Ez 6:14 - Kaqchiquel Bible

¹⁴ Chupan ri q'ij ri', xtintzeqej k'a nuq'a' pa kiwi' ri awinaq israelita richin ninya' rutojbalil-mak pa kiwi'. Y kan k'a kela' pa xokon chire ri tz'iran ruwach'ulew, k'a kela' pa xaman chire ri tinamit Riblá, kan xtinben k'a tz'iran chire chijun ri ruwach'ulew. Y kan xtiketamaj chi ja yin Jehová, xcha' chuwe.

Ez 6:14 ပူးပေါင်းရင်းမြစ်များ

Wuj Richin Bix Chire ri Dios 138:7

Wi ta yin ink'o pa ruk'ayewal, rat kan yinachajij. Kan xtatzeqej k'a ri aq'a' chikij ri e etzelanel wichin y yinakol.

Wuj Richin ri Isaías 10:4

Kan man jun xtik'oje' kan iwik'in, xaxe xtiqasaj-iwi' chikiwech ri xkixuk'uan-el pa ximonri'il, ó xa xkixkamisex kan. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 24:1

Ri Jehová kan xtiberujosq'ij jebel chijun ri ruwach'ulew. Kan xtuyoj, kan xtuwulaj ri ruwach'ulew, y konojel ri ek'o chupan kan xkerutaluj-el.

Wuj Richin ri Isaías 24:7

Xa kan xtik'is ri vino, y ri juwi-uva xa xkechaqi'j-qa. Konojel ri janila nikikot ri kánima, xa xkek'oje' chupan jun nimalej bis.

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Wuj Richin ri Isaías 5:25

Roma k'a re banobel re' xyakatej janila royowal ri Jehová chiwij. Y roma ri' kan xtutzeqej k'a ri ruq'a' chiwij richin nuya' ri rutojbalil pan iwi'. Ri juyu' kan xkesilon k'a, y ri kich'akul ri qawinaq ri xkeken, kan xkepunupuxin pa taq bey; xa kan achi'el k'a q'ayis xtikiben. Man rik'in ri' ri royowal ri Jehová man jani tiq'ax, roma ri royowal rija' xa kan k'o k'a pan iwi'.

Wuj Richin ri Isaías 9:12

Ri pa relebel-q'ij xkepe ri aj-Siria, y ri pa qajbel-q'ij ja ri aj-Filistea. Y rije' kan xkekitej chi rex ri israelita. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 9:17

Xa roma ri' ri Jehová kan man xtujoyowaj ta kiwech; ri alaboni', ri meba'i' y ri malkani'. Roma konojel rije' xa xkimalij kan ri Dios, y kan janila e itzel. Konojel xaxe yoq'onik ri k'o pa kichi'. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 9:21

Ri israelita ri ek'o pa xaman xtikiben-qa oyowal chikiwech rije', y k'ari' rije' xke'ok chirij ri qaruwach'ulew Judá. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Jeremías 25:11

Chijun k'a ri itinamit kan xtik'is y kan xtitole' kan. Y re tzobaj winaqi' re' kan xtibekisamajij oxk'al lajuj juna' ri rey richin Babilonia.

Wuj Richin ri Jeremías 48:22

ri Dibón, ri Nebo, ri Bet-diblataim,

Ez 12:15

K'a ja toq xkentaluj-el pa taq ruwach'ulew jari' toq xtiketamaj chi ja yin ri' ri in Jehová.

Ez 14:13

Rat Ezequiel, ninbij k'a chawe chi wi ri winaqi' richin jun ruwach'ulew yeyakatej chuwij y man nikiben ta ri ninbij chike, yin kan xkiyakatej k'a chikij y xtinya' ri rutojbalil-mak pa kiwi'. Yin man xtinya' ta chik pe ri achike nikitej, richin xtipe jun nimalej wayjal pa kiwi'. Y keri' xkeken k'a rije' y ri kawej.

Ez 15:8

Y kan xtinben k'a chire ri ruwach'ulew chi xtibetole' kan, roma rije' man xkiben ta ri xinbij chike. Ja yin Jehová ri yibin, xcha'.

Ez 16:27

Roma ri', yin xiyakatej richin xinya' rutojbalil-mak pan awi' y kan xinwelesaj juba' awulew richin xinjech pa kiq'a' ri aj-Filistea, ri kan itzel chuqa' xkina' roma ri itzel taq abanobal.

Ez 25:7

Roma ri' kan xkiyakatej k'a chiwij y xkixinjech k'a el pa kiq'a' ch'aqa' chik winaqi' richin chi nikelesaj kan chiwe ronojel ri k'o iwik'in. Kan xtinben k'a chiwe chi xkixk'is jumul richin man xtipaba' ta chik q'anej ri iruwach'ulew. Y ri ka'i-oxi' chik ri xkek'oje' kan, xtiketamaj chi ja yin Jehová ri ink'o pa ruwi' ronojel, xcha'.

Ez 33:28

Kan xtinben k'a chire ri iruwach'ulew richin xtok jun tz'iran y xtinwelesaj ri iwuchuq'a' ri achoq ik'in inimirisan-iwi'. Ronojel ri juyu' xke'ok tz'iran, richin man jun chik wineq xtiq'ax chiri'.

Ez 35:9

Yin xtinben k'a chire ri iruwach'ulew richin xtitole' kan richin jantape' y kan man jun bey chik xkeyakatej-q'anej ri nima'q taq itinamit. K'ari' xtiwetamaj k'a chi ja yin Jehová.

Ez 7:1

Ri Jehová xch'on chik wik'in y xubij chuwe:

Ez 7:4

Kan man xtinjoyowaj ta chik iwech toq xtinya' rutojbalil-mak pan iwi', roma ri itzel taq ibanobal ri xe'ibanala', kan man niqa' ta k'a chinuwech. K'ari' k'a xtiwetamaj in achike yin.

Wuj Richin ri Sofonías 1:4

Xtinteq-pe ruk'ayewal pa ruwi' ri tinamit Jerusalem y chijun ri ruwach'ulew Judá. Xkenk'is-el konojel ri ruwachibel ri Baal. Chuqa' xkenk'is ri e sacerdote ri nikisamajij;