Ez 6:3 - Kaqchiquel Bible

³ Kan xtipe jun labal pa kiwi' ri juyu', ri taq'aj ruwi' taq juyu', ri ch'uti'n raqen taq ya' y ri taq'aj. Chuqa' kan xkewulatej k'a ri akuchi niya'ox-wi kiq'ij ri wachibel.

Ez 6:3 ပူးပေါင်းရင်းမြစ်များ

1 Rey 14:23

Rije' xekipaba-q'anej ri akuchi nikiya-wi ruq'ij ri wachibel ri pa ruwi' taq juyu', y chuqa' xekipaba-q'anej abej y che' richin nikiya' kiq'ij ri ki-dios. Re' xeban pa ronojel ruwi' taq juyu' y chuxe' taq che' ri jebel kimujal.

Wuj Richin ri Isaías 27:9

Xaxe k'a k'o jun rubanik richin xtukuy ri kimak ri qawinaq israelita; wi xtikiben k'a ronojel re', kan xtikuyutej ronojel ri man utz ta kibanon: Kan xkeruyoj k'a ronojel porobel ri xa e kichin ch'aqa' chik dios, y kan xkeke'ex achi'el niban rik'in ri chum. Chuqa' xke'elesex ronojel paban-che' ri nikiya' ruq'ij ri Asera, y ronojel porobel richin pom.

Wuj Richin ri Isaías 30:25

Y xtibanatej k'a chupan ri q'ij ri', toq xkeken ri e etzelanel iwichin, y toq xketzaq ri kitobal, jari' toq xkebejaqatej-pe raqen taq ya' y nima'q rubey taq ya' chiri' pa ruwi' ronojel taq juyu' richin urtisanik pan iwi' rix.

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Wuj Richin ri Jeremías 22:29

Iwonojel rix aj-Judá, kan tiwak'axaj k'a chi utzil ri nuch'abel, yin Jehová.

Wuj Richin ri Jeremías 3:23

Man jun nik'atzin-wi yojbe-q'anej pa ruwi' taq juyu' y niqareq qachi', roma roj kan awik'in rat qajaw Dios niqil-wi ri kolotajik roj ri oj atinamit Israel.

Wuj Richin ri Jeremías 3:6

Ri ruch'abel ri Jehová xoqaqa wik'in chupan ri q'ij chire ri q'atbel-tzij richin ri rey Josías y xubij chuwe: Rat Jeremías xatz'et ri etzelal ri xuben ri tinamit Israel ri chiri' pa xaman. Kan xebe k'a chiri' chuwa taq juyu' chuxe' taq che' ri janila kixaq, richin chi chiri' xekitzeqelibej ch'aqa' chik dios, achi'el nuben jun ixoq itzel ruk'aslen ri yerutzeqelibej ch'aqa' chik achi'a'.

Ez 36:8

Jak'a ri juyu' richin ri ruwach'ulew Israel kan xkenoj chi che' ri yewachin. Y ri winaqi' israelita kan xtikitej ri ruwech toq xketzolin-pe pa ximonri'il.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Am 7:9

Ri juyu' ri akuchi nikiya' kiq'ij ri ki-dios kan xtik'is jumul. Ri kachoch ri ki-dios kan xkewulatej kan. Y ri aj pa rachoch kan ri Jeroboam kan xkenkamisaj rik'in espada, xcha'.

Wuj Richin ri Miqueas 6:1

Winaqi' israelita, tiwak'axaj ri ninbij yin Jehová: Titzijoj ri ibanobal chire ri juyu'. Y rix, juyu', tiwak'axaj ri nikibij.

Wuj Richin ri Miqueas 6:2

Rix juyu' ri ix ruch'okolibal ri ruwach'ulew, tiwak'axaj chuqa' ri nuch'ojinik chikij ri nutinamit Israel, roma xtinben jun ch'ojikil kik'in.