kan xtibewulatej y xtibetole' kan, roma ri itzel taq kibanobal ri winaqi' ri'.

Ez 16:39

Y kan xkatinjech pa kiq'a' ri e etzelanel awichin, richin xtikiwulaj ri akuchi naya' kiq'ij ri wachibel y chuqa' ri porobel ri ek'o pa taq bey. Xtink'uaj-el ronojel atziaq y ri jalajoj ruwech wiqobel ri k'o awik'in. Y kan man jun k'a xtik'oje' kan awik'in y kan xkach'ane' kan jumul.

Ez 30:13

Kan xkenwulaj ronojel wachibel, xkenwulaj chuqa' ri ki-dios ri tinamit Menfis. Chuqa' chupan ri ruwach'ulew Egipto kan man jun chik wineq ri nino'on ta richin xtiq'aton-tzij pa ruwi' y roma ri' ri winaqi' janila kixibin-ki'.

Ez 35:4

Kan xkewuluwu' kan ri itinamit, y xkemalin kan. K'ari' xtiwetamaj chi ja yin Jehová.

Ez 5:14

Yin kan xtinben k'a chire ri itinamit Jerusalem chi kan man jun chik rejqalen. Kan xtinqasaj k'a ruq'ij chikiwech konojel ruwach'ulew ri ek'o chunaqaj.

Ez 6:4

Xkenwulaj k'a jumul ri porobel ri akuchi nisuj ri kamelabel y ri akuchi niporox-wi ri pom. Chuqa' xtinben chi ri winaqi' chaq k'ate' xkeken-qa chikiwech ri wachibel ri e kibanon-q'anej.

Ez 6:7

K'a toq xtikitz'et na chi janila winaqi' israelita xkeken, k'ari' xtiketamaj chi ja yin Jehová.

Os 10:2

Rije' xa kan ruch'aron-ri' ri kánima, wakami kan xtibekitojo' k'a ri kimak. Ri Jehová kan xtuben k'a chi xkewulex-el ronojel porobel ri e kibanon. Kan xkewulex k'a chuqa' ronojel ri wachibel ri e kibanalon richin nikiya' ruq'ij.

Os 10:8

Ri porobel ri ek'o pa ruwi' taq juyu' richin Aven ri akuchi xemakun-wi ri israelita, xa kan xkewulex k'a el. Ri akuchi xek'oje-wi ri porobel, xa xkebek'iy-pe jalajoj ruwech k'ix. Roma ronojel ri' ri winaqi' xtikibij k'a chire ri juyu' ¡qojawewaj! Y chike ri tanateq juyu' xtikibij: ¡Kixtzaq-pe chiqij!, xkecha'.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Wuj Richin ri Chojmirisabelri'il 26:31

Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

Wuj Richin ri Miqueas 1:7

Ri jebelej taq wachibel xkewulex y ri sipanik ri xtikich'ek ri ixoqi' ri yewer kik'in achi'a' ri ye'apon pa kachoch ri ki-dios xa xtiporox. Ri wachibel ri' xa xke'ok q'ayis. Ri Samaria xril k'a ronojel re' richin ninimaq'ijun richin nik'iyer ri rutiko'n. Jak'a ri e etzelanel kichin xa xtikik'uaj richin nibekiya' chike ri ixoqi', chupan ch'aqa' chik kachoch ri ki-dios richin nikiya' kiq'ij.

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.

Wuj Richin ri Miqueas 5:13

Xkeruwulaj k'a el chikiwech ronojel ri wachibel y ri paban taq abej. Y chuqa' man jun bey chik k'a xkexuke' chikiwech ri wachibel ri xa ja ri kiq'a' ri banayon.

Wuj Richin ri Habacuc 2:18

¿Achike ta k'a nik'atzin-wi ri ruwachibel jun dios?, roma xa jun relik wineq xbanon. ¿Achike k'a roma naben jun wachibel?, roma xaxe richin yaruq'ol. Rat xaben kiwachibel mem, y k'ari' nakuquba' ak'u'x kik'in ri xa ja rat at banayon.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

Wuj Richin ri Zacarías 13:2

Xtinwelesaj ri wachibel ri ek'o chiri', y kan man jun bey chik xkenatex. Chuqa' xkenwelesaj-el ri nikiq'alajirisaj ri kich'abel ri wachibel ri', y keri' chuqa' xkenwelesaj-el ri itzel taq espíritu.

1 Sam 5:4

Y toq xeyakatej chik nimaq'a' yan ri ruka'n q'ij, xkitz'et chi ri wachibel tzaqineq chik pe jun bey y jupul chuwech ri káxa. Ri rujolon y ri ka'i' ruq'a' xeq'aj y e punul kan k'a chuchi' ri ruchi-jay. Xaxe ri ruch'akul man jun xuben.